१. तपाईंले सर्वशक्तिमान्‌ परमेश्‍वरको मण्डलीको सुरुआत आखिरी दिनहरूका ख्रीष्ट, सर्वशक्तिमान् परमेश्‍वर देखा पर्नुभएको घटना र कामबाट भएको हो भनी गवाही दिनुहुन्छ, तर नास्तिक चिनियाँ कम्युनिस्ट पार्टी सरकार र धार्मिक संसारका अगुवाहरूले तपाईंहरूलाई झूटो शिक्षा र पन्थको रूपमा निन्दा गर्छन्। यसैले चिनियाँ कम्युनिस्ट पार्टी र धार्मिक संसारले भनेको कुरालाई हामीले कसरी बुझ्न सक्छौं?

सन्दर्भका लागि प्रवचन र सङ्गतिका अंशहरू:

चिनियाँ कम्युनिस्ट पार्टी एक नास्तिक राजनीतिक पार्टी हो। के तिनीहरूले परमेश्‍वरमा विश्‍वास गर्छन्? गर्दैनन्। तिनीहरूले कसमा विश्‍वास गर्छन्? तिनीहरूले शैतानवादको अगुवा मार्क्समा विश्‍वास गर्छन्। त्यसैले चिनियाँ कम्युनिस्ट पार्टी शैतानी हो। शैतानवादले स्वभाविक रूपमा परमेश्‍वरको मण्डलीलाई अत्यन्तै घृणा गर्छ, जसलाई यसले घोर विरोध र निन्दा गर्छ। चिनियाँ कम्युनिस्ट पार्टीको इतिहास हेरौं। यसको स्थापनादेखि नै चिनियाँ कम्युनिस्ट पार्टीले मार्क्सको कम्युनिस्ट घोषणापत्रको आराधना र सम्मान गरेको छ। चिनियाँ कम्युनिस्ट पार्टी सच्चा नास्तिक हो। तिनीहरूले परमेश्‍वरलाई स्वीकार गर्दैनन्, तिनीहरूले शैतान र मार्क्स, दुष्टहरूको राजाको आराधना गर्छन्, तिनीहरूले मार्क्सका वचनहरूलाई सत्यको रूपमा प्रतिस्थापित गर्छन् र यसैले तिनीहरूले परमेश्‍वरको विरोध गर्नु र परमेश्‍वरको कामको निन्दा गर्नु स्वभाविक हो। चिनियाँ कम्युनिस्ट पार्टीले सधैँ इसाई जगतलाई पन्थको रूपमा र बाइबललाई “पन्थ साहित्य” को रूपमा निन्दा गरेको छ। यसको बारेमा तपाईंलाई के लाग्छ? तपाईंको नजरमा चिनियाँ कम्युनिस्ट पार्टी कस्तो किसिमको संस्था हो? यो सकारात्मक हो कि नकारात्मक? यदि तँलाई यस्ता विषयहरूको बारेमा स्पष्ट थाहा छ भने, चिनियाँ कम्युनिस्ट पार्टीका विधर्म, भ्रम र प्रत्यक्ष झूटहरूलाई तैँले स्वभाविक रूपमा जान्‍नेछस्। हामी परमेश्‍वरको काममा धर्मको संसारले सधैँ खेलेको भूमिकालाई हेरौं। धार्मिक संसार परमेश्‍वरको कामबाट उठ्यो, तर हरेक पटक परमेश्‍वरले नयाँ चरणको काम गर्नुहुँदा, धार्मिक संसारले परमेश्‍वरको विपक्षीको भूमिका निभाएको छ र यसका अगुवाहरू बिस्तारै परमेश्‍वरको विरोध गर्नेहरू बनेका छन्। उदाहरणको लागि व्यवस्थाको युगको अन्तमा जब प्रभु येशू देखा पर्नुभयो र आफ्‍नो काम गर्नुभयो, यहूदीमतका अगुवाहरूले उहाँको विरोध गर्ने र उहाँको निन्दा गर्ने हर सम्भव प्रयास गरे, अनि अन्ततः तिनीहरूले उहाँलाई क्रूसमा टाँगे। जब प्रभु येशूको छुटकाराको सुसमाचार फैलियो, यहूदीमतका धेरै अनुयायीहरूले प्रभु येशूलाई इन्कार गरे; आज समेत, तिनीहरूले प्रभु येशूको निरन्तर विरोध र निन्दा गर्छन्। के यो तथ्य होइन र? आखिरी दिनहरूका दौरान, सर्वशक्तिमान् परमेश्‍वर देखा पर्नुभएको छ र उहाँले आफ्नो काम गरिरहनुभएको छ। उहाँले धेरै सत्यताहरू व्यक्त गर्नुभएको छ र राज्यको युग प्रारम्‍भ गर्नुभएको छ। यहूदीमतले जसरी प्रभु येशूलाई विरोध र निन्दा गर्‍यो, त्यसरी नै सारा धार्मिक समुदायले सर्वशक्तिमान् परमेश्‍वरको विरोध र निन्दा गर्‍यो। दुवैले सत्यता व्यक्त गर्ने ख्रीष्टलाई क्रूसमा टाँग्‍न आतुरी गर्यो। यी तथ्यहरूले धार्मिक संसारले परमेश्‍वरको विरोध गर्छ र ख्रीष्ट विरोधीहरूको नियन्त्रणमा छ भन्‍ने कुरा सङ्केत गर्छन्। यसैले आज, जब तपाईंले चिनियाँ कम्युनिस्ट पार्टी र धार्मिक संसारले विधर्मी पन्थको रूपमा सर्वशक्तिमान् परमेश्‍वरको मण्डलीको निन्दा गरिरहेको देख्‍नुहुन्छ, के तपाईंले त्यो वास्तवमा के हो भन्‍ने कुरा देख्‍न सक्‍नुहुन्छ?

