अध्याय ४४ र ४५

परमेश्‍वरले मानिसलाई “परमेश्‍वरप्रतिको प्रेम”—सबै पाठहरूमध्ये सबैभन्दा गहन पाठ—को बारेमा बताउनुभएको समयदेखि, उहाँले सबै मानिसहरूलाई मानव जीवनको रिक्तताको बारेमा जान्‍ने प्रयास गर्ने तुल्याउँदै, त्यसरी तिनीहरूभित्रको साँचो प्रेमलाई खोतलेर निकाल्‍ने तुल्याउँदै “सात आत्माका वाणीहरू” को विषयमा बोल्‍ने कार्यलाई ध्यान केन्द्रित गर्नुभएको छ। वर्तमान चरणमा अस्तित्वमा रहने मानिसहरूमा परमेश्‍वरप्रति कति प्रेम हुन्छ? के तिमीहरूलाई थाहा छ? के “परमेश्‍वरलाई प्रेम गर्नु” भन्‍ने पाठको कुनै सीमा छैन? मानव जीवनको बारेमा मानिसहरूसँग कस्तो बुझाइ छ? परमेश्‍वरलाई प्रेम गर्ने विषयमा तिनीहरूको आचरण कस्तो छ? तिनीहरू इच्‍छुक छन् कि अनिच्‍छुक छन्? तिनीहरू भीडको पछि लाग्छन् कि देहलाई घृणा गर्छन्? तिमीहरू स्पष्ट हुनुपर्ने र बुझ्‍नुपर्ने सबै कुरा यिनै हुन्। के मानिसहरूभित्र साँच्‍चै केही पनि छैन र? “मानिसले मलाई साँचो रूपमा प्रेम गरोस् भन्‍ने म चाहन्छु; तैपनि, आज मानिसहरूले मलाई तिनीहरूको साँचो प्रेम दिन नसकेर अझै पनि आफ्‍नो खुट्टा घिस्याउँछन्। तिनीहरूका कल्‍पनामा, तिनीहरूले के विश्‍वास गर्छन् भने यदि तिनीहरूले मलाई साँचो प्रेम दिए भने, तिनीहरूसँग केही पनि बाँकी रहनेछैन।” यी वचनहरूमा, “साँचो प्रेम” को वास्तविक अर्थ के हो? “सबै मानिसहरूले परमेश्‍वरलाई प्रेम गर्ने” यो युगमा किन परमेश्‍वरले अझै पनि मानिसहरूको साँचो प्रेम माग्‍नुहुन्छ? तसर्थ, परमेश्‍वरको अभिप्राय भनेको मानिसलाई उत्तर पुस्तिकामा साँचो प्रेमको अर्थ लेख्‍न लगाउनु हो, त्यसैले मानिसलाई परमेश्‍वरले दिनुभएको गृहकार्य ठीक यही हो। जहाँसम्‍म आजको यो चरणको कुरा छ, परमेश्‍वरले मानिसबाट ठूला-ठूला मागहरू नगर्नुभए पनि, मानिसहरूले मानवप्रतिको परमेश्‍वरका मूल मागहरूलाई पूरा गर्न अझै बाँकी छ; अर्को शब्‍दमा भन्दा, तिनीहरूले परमेश्‍वरलाई प्रेम गर्ने कार्यमा तिनीहरूका सारा शक्ति लगाउन अझै बाँकी नै छ। तसर्थ, तिनीहरूको अनिच्छाको बीचमा पनि, परमेश्‍वरले यो कामले प्रभाव हासिल नगरिञ्‍जेलसम्‍म र उहाँले यस काममा आफ्‍नो महिमा प्राप्त गरिञ्‍जेलसम्‍म मानिसहरूप्रतिको उहाँका मागहरू प्रस्तुत गरिरहनुहुन्छ। वास्तवमा नै, पृथ्वीमा गरिने काम परमेश्‍वरप्रतिको प्रेमद्वारा समाप्त गरिन्छ। तसर्थ, परमेश्‍वरले आफ्‍नो काम समाप्त गर्नुभएपछि मात्रै उहाँले मानिसलाई सबैभन्दा महत्त्वपूर्ण कामको बारेमा सूचित गर्नुहुन्छ। यदि उहाँको काम समाप्त भएको समयमा, उहाँले मानिसलाई मृत्यु दिनुहुन्छ भने, मानिस के हुनेछ, परमेश्‍वर के बन्‍नुहुनेछ, र शैतान के बन्‍नेछ? पृथ्वीमा मानिसको प्रेम प्राप्त गरिएपछि मात्रै “परमेश्‍वरले मानिसलाई जित्‍नुभएको छ” भनेर भन्‍न सकिन्छ। नत्र भने, मानिसहरूले परमेश्‍वरले मानिसलाई हेप्‍नुहुन्छ भनेर भन्‍नेथिए, र परमेश्‍वर लज्‍जित हुनुहुनेथियो। परमेश्‍वर कानेखुसी समेत नगरी आफ्‍नो काम समाप्त गर्ने गरी मूर्ख हुनुहुन्‍न। तसर्थ, जब काम समाप्त हुन लागेको हुन्छ, तब परमेश्‍वरलाई प्रेम गर्ने बारेमा जोश उत्पन्‍न हुन्छ, र परमेश्‍वरलाई प्रेम गर्ने कार्य चर्चाको विषय बन्छ। अवश्य नै, परमेश्‍वरप्रतिको यो प्रेम मानिसद्वारा कलङ्कित हुँदैन; यो त विशुद्ध प्रेम हो, पतिप्रतिको विश्‍वासयोग्य पत्‍नीको प्रेम वा पत्रुसको प्रेम जस्तो हो। परमेश्‍वरले अय्यूब र पावलको प्रेम चाहनुहुन्‍न, तर यहोवाप्रतिको येशूको प्रेम, पिता र पुत्रप्रतिको प्रेम: “व्यक्तिगत घाटा वा नाफाको बारेमा विचार नगरिकन पिताको बारेमा मात्रै विचार गर्नु, अरू कसैलाई होइन, तर पितालाई मात्रै प्रेम गर्नु, अनि अरू केही कुरा नमाग्‍नु।” के मानिसले यसो गर्न सक्छ?

