चीनका चुनिएका मानिसहरूले इस्राएलको कुनै पनि कुलको प्रतिनिधित्व गर्न सक्दैनन्

मूल रूपमा यहोवाबाट प्रतिज्ञाहरू तथा उत्तराधिकार प्राप्त गर्ने परिवार दाऊदको घराना नै थियो। यो सुरुमा इस्राएलको कुलहरूमध्ये एउटा थियो अनि चुनिएका मानिसहरूमध्येको थियो। त्यस समयमा, यहोवाले इस्राएलीहरूका निम्ति एउटा उर्दी जारी गर्नुभयो जसमा दाऊदका घरानाका मानिसहरूले—त्यस घरानाभित्र जन्मेका सबैले—उहाँको उत्तराधिकार प्राप्त गर्नेछन् भनी घोषणा गरिएको थियो। तिनीहरू त्यस्ता मानिसहरू हुनेथिए जसले सय गुणा प्राप्त गर्नेथिए, जसले ज्येष्ठ पुत्रहरूको अधिकार प्राप्त गर्नेथिए; तिनीहरू त्यस समयमा, इस्राएलीहरूका सबै परिवारहरूमध्ये सबैभन्दा उच्च पद प्राप्त गरेका, र सारा इस्राएलीहरूमध्ये सबैभन्दा उचालिएला मानिसहरू हुनेथिए, अनि तिनीहरूले पूजाहारीको लबेदा र मुकुटहरू पहिरेर सीधै मन्दिरमा यहोवाको सेवा गर्नेथिए। तब, यहोवाले तिनीहरूलाई विश्‍वासयोग्य जन र सन्त सेवकहरू भनी बोलाउनुभयो, अनि तिनीहरूले इस्राएलका अरू सबै कुलहरूको सम्मान प्राप्त गरे। यसरी, त्यस समयमा, तिनीहरू सबैलाई प्रभुहरू भनी सम्मान पूर्वक उल्लेख गरिन्थ्यो—यो सबै व्यवस्थाको युगमा यहोवाले गर्नुभएको काम थियो। आज, तिनीहरूले यहोवालाई मन्दिरमा अझै पनि त्यस्तो सेवा प्रदान गर्छन्, त्यसैले तिनीहरू सदासर्वदा राजाहरू हुन् जसलाई यहोवाले सिंहासनमा बसाल्‍नुभयो। कसैले तिनीहरूको मुकुट खोस्‍न सक्दैन, अनि कसैले तिनीहरूको सेवालाई बदल्न सक्दैन, किनभने तिनीहरू दाऊद घरानाका हुन्; यहोवाले तिनीहरूलाई दिनुभएको कुरा यही नै थियो। तिमीहरू दाऊदको घरानाको नहुनुको कारण के हो भने, तिमीहरू इस्राएलका मानिसहरू होइनौ, बरु इस्राएल बाहिरका अन्यजाति परिवारका हौ। यसबाहेक, तिमीहरूको प्रकृति यहोवालाई आराधना गर्ने नभई उहाँलाई विरोध गर्नु हो, त्यसैले तिमीहरूको हैसियत स्वभावैले दाऊदको घरानाका मानिसहरूभन्दा भिन्न छ, अनि तिमीहरू त्यस्ता मानिसहरू होइनौ जसले मेरो उत्तराधिकार पाउनेछौ, न त तिमीहरू त्यस्ता मानिसहरू हौ जसले सयगुणा नै पाउनेछ।