— माथिबाट दिइएको सङ्गतिबाट उद्धृत गरिएको

“पन्थ” भनेको के हो? यसले साँचो धार्मिक विश्‍वासलाई जनाउँदैन भन्‍ने कुरामा शङ्‍का छैन। साँचो धार्मिक विश्‍वास परमेश्‍वरको कामबाट जन्मिन्छ, जबकि पन्थ पूर्ण रूपमा साँचो मार्गको विपरीत छ, यो शैतान र अनेक किसिमका दुष्ट आत्माहरूद्वारा मानिसहरूलाई दिएको धोकाको परिणाम हो—यसको बारेमा कुनै प्रश्‍न छैन। धर्मलाई पन्थ वा शास्‍त्रसम्‍मत भनेर परिभाषित गर्नको निम्ति कुनै पनि राज्य वा समूह योग्य वा अधिकार प्राप्त छैन, किनकि भ्रष्ट मानवजाति सत्यताबाट वञ्‍चित छ। ख्रीष्ट मात्र सत्यता, बाटो र जीवन हुनुहुन्छ, अनि पन्थलाई परमेश्‍वरको वचनको आधारमा मात्र निर्धारण गर्न सकिन्छ। परमेश्‍वरको वचनको आधारविना, गुणात्मक निर्धारण पनि गलत हुन्छ। विशेष गरी, चिनियाँ कम्युनिस्ट पार्टी शैतानवादको हो, पन्थ—यो साँचो धार्मिक विश्‍वासको निन्दा गर्नको निम्ति झन् बढी अयोग्य छ। चिनियाँ कम्युनिस्ट पार्टीले इसाई जगतलाई पन्थको रूपमा सधैँ निन्दा गरेको छ, र धेरै इसाई समूहहरूलाई पन्थको रूपमा निन्दा गरेको छ, जुन पूर्ण रूपमा अर्थहीन छ। चिनियाँ कम्युनिस्ट पार्टीले मूलभूत रूपमा सत्यता र परमेश्‍वरको निन्दा गर्छ, अनि यसरी यसले सकारात्मक कुराहरू र साँचो धार्मिक विश्‍वासहरूलाई पन्थको रूपमा निन्दा गर्छ। शास्‍त्रसम्‍मत धर्म र पन्थ वास्तवमा के हो? निश्‍चित रूपमा भन्‍नुपर्दा, साँचो परमेश्‍वरमा विश्‍वास गर्ने सबै मण्डलीहरू शास्‍त्रसम्‍मत हुन्; झूटा ईश्‍वर, दुष्ट आत्मा, शैतान र भूतहरूमा विश्‍वास गर्ने सबै पन्थ हुन्; अनि अनीश्‍वरवाद र विकासवाद जस्ता परमेश्‍वरको विरोध गर्ने विधर्म र भ्रमहरूको प्रचार गर्ने सबै पन्थ हुन्। विश्‍वव्यापी रूपमा थाहा भएकै कुरा हो, कम्युनिस्ट पार्टी जर्मन राष्ट्रका मार्क्सद्वारा सृष्टि गरिएको हो। मार्क्स घोषित शैतानवादी थियो जसले आफू दुष्ट शैतान भएको दाबी गर्‍यो। यस कट्टर राक्षसद्वारा सृजित कम्युनिस्ट पार्टी कसरी शास्‍त्रसम्‍मत हुनसक्छ? कम्युनिस्ट पार्टीले सधैँ हिंसात्मक क्रान्तिको वकालत गरेको छ। तिनीहरू मानवजातिका हत्याराहरू र प्रामाणिक नास्तिकहरू हुन्। कम्युनिस्ट घोषणापत्रमा, मार्क्सले भनेको छ, “एउटा पिशाचले—साम्यवादको पिशाचले—युरोपको सिकार गरिरहेको छ।” आज, यो पिशाच चिनियाँ कम्युनिस्ट पार्टीमा समावेश छ। प्रतिक्रियावादी चिनियाँ कम्युनिस्ट पार्टी, स्पष्ट रूपमा गहिरो जरा गाडेको पन्थ हो। चिनियाँ कम्युनिस्ट पार्टी आफ्नो संस्थापक पिता मार्क्सभन्दा पनि बढी धूर्त छ, जसले सार्वजनिक रूपमा नै आफू दुष्ट शैतान भएको स्वीकार गर्‍यो; चिनियाँ कम्युनिस्ट पार्टीले यसो भन्‍ने हिम्मत गर्दैन। चिनियाँ कम्युनिस्ट पार्टी तथ्यहरूलाई बङ्‍ग्याउने र कालोलाई सेतो बनाउने कुरामा निपुण छ, ऊ भेष बदल्‍नमा, धोका दिनमा र पापलाई हप्काएको बहाना गर्नमा निपुण छ, त्यसले सहीलाई गलत, दुष्ट बनाउन अनि दुष्टलाई सही बनाउन सक्छ। चिनियाँ कम्युनिस्ट पार्टी आफै स्पष्ट रूपमा दुष्ट र प्रतिक्रियावादी छ, तापनि यसले कुनै सकारात्मक र न्यायोचित भएको बहाना पार्छ र यसले आफैलाई महान्, महिमित र सही भएको भनी प्रचार गर्न कुनै कुरा बाँकी राख्दैन। चिनियाँ कम्युनिस्ट पार्टीले सधैँ प्रयोग गरेका विधिहरू यिनै हुन्। चिनियाँ कम्युनिस्ट पार्टी पापलाई हप्काउने दियाबलस बनेको बहाना गर्ने कार्यमा निपुण छ। धोका दिन, छक्याउन, खेलबाड गर्न, भ्रष्ट तुल्याउन र मानवजातिको संहार गर्नमा संसारमा चिनियाँ कम्युनिस्ट पार्टीभन्दा निपुण कोही पनि छैन। चिनियाँ कम्युनिस्ट पार्टीले मात्र शास्‍त्रसम्‍मत धर्मलाई पन्थको रूपमा परिभाषित गर्न सक्छ—तर वास्तवमा चिनियाँ कम्युनिस्ट पार्टी वास्तविक पन्थ हो, आखिरी दिनहरूको कट्टर शैतानवादीहरू, सम्झौता नगर्ने राक्षसहरूका झुण्ड हुन्, जो संसारको सबैभन्दा दुष्ट र कपटी प्रतिक्रियावादी र आतङ्‍ककारी संस्था हो। यी पहिचान गरिएका तथ्यहरू हुन् र अलिकति पनि गलत छैनन्।