यदि हामीले तिमीहरूलाई येशू, अर्थात्, जो पूर्ण मानवतामा हुनुहुन्‍नथियो, उहाँले गर्नुभएको कुरासँग तुलना गर्ने हो भने हामीले के विचार गर्नेथियौं? तिमीहरूको पूर्ण मानवतामा तिमीहरू कति हदसम्‍म आइपुगेका छौ? के तिमीहरू येशूले गर्नुभएको दशौं अंश हासिल गर्न सक्षम छौ? के तिमीहरू परमेश्‍वरको लागि क्रूसमा जान योग्य छौ? के परमेश्‍वरप्रतिको तिमीहरूको प्रेमले शैतानलाई लाजमा पार्न सक्छ? अनि मानिसप्रतिको तिमीहरूको कति प्रेमलाई तिमीहरूले हटाएका छौ? के यसलाई परमेश्‍वरप्रतिको प्रेमद्वारा प्रतिस्थापन गरिएको छ? के तिमीहरूले साँच्‍चै सबै कुरा परमेश्‍वरप्रतिको प्रेमको खातिर सहन्छौ? केही क्षणको लागि पत्रुसको बारेमा विचार गर, जो विगतको समयमा जिएका थिए, त्यसपछि आफैलाई हेर, जो आजका हौ—निकै ठूलो भिन्‍नता छ; तिमीहरू परमेश्‍वरको अघि खडा हुन अयोग्य छौ। तिमीहरूभित्र परमेश्‍वरप्रतिको प्रेम बढी छ कि दियाबलसप्रतिको प्रेम बढी छ? यो वैकल्पिक रूपमा स्केलको देब्रे र दायाँपट्टि राख्नुपर्दछ, ताकि कुन उच्च छ—तिमीहरूमा परमेश्‍वरप्रति वास्तवमा कति धेरै प्रेम छ भनेर हेर्न सकियोस्? के तिमीहरू परमेश्‍वरको अघि मर्न योग्य छौ? येशू क्रूसमा उभिन सक्‍नुको कारण के थियो भने, पृथ्वीमा उहाँले गर्नुभएका अनुभवहरू शैतानलाई लाजमा पार्नका लागि पर्याप्त थिए, र त्यही कारणले गर्दा मात्रै परमेश्‍वर पिताले उहाँलाई कामको त्यो चरण पूरा गर्न निर्धक्‍क साथ अनुमति दिनुभयो; यो उहाँले भोग्‍नुभएको कष्ट र परमेश्‍वरप्रतिको उहाँको प्रेमले गर्दा नै थियो। तर तिमीहरू त्यति धेरै योग्य छैनौ। तसर्थ, तिमीहरूको हृदयमा परमेश्‍वरलाई राख्‍ने कार्य हासिल गर्दै तिमीहरूले निरन्तर अनुभव गर्नुपर्छ, अरू केही गर्नु पर्दैन—के तिमीहरूले यो काम पूरा गर्न सक्छौ? यसबाट तैँले परमेश्‍वरलाई कति घृणा गर्छस्, र परमेश्‍वरलाई तैँले कति प्रेम गर्छस् भन्‍ने कुरा देख्‍न सकिन्छ। यो होइन कि परमेश्‍वरले मानिसलाई धेरै नै माग गर्नुहुन्छ, तर मानिसले कठिन परिश्रम गर्दैन। के अवस्थाको वास्तविकता यही होइन र? नत्र भने, तैँले परमेश्‍वरमा प्रेम गर्न योग्य कति धेरै कुरा भेट्टाउनेथिइस् र तैँले आफूमा कति धेरै घृणास्पद कुरा भेट्टाउनेथिइस्? तैँले यी कुराहरूलाई नजिकबाट नियाल्‍नुपर्छ। स्वर्गहरूमुनिका थोरैले मात्रै परमेश्‍वरलाई प्रेम गर्छन् भनेर भन्दा अत्युक्ति हुन्छ—तर के विश्‍वको रेकर्ड तोडेर परमेश्‍वरलाई प्रेम गरी तँ अग्रगामी बन्‍न सक्छस्? परमेश्‍वरले मानिसबाट केही पनि माग्‍नुहुन्‍न। के मानिसले यसको लागि उहाँलाई केही आदर दिन सक्दैन र? के तैँले यो कुरा समेत हासिल गर्न सक्दैनस्? भन्‍नुपर्ने अरू के नै छ र?

