सर्वशक्तिमान् परमेश्‍वरको मण्डली

आखिरी दिनहरूका ख्रीष्ट, सर्वशक्तिमान् परमेश्‍वरले मानवजातिलाई मुक्ति दिन सक्ने सबै सत्यता व्यक्त गर्नुभएको छ। मानिसहरूले मुक्ति पाउने सन्दर्भमा यी सत्यताहरू एकदमै महत्त्वपूर्ण छन्। तर, धेरै मानिसहरूलाई परमेश्‍वरले अत्यन्तै धेरै वचन व्यक्त गर्नुभएजस्तो महसुस हुन्छ—जसले गर्दा, उनीहरूलाई ती वचन कहाँदेखि पढ्न थाल्ने वा कुन सत्यताहरूमा प्रवेश गर्न अत्यावश्यक छ भन्‍ने नै थाहा हुँदैन। परमेश्‍वरका चुनिएका मानिसहरूलाई सक्दो चाँडो जग बसाल्न र उहाँमा विश्‍वास गर्ने र मुक्ति पाउने सही मार्ग प्रवेश गर्न सक्षम पार्नका लागि, परमेश्‍वरको घरले मण्डली जीवनमा प्रयोग गर्न सकियोस् र उहाँका चुनिएका मानिसहरूले उहाँका वचन खान र पिउन सकून् भनेर यो पुस्तक सङ्ग्रहित गरेको छ। यस पुस्तकलाई पाँच मुख्य भागमा बाँडिएको छ। पहिलो भागमा, दर्शनहरूसम्बन्धी सत्यताहरू छन्, र त्यसमा देहधारणको रहस्य, उहाँको कामका तीन चरणको भित्री कथा, परमेश्‍वरका आखिरी दिनहरूको कामको रहस्य इत्यादिलगायत १० वटा विषयवस्तु रहेका छन्। दोस्रो भागमा, विभिन्न धार्मिक धारणाहरू समाधान गर्नेसम्बन्धी सत्यताहरू छन्, र त्यसमा २२ वटा विषयवस्तु रहेका छन्। तेस्रो भागमा, विभिन्न भ्रष्ट स्वभावहरू समाधान गर्नेसम्बन्धी सत्यताहरू छन्, र त्यसमा ३२ वटा विषयवस्तु रहेका छन्। चौथो भागमा, अविश्‍वासी, दुष्ट मानिसहरू, झूटा अगुवाहरू र ख्रीष्टविरोधीहरूलाई खुट्टयाउनेसम्बन्धी सत्यताहरू छन्, अनि त्यसमा १२ वटा विषयवस्तु रहेका छन्। पाँचौँ भागमा, मुक्ति पछ्याउने र सिद्ध पारिनेसम्बन्धी सत्यताहरू छन्, अनि त्यसमा ४६ वटा विषयवस्तु रहेका छन्। यी पाँचवटा भागमा समेटिएका सत्यताहरू परमेश्‍वरका विश्‍वासीहरूले बुझ्नैपर्ने आधारभूत सत्यता हुन् भनेर भन्न सकिन्छ। यदि परमेश्‍वरका चुनिएका मानिसहरूले यी सत्यताहरू बारम्बार खान्छन्, पिउँछन्, यीबारे सङ्गति र मनन गर्छन् भने, उनीहरूले बिस्तारै सत्यता बुझ्न, वास्तविकतामा प्रवेश गर्न, र परमेश्‍वरको मुक्ति प्राप्त गर्न सक्नेछन्। त्यसपछि, यदि उनीहरूले यस आधारमा परमेश्‍वरले माग गर्नुभएका सबै सत्यतामा प्रवेश गर्न खोजी गर्छन् भने, उनीहरू सत्यता प्राप्त गर्न र अनन्त जीवन पाउन सक्षम हुनेछन्।