यसबाहेक, कुनै धर्म वा मण्डली पन्थ हो कि होइन भन्‍ने कुराको मापन विश्‍वासमा रहेका हरेकले र संसारका सबै मानिसहरूले विश्‍वव्यापी मूल्यहरूको आधारमा गर्नुपर्छ—यो मात्र न्यायोचित छ। चिनियाँ कम्युनिस्ट पार्टीको विधानको आधारमा कुन धर्महरू पन्थ हुन् भन्‍ने कुराको निर्धारण गर्नु केही हदसम्म हास्यास्पद कुरा हो। चिनियाँ कम्युनिस्ट पार्टी स्वभाविक रूपमा नास्तिक भएको कारण, यसले परमेश्‍वरको अस्तित्वको पहिचान नगरेको कारण, यसले परमेश्‍वरको बारेमा अत्यन्तै कम जान्दछ, अनि यसले परमेश्‍वरको विरोध गर्ने हुनाले र परमेश्‍वरको शत्रु भएको हुनाले, यो परमेश्‍वरमा गरिने विश्‍वासको विषयमा टिप्पणी गर्न अयोग्य छ, परमेश्‍वरमा विश्‍वास राख्‍ने समूह र मण्डलीहरूलाई अपराधी घोषित गर्नको निम्ति योग्य हुने कुरा त परै जाओस्। वास्तवमा, चिनियाँ कम्युनिस्ट पार्टीको अनीश्‍वरवाद र विधानले परमेश्‍वरमा विश्‍वास गर्ने सबै समूह र मण्डलीहरू लगायत इसाई जगत र निश्‍चित अन्य धार्मिक समूहहरूलाई पन्थको रूपमा छाप लगाएको हो। यसले बाइबललाई खुला रूपमा पन्थ साहित्यको रूपमा वर्गीकरण पनि गरेको छ। यी पहिचान गरिएका तथ्यहरू हुन्। परमेश्‍वरमा विश्‍वास गर्नेहरूलाई रोक्‍न, दबाउन र सताउन र तिनीहरूलाई आफ्नो धार्मिक स्वतन्त्रतादेखि वञ्‍चित गर्नको निम्ति चीनको मुख्य भूमिमा शक्ति प्राप्त गरेदेखि चिनियाँ कम्युनिस्ट पार्टीले विभिन्‍न किसिमका क्रूर विधिहरूको प्रयोग गरेको छ। यसले मण्डलीहरूमा दबाब दिन, परमेश्‍वरमाथि विश्‍वास गर्नेहरूलाई भयभीत पार्न र परमेश्‍वरको आराधना गर्न र उहाँलाई पछ्याउनबाट रोक्‍नको निम्ति सार्वजनिक धारणा र राजनीतिक र कानुनी माध्यमहरूको प्रयोग गर्छ, ताकि तिनीहरूले चिनियाँ कम्युनिस्ट पार्टीको आराधना र आज्ञापालन गरून् र त्यसका नियम स्वीकार गरेर त्यसको सेवा गरून्। मानिसहरूको खुसी चिनियाँ कम्युनिस्ट पार्टीले प्रदान गरेको हो, चिनियाँ कम्युनिस्ट पार्टीले “अभिभावक” भएर चीनका मानिसहरूलाई खाना र कपडा दिन्छ भन्‍ने कुराको घोषणा पनि गर्छ। यो साँच्चै नै लाजमर्दो र स्वीकार गर्न नसकिने किसिमको छ! स्पष्ट रूपमा, चिनियाँ कम्युनिस्ट पार्टी दुष्ट पार्टी, पन्थ हो। तिनीहरू तानाशाहहरूको पनि तानाशाह हुन्। आजको संसारमा, परमेश्‍वरको