अध्याय ७५

मेरा वचनहरू बोलिने बित्तिकै अलिकति हेरफेरविना सबै पूरा हुनेछन्। अबदेखि, सबै लुकेका रहस्यहरू अस्पष्ट वा गुप्त हुनेछैनन्, अनि तिमीहरूलाई प्रकट गरिनेछन्—मेरा प्रिय पुत्रहरू। म तँलाई ममा ठूला-ठूला चिन्‍ह र अचम्‍मका कामहरू पनि देखाउनेछु, अनि ठूला रहस्यहरू पनि। यी कुराहरूले निश्चय नै तिमीहरूलाई चकित पार्नेछन् अनि तिमीहरूलाई मेरो, सर्वशक्तिमान् परमेश्‍वरको, उत्तम बुझाइ दिनेछ, अनि त्यसमा रहेको मेरो बुद्धिलाई सराहना गर्न दिनेछ। आज तिमीहरू साँचो परमेश्‍वरको आमनेसामने भएका छौ जसलाई मानिसहरूले सृष्टिदेखि कहिल्यै देखेका छैनन्, अनि मेरो बारेमा केही पनि विशेष छैन। म तिमीहरूसँगै खान्छु, जिउँछु, बोल्छु अनि हाँस्छु, अनि म सधैँ तिमीहरूभित्रै जिउँछु, जबकि त्यही समयमा तिमीहरूको माझमा पनि हिँडडुल गरिरहेको हुन्छु। मलाई विश्‍वास नगर्नेहरू वा आफ्‍नै भयानक धारणाहरू बोक्‍नेहरू, तिनीहरूका निम्ति यो एउटा ठेस लाग्ने ढुङ्गा हो। यो मेरो बुद्धि हो। म केही मानिसहरूलाई मेरो सामान्य मानवताले नजानेको कुराहरू पनि प्रकट गर्नेछु, तर यसको अर्थ म परमेश्‍वर स्‍वयम्‌ होइन भन्ने हुँदैन। यसको विपरीत, यो बुँदा म सर्वशक्तिमान् परमेश्‍वर हुँ भनी प्रमाणित गर्न पर्याप्त हुन्छ। विश्‍वास गर्ने मानिसहरूका निम्ति, यो बुँदाको निर्णायक प्रभाव हुन्छ, अनि यही बुँदाकै कारणले तिनीहरूसित मेरो बारेमा सय प्रतिशत निश्‍चयता हुन्छ। धेरै व्याकुल नहोऊ; म तिमीहरूलाई एक-एक गरेर कुराहरू प्रकट गर्नेछु।

तिमीहरूका निम्ति, म खुला छु अनि लुकेको छैन। तथापि, अविश्‍वासीहरूका निम्ति—ती जो छली छन्, जो केही हदसम्म शैतानद्वारा भ्रष्ट पारिएका छन्—म लुकेको अवस्थामा रहनेछु। तथापि, जब यसभन्दा पहिले मैले आफैलाई सबै मानिसहरूकहाँ प्रकट गर्ने बारेमा बोलेँ, मैले मेरो धार्मिकता, न्याय, अनि प्रतापको बारेमा उल्‍लेख गरिरहेको थिएँ, ताकि तिनीहरूले प्राप्त गर्ने परिणामबाट तिनीहरूले म ब्रह्माण्ड र सबै कुराको मालिक हुँ भनेर जान्‍न सकून्। साहसी भएर काम गर! तेरा शिरहरू उच्च पार! नडराऊ: म—तिमीहरूका पिता—तिमीहरूलाई साथ दिन यहाँ छु अनि तिमीहरूले कष्ट भोग्नेछैनौ। जहिलेसम्म तिमीहरूले मेरो सामु निरन्तर प्रार्थना र निवेदन गर्छौ, म तिमीहरूमाथि सबै विश्‍वास खन्याइदिनेछु। सत्तामा हुनेहरू बाहिरबाट द्वेषपूर्ण देखिन सक्छन्, तर नडराऊ, किनकि तिनीहरूसित थोरै विश्‍वास छ। जहिलेसम्म तिमीहरूको विश्‍वास बढ्छ, कुनै पनि कुरा अति कठिन हुनेछैन। तिमीहरूको हृदयले चाहेसम्म आनन्द मनाऊ र उफ्र! सबै कुरा तिमीहरूका पाउमुनि र तिमीहरूकै पकडमा छन्। के परिपूर्णता वा विनाशको बारेमा मेरो एउटै वचनद्वारा निर्णय हुँदैन र?