अघिल्लो: अध्याय ४२

अर्को: अध्याय ४६

तपाईं र तपाईंको परिवार बाँच्ने बारेमा एउटा ठूलो कुरा: के तपाईं ठूला विपत्तिहरूमा कसरी सुरक्षा प्राप्त गर्ने र बच्ने भनेर सोच्नुहुन्छ? तलको बटनमा क्लिक गर्नुहोस् र तपाईंले बाटो पाउनुहुनेछ।

सम्बन्धित विषयवस्तु

जब झर्ने पातहरू तिनको जराहरूमा फर्कन्छन्, आफूले गरेका सबै दुष्ट कामका निम्ति तैँले पछुतो गर्नेछस्

मैले तिमीहरूका बीचमा गरेका कामहरू तिमीहरूले आफ्नै आँखाले देखेका छौ, मैले बोलेका वचनहरू तिमीहरू आफैले सुनेका छौ, र तिमीहरूप्रतिको मेरो आचरण...

परमेश्‍वरको वचनद्वारा सबै कुरा प्राप्त हुन्छ

परमेश्‍वरले उहाँको वचन बोल्नुहुन्छ र विभिन्न युगअनुसार विभिन्न युगमा उहाँको काम गर्नुहुन्छ, उहाँले फरक-फरक वचनहरू बोल्नुहुन्छ। परमेश्‍वरले...

सिद्ध बनाइनुपर्नेहरू शोधनको प्रक्रियाबाट भएर जानैपर्छ

यदि तँ परमेश्‍वरमा विश्‍वास गर्छस् भने तैँले परमेश्‍वरको आज्ञापालन गर्नैपर्छ, सत्यतालाई व्यवहारमा देखाउनुपर्छ र तेरा सबै कर्तव्यहरू पूरा...

प्रार्थनाको अभ्यासको सम्बन्धमा

तिमीहरू आफ्‍नो दैनिक जीवनमा प्रार्थनालाई कुनै महत्त्व दिँदैनौ। मानिसले प्रार्थनाको कुरालाई बेवास्ता गर्दछ। प्रार्थनाहरू लापरवाही हुने...

सेटिङ्ग

  • टेक्स्ट
  • थिमहरू

पृष्ठभूमिको रङ्ग

थिमहरू

फन्टहरू

फन्टको आकार

लाइन स्पेसिङ्ग

लाइन स्पेसिङ्ग

पृष्ठको चौडाइ

विषयवस्तु

खोजी

  • यो शब्दको खोजी गर्नुहोस्
  • यो पुस्तकमा खोजी गनुृहोस्

हामीलाई Messenger मा सम्पर्क गर्नुहोस्