विरोध गर्ने कुरामा अन्य कुनै पनि संस्थाहरू चिनियाँ कम्युनिस्ट पार्टीभन्दा उग्र र दुष्ट छैनन्; आफ्ना जनताको शोषण गर्ने, धोका दिने र दमन गर्ने कुरामा अन्य कुनै पनि संस्थाहरू यसभन्दा धेरै क्रूर छैनन्, अनि अन्य कुनै पनि संस्थाहरूले यसले भन्दा धेरै मानिसहरू मारेको र तिनीहरूलाई हानी पुर्‍याएको छैन। चिनियाँ कम्युनिस्ट पार्टीले धेरै अगाडिदेखि स्वर्गको क्रोध र मानिसहरूको आक्रोश आर्जन गरेको छ। यसैले, शक्ति हासिल गर्नको निम्ति झूटहरू, छल र हिंसाको प्रयोग गरेको यो गैरकानुनी सत्तारूढ दल कुन धर्म वा मण्डली शास्‍त्रसम्‍मत हो र कुन पन्थ हो भनेर टिप्पणी गर्न योग्यको छैन। चिनियाँ कम्युनिस्ट पार्टीले केही अन्तराष्ट्रिय समझदारीहरूमा हस्ताक्षर गरेको होला, तर यो चीनका जनताहरूलाई धोका दिने र अन्तराष्ट्रिय समुदायलाई छल्ने तरिका मात्र हो; वास्तवमा, यसले कहिले पनि यी समझदारीहरूलाई पहिचान वा स्वीकार गरेन—तिनको पालना गर्ने कुरा त परै जाओस्। चीनको संविधान साँचो अर्थमा कुनै कानुन नै होइन। यो चीनका जनताको निम्ति निर्माण गरिएको हो र यो तिनीहरूलाई बन्देज लगाउने र हतकडी लगाउने साधन हो। चिनियाँ कम्युनिस्ट पार्टी आफैले पनि कानुनको बिल्कुलै पालना गर्दैन। कम्युनिस्ट पार्टीको अधिनायकत्वको अधीनमा रहेको देशमा कानुन हुँदैन। यसको शक्ति कानुनभन्दा माथि छ भन्‍न सकिन्छ। चिनियाँ कम्युनिस्ट पार्टीका अधिकारीहरू र पुलिसले सार्वजनिक रूपमा नै आफू नै कानुन भएको, र तिनीहरूले जे भन्छन् त्यो नै कानुन हो भन्‍ने कुरा व्यक्त गरेका छन्, यसले चिनियाँ कम्युनिस्ट पार्टीलाई कानुन र स्वर्गको बेवास्ता गर्ने बनाएको छ। आज, चिनियाँ कम्युनिस्ट पार्टीलाई उहाँको विरोध गरेको कारण परमेश्‍वरले दण्ड दिइरहनुभएको छ। परमेश्‍वरले चिनियाँ कम्युनिस्ट पार्टीलाई नष्ट गर्नको निम्ति हरेक किसिमका प्रकोपहरू ल्याउनुभएको छ। चीनका मानिसहरूले चिनियाँ कम्युनिस्ट पार्टीले भनेको कुरा विश्‍वास गर्न छाडेका छन्, किनकि चिनियाँ कम्युनिस्ट पार्टीले भनेका कुराहरू भ्रम र विधर्म, तथ्यलाई बङ्‍ग्याउने, सत्यलाई मोड्ने, सम्पूर्ण रूपमा तर्क विहीन, मानिसहरूलाई छल्‍ने, निकम्मा तुल्याउने र छल्‍ने दुष्ट वचनहरूको प्रयोग बाहेक केही पनि होइनन्।