जसलाई मैले अहिले प्रयोग गरिरहेको छु, ती सबै एक-एक गरेर धेरै पहिले नै मद्वारा अनुमोदित भएका थिए। अर्थात्, ज्येष्ठ पुत्रहरूको समूहमा रहेका ती मानिसहरू पहिल्यै निर्धारित भइसकेका छन्, र मैले संसार सृष्टि गर्नुभन्दा अघि देखि नै निर्धारित भइसकेका छन्। यसलाई कसैले परिवर्तन गर्न सक्दैन, अनि यो सबै मेरो हुकुममा हुनुपर्छ। कुनै पनि मानिसले यो काम गर्न सक्दैन; यो सबै मेरो बन्दोबस्तहरू हुन्। ममा सबै कुरा स्थिर र सुरक्षित रहनेछन्; अलिकति प्रयास नगरिकनै, ममा सबै कुरा उपयुक्त र उचित प्रकारले गरिनेछ। म बोल्छु र यो स्थापित हुनेछ; म बोल्छु र यो पूरा हुन्छ। अन्तर्राष्ट्रिय स्थिति खलबली हुँदा, किन तिमीहरू आफ्नो तालीम सुरु गर्न हतारिएका छैनौ? कहिलेसम्म तिमीहरू पर्खिनेछौ? के तिमीहरूलाई भेट्न चीनमा विदेशीहरू ओइरिने दिनसम्म तिमीहरू पर्खिनेछौ? तिमीहरू अघि अलि ढिलो भएका थियौ होला, तर तिमीहरू आफैमा लीन भइरहनु हुँदैन! मेरा पुत्रहरू! मेरो परिश्रमी अभिप्रायहरूलाई बुझ! जो मसित धेरैभन्दा धेरै नजिक हुन्छन्, तिनीहरूले सबै कुरा प्राप्त गर्नेछन्। के तिमीहरू मलाई अविश्‍वास गर्छौ?

मेरो कामको गति बिजुलीको चमक जस्तै छ, तर निश्चय नै मेघगर्जनको चर्को आवाज होइन। के तिमीहरूले यी वचनहरूको साँचो अर्थ बुझ्छौ? तिमीहरूले मसित अझ राम्रोसित सहकार्य गर्न सक्‍नुपर्छ, अनि मेरा अभिप्रायहरूलाई बुझ्‍नुपर्छ। तिमीहरू आशिष पाउन चाहन्छौ तर कष्टहरूदेखि पनि डराउँछौ; के यो तिमीहरूको परस्पर विरोधी प्रवृत्ति होइन र? म तँलाई भन्छु! यदि कसैले आज आशिषहरू प्राप्त गर्न चाहन्छन्, तर त्यस उद्देश्यप्रति सबै बलिदानहरू गर्दैन भने, तिनीहरूले प्राप्त गर्ने भनेका दण्ड र मेरो न्याय हो। तैपनि, जसले सबै बलिदानहरू गर्छन्, तिनीहरूले सबै कुराहरूमा शान्ति अनुभव गर्नेछन् र तिनीहरूसित सबै कुरा प्रशस्त हुन्छ, अनि तिनीहरूले प्राप्त गर्ने सबै कुरा मेरा आशिषहरू हुनेछन्। आज अत्यावश्यक रूपले चाहिएको कुरा भनेको, तिमीहरूको विश्‍वास अनि तिमीहरूले चुकाउनुपर्ने मूल्य हो। मेरा अभिप्रायहरूलाई गलत प्रकारले व्याख्या नगर। सबै कुरा हुन आउनेछ, अनि तिमीहरूको आफ्नै आँखाले यसलाई देख्नेछौ अनि यसलाई व्यक्तिगत रूपले अनुभव गर्नेछौ। ममा कुनै एउटा पनि गलत शब्द वा झूट छैन; मैले भन्ने सबै कुरा पूर्ण रूपले सत्य हुन्छन्, अनि त्यसमा बुद्धिको कमी हुँदैन। आधा विश्‍वास र आधा शङ्का नगर। तिमीहरूको माझमा सबै कुरा पूरा गर्ने अनि न्याय गर्ने र खराबी गर्नेहरूलाई छुट्याउने पनि म नै हुँ। म तिमीहरूलाई प्रेम गर्छु, अनि म तिमीहरूलाई सिद्ध पार्छु। तथापि, तिनीहरूको निम्ति म पूर्ण रूपले विपरीत छु: तिनीहरूले घृणा र विनाश भोग्‍नेछन्, अनि कुनै छुट दिइनेछैन र कुनै नाम-निशाना छोडिनेछैन। मैले भन्ने र गर्ने सबै कुरामा मेरो प्रशस्तता व्याप्त हुन्छ। के तिमीहरूले त्यसलाई एक-एक गरेर जाँचेका छौ? मैले केही वचनहरू धेरै पल्ट भनेको छु, त्यसैले किन तिमीहरूले मैले भन्न खोजेको कुरा बुझ्दैनौ? तिमीहरूले मेरा वचनहरू पढिसकेपछि, के सबै कुरा जस्तो हुनुपर्ने त्यस्तो हुनेछन् र? तब सबै कुरा सम्पन्न हुन्छन् र? तिमीहरूसित मेरो हृदयलाई बुझ्‍ने कुनै अभिप्राय छैन। म पूर्ण रूपले अधिकारपूर्ण, सर्वबुद्धिमान, एक मात्र साँचो परमेश्‍वर हुँ जसले मानिसहरूको हृदयहरूको गहिराइभित्र हेर्दछ भनेर किन भन्छु? के तैँले यी वचनहरूको अर्थ अझै बुझ्दैनस्? के मैले जोड दिएको हरेक वचनलाई तैँले कण्ठ गरेको छस्? के ती तैँले काम गर्ने सिद्धान्तहरू बनेका छन्?

