181 परमेश्वरको देहधारणको अख्तियार र महत्व
१
केवल देहधारी हुनुभएर मात्र परमेश्वरले हरेक मानवका कानमा उहाँका वचनहरू व्यक्तिगत रूपमा पुर्याउन सक्नुहुन्छ, यसरी जसको कान छ ती सबैले उहाँको वचन सुन्न र वचनद्वारा न्यायको कामलाई स्वीकार गर्न सक्छन्। यसरी मात्र उहाँको वचनमार्फत नतिजा हासिल हुन्छ, आत्मा देखा पर्नुभई मानिसलाई समर्पित हुन त्रसित तुल्याएर होइन। परमेश्वरको यही व्यावहारिक तर असाधारण काममार्फत मात्रै मानिसभित्र धेरै वर्षदेखि लुकेको उसको पुरानो स्वभावलाई पूर्ण रूपमा खुलासा गर्न सकिन्छ, यसरी मानिसले त्यसलाई चिन्न र परिवर्तन गर्न सक्दछ।
२
यी सबै देहधारी परमेश्वरका व्यावहारिक कामहरू हुन्, जसमा व्यावहारिक रूपमा बोलेर अनि न्याय कार्यान्वयन गरेर उहाँले वचनद्वारा मानिसमा न्यायको परिणाम प्राप्त गर्नुहुन्छ। देहधारी परमेश्वरको अख्तियार र परमेश्वरको देहधारणको महत्त्व यही हो। उहाँको देह एक साधारण र सामान्य मानवताको बाहिरी रूप भए पनि उहाँका वचनहरूले प्राप्त गरेका परिणामहरूले मानिसलाई उहाँ अख्तियारले पूर्ण हुनुहुन्छ, उहाँ स्वयम् परमेश्वर हुनुहुन्छ र उहाँका वचनहरू स्वयम् परमेश्वरका अभिव्यक्ति हुन् भनी देखाउँछ।
३
यस माध्यमद्वारा सबै मानवजातिलाई उहाँ स्वयम् परमेश्वर हुनुहुन्छ, उहाँ देह बन्नुभएका परमेश्वर हुनुहुन्छ, उहाँलाई कसैले उल्लङ्घन गर्नु हुँदैन, र कसैले वचनद्वारा गरिने उहाँको न्यायलाई उछिन्न सक्दैन, अन्धकारको कुनै शक्ति उहाँको अख्तियारमाथि विजयी हुन सक्दैन भनी देखाइन्छ। मानिस पूर्णतया, उहाँ देहमा देखा पर्नुहुने वचन हुनुभएका कारण, उहाँको अख्तियारका कारण र वचनद्वारा उहाँले गर्नुहुने न्यायका कारण उहाँमा समर्पित हुन्छ। उहाँको देहधारी देहद्वारा ल्याइएको काम उहाँसित भएको अख्तियार हो।
—वचन, खण्ड १। परमेश्वरको देखापराइ र काम। देहधारणको रहस्य (४)