— माथिबाट दिइएको सङ्गतिबाट उद्धृत गरिएको

सन्दर्भको लागि मानिसको सङ्गति:

“पूर्वीय ज्योति” प्रभु येशूको यो अगमवाणीबाट आउँछ: “किनभने जसरी बिजुली पूर्वबाट चम्‍किन्‍छ र पश्‍चिमतिर पनि चम्‍किन्‍छ; मानिसको पुत्रको आगमन पनि त्यस्तै हुनेछ” (मत्ती २४:२७)। परमेश्‍वरको आवाज सुन्‍ने र पूर्वीय ज्योतिलाई स्वीकार गर्ने मानिसहरू उहाँको सिंहासन अगाडि उचालिन्छन्, पूर्वीय ज्योतिलाई इन्कार गर्नेले यसलाई विधर्मीको रूपमा निन्दा गर्छन्। यो आश्‍चर्यको कुरा होइन; धार्मिक अगुवाहरूले परमेश्‍वरको कामको विरोध र निन्दा गरेको कुराको लामो इतिहास छ। अनुग्रहको युगमा, जब प्रभु येशू काम गर्नलाई आउनुभयो, यहूदी विश्‍वासका मुख्य पुजारीहरू, शास्त्री र फरिसीहरूले विधर्मी भनेर उहाँको विरोध गर्दै र सताउँदै प्रभु येशूको देखापराइ र कामको निन्दा गरे। तिनीहरू र प्रभु येशूका बीचमा कुनै पनि दुश्मनी थिएन, त्यसो भए तिनीहरूले किन पागल जस्तै भएर उहाँको विरोध र निन्दा गरे? प्रभु येशूले काम गर्दै, प्रचार गर्दै अनि धेरै चिन्‍ह र अचम्मका कामहरू गर्दै सारा यहूदियाभरि सनसनी पैदा गर्नुभयो र धेरै यहूदी मानिसहरूले उहाँलाई पछ्याउन सुरु गरे भन्‍ने कुरा बाइबलसँग परिचित रहेका सबैलाई थाहा भएकै कुरा हो; यसले यहूदी शीर्ष अगुवाहरूमा अप्रसन्‍नता पैदा गर्‍यो। यदि तिनीहरूले प्रभु येशूलाई काम र प्रचार गर्न दिइरहे भने, यहूदी विश्‍वासीहरू सबैले उहाँलाई पछ्याउनेछन् र यहूदीमत पतन हुनेछ भन्‍ने तिनीहरूलाई पूर्ण रूपमा थाहा थियो। कसैले पनि अब ती अगुवाहरूको आराधना गर्ने वा तिनीहरूलाई पछ्याउनेथिएनन्; तिनीहरूको ओहोदा र जीविकोपार्जन जानेथियो। यी कुराहरूलाई जोगाउने प्रयासमा, तिनीहरूले प्रभु येशूको विरुद्धमा आफूले सकेसम्म सबै कुराको प्रयोग गरे र उहाँलाई क्रूसमा टाँगे। जब प्रभुका चेलाहरूले उहाँको सुसमाचारलाई फैलाए, ती अगुवाहरूले प्रभु येशूका काम विधर्मी हुन् भन्दै, तिनीहरूलाई पक्रन र सताउन जारी राखे। यसबाट हामी देख्‍न सक्छौं कि साँचो मार्गलाई स्वभाविक रूपमा धार्मिक वृत्तमा रहेका अगुवाहरूले अस्वीकार र निन्दा गर्नेछन्।