म सारा ब्रम्हाण्डलाई नियाल्दै सबै कुरामाथि खडा छु। म हरेक जाति र मानिसहरूलाई मेरो महान् शक्ति र मेरो सारा बुद्धि प्रदर्शन गर्नेछु। आनन्दको खोजी गर्न भनेर अहिले तिमीहरूले जे सक्छौ, त्यही मात्र नगर। जब संसारका सबै जातिहरू एक हुनेछन्, कुन कुरा तिमीहरूको हुनेछैन र? तैपनि, म अहिले तिमीहरूलाई कमी हुन दिनेछैन, न त म तिमीहरूलाई कष्ट भोग्न नै दिनेछु। म सर्वशक्तिमान् परमेश्‍वर हुँ भनेर विश्‍वास गर! सबै कुरा पूरा हुनेछन् अनि झन्-झन् असल हुनेछन्! मेरा ज्येष्ठ पुत्रहरू! तिमीहरूमा सबै आशिषहरू आउनेछन्! तिमीहरूले अटुट रूपमा त्यसको आनन्द लिनेछौ, जुन आपूर्तिमा अटुट, भरपूर र प्रशस्तता छन्, अनि पूर्णतामा पूरा भएका छन्।

अघिल्लो: अध्याय ७४

अर्को: अध्याय ७६

तपाईं र तपाईंको परिवार बाँच्ने बारेमा एउटा ठूलो कुरा: के तपाईं ठूला विपत्तिहरूमा कसरी सुरक्षा प्राप्त गर्ने र बच्ने भनेर सोच्नुहुन्छ? तलको बटनमा क्लिक गर्नुहोस् र तपाईंले बाटो पाउनुहुनेछ।

सम्बन्धित विषयवस्तु

परमेश्‍वरलाई चिन्‍नेहरू मात्र परमेश्‍वरको गवाही बन्‍न सक्छन्

परमेश्‍वरमाथि विश्‍वास गर्नु अनि परमेश्‍वरलाई चिन्‍नु चाहिँ स्वर्गले नियुक्त गरेको र पृथ्वीले स्वीकार गरेको कुरा हो, अनि आज—देहधारी...

परमेश्‍वरले चुन्‍नुभएका मानिसहरूले राज्यको युगमा पालन गर्नैपर्ने दश प्रशासनिक आदेश

१. मानिस आफैलाई ठूलो बनाउनु हुँदैन, न त आफैलाई उच्च बनाउनु हुन्छ। उसले परमेश्‍वरको आराधना गर्नुपर्छ र उहाँलाई नै उच्च पार्नुपर्छ।२....

सेटिङ्ग

  • टेक्स्ट
  • थिमहरू

पृष्ठभूमिको रङ्ग

थिमहरू

फन्टहरू

फन्टको आकार

लाइन स्पेसिङ्ग

लाइन स्पेसिङ्ग

पृष्ठको चौडाइ

विषयवस्तु

खोजी

  • यो शब्दको खोजी गर्नुहोस्
  • यो पुस्तकमा खोजी गनुृहोस्

हामीलाई Messenger मा सम्पर्क गर्नुहोस्