आखिरी दिनहरूमा, देहधारी सर्वशक्तिमान् परमेश्‍वरले मानवजातिलाई शुद्ध पार्न र मुक्ति दिनको निम्ति सबै सत्यताहरू व्यक्त गर्नुभएको छ, र परमेश्‍वरको घरबाट न्यायको कामको सुरुवात पनि गर्नुभएको छ। यसरी नै, उहाँले धार्मिक अगुवाहरूबाट विरोध र निन्दाको सामना गर्नुभएको छ। यसले प्रभु येशूले बाइबलमा भन्‍नुभएको कुरालाई पूरा गर्छ: “किनभने जसरी चट्याङ्गले आकाशमुनिको एउटा भागलाई उज्यालो बनाउँदा आकाशमुनिको अर्को भागलाई पनि चम्किलो बनाउँछ; मानिसको पुत्र पनि उनको दिनमा त्यस्तै हुनेछन्। तर सुरूमा उहाँले धेरै कुराहरूको कष्ट भोग्‍नुपर्छ, र यस पुस्ताद्वारा इन्कार गरिनुपर्छ” (लूका १७:२४-२५)। यहाँ, “तर सुरूमा उहाँले धेरै कुराहरूको कष्ट भोग्‍नुपर्छ, र यस पुस्ताद्वारा इन्कार गरिनुपर्छ” ले प्रभु फर्केर आउनुहुने र फेरि पनि मानवहरूको निन्दा र इन्‍कारलाई सहनुहुने कुरालाई जनाउँछ। यी वचनहरूले धार्मिक संसारका पाष्टर र एल्डरहरूद्वारा गरिने निरङ्‍कुश निन्दालाई जनाउँछन्, जनाउँदैनन् र? सर्वशक्तिमान् परमेश्‍वरका सबै वाणीहरू सत्यता हुन् र तिनले उहाँको व्यवस्थापन योजनाका रहस्यहरूलाई प्रकट गरेका छन्। यसले सबै सत्यताहरूलाई समेट्छ—जस्तो कि उहाँको छ हजार वर्षको व्यवस्थापन योजना, उहाँको तीन चरणको कामको उद्देश्य, उहाँ देहधारी हुनुको रहस्य र महत्त्व, आजसम्म मानवजाति कसरी विकसित भएको छ र मानवजातिको भविष्यको गन्तव्य। उहाँको देखापराइको चाहना गर्ने धेरै मानिसहरूले सर्वशक्तिमान् परमेश्‍वरका वचनहरूमा अधिकार र शक्ति छ भन्‍ने कुरा देखेका छन्; तिनीहरूले ती सबै सत्यता हुन् भनेर देखेका छन्, सर्वशक्तिमान् परमेश्‍वर फर्केर आउनुभएका प्रभु येशू हुनुहुन्छ भनेर पहिचान गरेका छन् र एकपछि अर्को गर्दै उहाँतर्फ फर्केका छन्। त्यसो भए, धेरै वर्षसम्म परमेश्‍वरको सेवा गरेका धार्मिक संसारका पाष्टर र एल्डरहरूले किन आखिरी दिनहरूमा प्रभु येशू फर्कनुभएको कुरालाई स्वीकार गर्दैनन्, तर यसको साटो उहाँको अत्यधिक विरोध र निन्दा गर्छन्? वास्तवमा, तिनीहरूमध्ये धेरै जनाले सर्वशक्तिमान् परमेश्‍वरको वचन पढेका छन् र सर्वशक्तिमान् परमेश्‍वरका सदस्यहरूका प्रवचनहरू सुनेका छन्। तिनीहरूमध्ये धेरैले उहाँका वचनहरूमा अधिकार र शक्ति छ अनि ती सत्यताका अभिव्यक्ति हुन् भनेर स्वीकार गरेका छन्, तापनि तिनीहरू अझ पनि मण्डलीलाई विधर्मी भनेर निन्दा गर्दै आफ्नै विवेकको विरुद्धमा जान्छन्। यो उहाँका वचनहरू कति शक्तिशाली—सारा धार्मिक संसारलाई जित्‍नको निम्ति पर्याप्त शक्तिशाली—छन् भन्‍ने कुरा तिनीहरूले देखेका कारणले हो, अनि यदि तिनीहरूले आखिरी दिनहरूमा ती वास्तविक विश्‍वास भएका मानिसहरूलाई सर्वशक्तिमान् परमेश्‍वरको कामलाई स्वीकार गर्नदेखि रोकेनन् भने, सारा धार्मिक संसार ढल्नेछ। त्यसपछि, कसैले पनि ती पाष्टर र एल्डरहरूलाई पछ्याउनेछैनन्। आफ्ना ओहोदा र आफ्ना जीविकोपार्जनलाई समाती राख्‍नको निम्ति तिनीहरूले अत्यधिक मात्रामा सर्वशक्तिमान् परमेश्‍वरको देखापराइ र कामको न्याय र निन्दा गर्छन्, र मण्डलीलाई विधर्मीको आरोप लगाउँछन्; प्रभु येशू फर्कनु, देखापर्नु र काम गर्नु भएको तथ्यलाई ढाक्‍न र विश्‍वासीहरूलाई सत्यता बाटोको बारेमा अनुसन्धान गर्न र परमेश्‍वरको अगाडि जानबाट रोक्‍नको निम्ति यसको प्रयोग गर्नु तिनीहरूको लक्ष्य हो। यसको साटो विश्‍वासीहरूले सदाको निम्ति तिनीहरूको आराधना गरेको र तिनीहरूलाई पछ्याएको तिनीहरू चाहन्छन् ताकि यी एल्डर र पाष्टरहरूले धार्मिक संसारमाथि अनन्तसम्म नियन्त्रण गर्ने आफ्नो घृणित लक्ष्यलाई प्राप्त गर्न सकून्। यो स्पष्ट छ, सर्वशक्तिमान् परमेश्‍वरको विरुद्धमा तिनीहरूले गर्ने निन्दा र विरोधको जरा प्रभु येशूको विरुद्धमा लागेका यहूदी फरिसीहरूको जस्तै छ। यो सत्यताप्रति तिनीहरूको शैतानी प्रकृतिको घृणा, तिरस्कार र परमेश्‍वरको विरुद्धको विरोधद्वारा पूर्ण रूपमा शासित छ। धार्मिक वृत्तमा भएका यी पाष्टर र एल्डरहरूले परमेश्‍वरमा विश्‍वास र सेवा गर्ने भए पनि, तिनीहरूले उहाँको आदर गर्दैनन् भन्‍ने कुरा यी तथ्यहरूले प्रमाणित गर्छन्। तिनीहरू साँचो फरिसीहरू हुन्; तिनीहरू सबै साँचो फरिसीहरू हुन्; तिनीहरू सबै ख्रीष्ट विरोधीहरू हुन्, जसलाई आखिरी दिनहरूका परमेश्‍वरको कामले उजागर गरिरहेको छ।

प्रभु येशूको कामलाई त्यस बेलाका सबै यहूदी नेतृत्वले विधर्मी भनेर निन्दा गरेको भए तापनि, उहाँको सुसमाचार अझ पनि संसारका हरेक कुनामा फैलियो र धेरैभन्दा धेरै मानिसहरूले यसलाई स्वीकार गरे। अहिले, सारा धार्मिक संसारले उहाँलाई साँचो परमेश्‍वर र उहाँको कामलाई साँचो बाटोको रूपमा स्वीकार गर्छ। आखिरी दिनहरूमा, धार्मिक पाष्टर र एल्डरहरूले यसरी नै सर्वशक्तिमान् परमेश्‍वरका कामलाई विधर्मी भनेर निन्दा गरिरहेका छन्। उहाँ चीनमा देखापर्नुभएको र काम गर्नुभएको दुई दशकभन्दा अलिकति धेरै मात्र भयो, र अहिले राज्यको सुसमाचार लाखौँ मानिसहरूलाई सर्वशक्तिमान् परमेश्‍वरको अगाडि ल्याउँदै चीनको मुख्य भूमिभर फैलिएको छ। अहिले यो सारा संसारभर बिजुलीको गतिमा फैलिरहेको छ, सर्वशक्तिमान् परमेश्‍वरको मण्डलीका साखाहरू धेरै देशहरूमा स्थापित भएका छन्। यसबाट यो स्पष्ट हुन्छ कि साँचो बाटो सधैँ साँचो बाटो नै रहनेछ; धार्मिक वृत्तमा भएका सबै अगुवाहरूले यसलाई विधर्मको रूपमा निन्दा गरे तापनि, अन्‍ततः यसलाई सारा मानवजातिद्वारा मानिने र स्वीकार गरिनेछ। परमेश्‍वरको देखापराइ र कामलाई कसैले पनि खण्डन गर्न सक्दैन!

अघिल्लो: ३. बाइबलमा पावलले भनेका छन्, “हरेक प्राण उच्‍च शक्तिहरूको अधीनमा बसोस्। किनभने परमेश्‍वरबाहेक अरू कुनै शक्ति छैन: जति शक्तिहरू छन् ती सबै परमेश्‍वरले नै नियुक्त गर्नुभएको हो। त्यसकारण जसले शक्तिको विरोध गर्छ, त्यसले परमेश्‍वरको आदेशलाई इन्कार गर्छ: र ज-जसले विरोध गर्छन् तिनीहरूले दण्डाज्ञा पाउँछन्” (रोमी १३:१-२)। पावलको वचनअनुसार अभ्यास गर्दै हामी सबै कुरामा शासन गर्ने शक्तिहरूको अधीनमा बस्नुपर्छ। र अझै पनि नास्तिक चिनियाँ कम्युनिस्ट पार्टी सरकारले त्यसको इतिहासभरि धार्मिक विश्‍वासलाई सताएको छ। यो परमेश्‍वरको शत्रु हो, र यसले हामीलाई प्रभुमा विश्‍वास गर्न नदिने मात्र होइन, तर यसले सुसमाचार फैलाउने र परमेश्‍वरको गवाही दिनेहरूलाई गिरफ्तार गर्छ र सताउँछ। यदि हामी चिनियाँ कम्युनिस्ट सरकारको सामु झुक्यौं, प्रभुमा विश्‍वास गर्न छोड्यौं, र सुसमाचार फैलाउन र परमेश्‍वरको गवाही दिन बन्द गर्‍यौं भने, के हामी प्रभुको विरोध गरेर अनि उहाँतिर पिठिउँ फर्काएर शैतानको पक्षमा उभिएका हुँदैनौं र? मैले साँच्चै यो कुरा बुझ्न सकेको छैन: शासन गर्ने शक्तिहरूको विषयमा प्रभुको इच्छाअनुरूप गर्नका निम्ति मैले के गर्नुपर्छ?

अर्को: २. चिनियाँ कम्युनिस्ट पार्टीले अनलाइनमा के जानकारी प्रसारित गरिरहेको छ भने, सुसमाचार फैलाउन र परमेश्‍वरको साक्षी दिनको लागि, सर्वशक्तिमान् परमेश्‍वरमा विश्‍वास गर्ने मानिसहरूले आफ्ना परिवारहरू र जागिरहरू त्याग्नुपर्छ। कतिपय मानिसहरू त आफ्नो जीवनभरि अविवाहित रहन्छन्। चिनियाँ कम्युनिस्ट पार्टीले के भन्छ भने, तपाईंको विश्‍वासले परिवारहरूलाई नष्ट पार्दछ। के चिनियाँ कम्युनिस्ट पार्टीले भनेको कुरा सत्य हो?

तपाई र तपाईको परिवारलाई अति आवश्यक छ भनेर आह्वान गर्दै: पीडा बिना सुन्दर जीवन बिताउने मौका प्राप्त गर्न प्रभुको आगमनलाई स्वागत गर्नु। यदि तपाईं आफ्नो परिवारसँग यो आशिष प्राप्त गर्न चाहनुहुन्छ भने, कृपया हामीलाई सम्पर्क गर्न बटन क्लिक गर्नुहोस्। हामी तपाईंलाई प्रभुको आगमनलाई स्वागत गर्ने बाटो फेला पार्न मद्दत गर्नेछौं।

सम्बन्धित विषयवस्तु

परमेश्‍वरलाई नचिन्‍ने सबै मानिस परमेश्‍वरको विरोध गर्नेहरू हुन्

परमेश्‍वरको कामको उद्देश्य, उहाँको कामले मानिसमा हासिल गर्ने प्रतिफल, र मानिसको लागि उहाँको खास इच्छालाई बुझ्‍नु: परमेश्‍वरलाई पछ्याउने...

परमेश्‍वर आदि र अन्त्य हुनुहुन्छ

परमेश्‍वरका वचनहरूको भजन परमेश्‍वर आदि र अन्त्य हुनुहुन्छ पद १ नयाँ युग शुरु गर्न,परमेश्‍वर देह बन्नुहुन्छ अर्थात पुरानो युगको अन्त्य भएको...

सफलता वा असफलता मानिसले हिँड्ने मार्गमा निर्भर हुन्छ

धेरैजसो मानिसहरूले आफ्‍नो भविष्यको गन्तव्यको खातिर वा अस्थायी आनन्दको लागि परमेश्‍वरमा विश्‍वास गर्छन्। निराकरणमा नपरेकाहरूको हकमा भन्दा,...

पवित्र आत्माको काम र शैतानको काम

एक व्यक्तिले आत्माका सबै विवरणहरू कसरी बुझ्छ? पवित्र आत्माले मानिसमा कसरी काम गर्नुहुन्छ? शैतानले मानिसमा कसरी काम गर्छ? दुष्टात्माहरूले...

सेटिङ्ग

  • टेक्स्ट
  • थिमहरू

पृष्ठभूमिको रङ्ग

थिमहरू

फन्टहरू

फन्टको आकार

लाइन स्पेसिङ्ग

लाइन स्पेसिङ्ग

पृष्ठको चौडाइ

विषयवस्तु

खोजी

  • यो शब्दको खोजी गर्नुहोस्
  • यो पुस्तकमा खोजी गनुृहोस्

हामीलाई Messenger मा सम्पर्क गर्नुहोस्