त्यस समयमा, इस्राएल भिन्न-भिन्न घराना र भिन्न-भिन्न कुलहरूमा विभाजित गरिएको थियो, तापनि तिनीहरू सबै चुनिएका मानिसहरू थिए। तथापि, इस्राएल अरू जातिहरूमध्ये यस अर्थमा भिन्दै छन् कि यसका मानिसहरू कुलद्वारा वर्गीकृत गरिएका छन्, साथै यहोवाको सामु तिनीहरूका पदहरू तथा हरेक व्यक्ति बस्‍ने भूमि सबै वर्गीकृत गरिएका छन्। इस्राएल बाहेक सबै देशहरूमा, कसैले पनि दाऊद, याकूब तथा मोशाको घरानाहरूमा त्यत्तिकै सदस्यता दाबी गर्न सक्दैनन्। यो तथ्यको विपरीत हुन्थ्यो—इस्राएलका कुलहरू अरू देशहरूको हो भनी लापरवाही तरिकाले दाबी गर्न सकिँदैन। मानिसहरूले प्रायजसो दाऊद, अब्राहाम, एसाव आदिको नाउँहरूलाई दुरुपयोग गर्छन्, वा तिनीहरू भन्छन्: “हामीले परमेश्‍वरलाई स्वीकार गरेका छौँ, त्यसैकारण हामी याकूबका घरानाका हौँ।” त्यस्ता कुराहरू भन्नु अरू केही नभई आधारहीन मानव तर्क मात्रै हो; यो प्रत्यक्ष रूपमा यहोवाबाट आउँदैन, न त यो मेरो आफ्नै विचारहरूबाट नै आउँछ। यो विशुद्ध रूपमा मानव बकवास हो! जसरी एउटा वक्ताले रोमाञ्चक कथा बुन्छ, मानिसहरूले आधारहीन रूपमा आफैलाई दाऊदको घराना वा याकूबको परिवारको भाग हौँ भनी सोच्छन् किनभने आफू त्यसको योग्य छौँ भन्‍ने विश्‍वास तिनीहरूको हुन्छ। दाऊदका घराना लामो समयअघि नै यहोवाद्वारा नै नियुक्त गरिएका हुन् अनि दाऊद आफैले राजाको मुकुट पहिरेका होइनन् भनी के मानिसहरूलाई थाहा छैन? तथापि, धेरै छन् जसले निर्लज्जतापूर्वक दाऊदको घराना हौँ भनी दाबी गर्छन्—मानिसहरू कति अज्ञानी छन्! सत्यता त के हो भने, अन्यजातिहरूसित इस्राएलका कामकाजहरूको कुनै सम्बन्ध छैन—ती दुई बेग्ला-बेग्लै कुरा हुन्, पूर्ण रूपले असम्‍बन्धित कुरा। इस्राएलका कामकाजहरूको बारेमा इस्राएलका मानिसहरूसित मात्र बोल्न सकिन्छ, ती अन्यजातिहरूका निम्ति असम्बन्धित हुन्छन्, अनि त्यसैगरी हाल अन्यजातिहरूको माझमा गरिँदै आएको कामको पनि इस्राएलका मानिसहरूसित कुनै सम्बन्ध छैन। म अहिले जे भन्छु, त्यसले अन्यजातिहरूको बारेमा जे भनिएको छ, त्यसलाई निर्धारण गर्दछ, अनि इस्राएलमा गरिएको कामलाई अन्यजातिहरूको माझमा गरिएको कामको “पूर्व लक्षण” भन्न सकिन्न। के त्यसले परमेश्‍वर अति परम्परागत हुनुहुन्छ भन्ने कुरा देखाउँदैन र? जब परमेश्‍वरको काम अन्यजातिहरूको माझमा सुरु हुन्छ, तब मात्र तिनीहरूको बारेमा जे भनिएको छ त्यो वा त्यसको परिणाम प्रकट हुन्छ। त्यसैले, मानिसहरूले विगतमा जस्तै, “हामी दाऊदका वंश हौँ”, वा “येशू दाऊदका पुत्र हुनुहुन्छ” भनी भन्‍नु झनै निरर्थक हुन्छ। मेरो काम वर्गीकृत छ। म “घोडालाई हरिण” भनेर भन्दिनँ; बरु, कामलाई यसको क्रमानुसार विभाजन गरिन्छ।

अघिल्लो: जसले सिक्दैनन् र अनजान रहन्छन्: के तिनीहरू जनावरहरू होइनन् र?

अर्को: तेह्र पत्रहरूमा तँ कहाँ खडा हुन्छस्?

तपाईं र तपाईंको परिवार बाँच्ने बारेमा एउटा ठूलो कुरा: के तपाईं ठूला विपत्तिहरूमा कसरी सुरक्षा प्राप्त गर्ने र बच्ने भनेर सोच्नुहुन्छ? तलको बटनमा क्लिक गर्नुहोस् र तपाईंले बाटो पाउनुहुनेछ।

सम्बन्धित विषयवस्तु

अध्याय ८८

मेरा कदमहरू कति तेज गतिमा चल्छन् भनेर मानिसहरूले कल्पना गर्न सक्दैनन्: यो घटेको एउटा अचम्‍मको काम हो जुन मानिसले बुझ्नै नसक्ने छ। मेरो गति...

देहधारणको रहस्य (४)

तिमीहरूलाई बाइबलको पृष्ठभूमिको कथा र यसको निर्माणको बारेमा थाहा हुनुपर्दछ। यो ज्ञान ती व्यक्तिहरूको स्वामित्वमा हुँदैन जसले परमेश्‍वरको...

सत्यतालाई अभ्यास गर्नु मात्रै वास्तविकता धारण गर्नु हो

तैंले परमेश्‍वरका वचनहरू पक्डेको छस् अनि निर्लज्ज भई तिनको व्याख्या गर्न सक्छस् भन्दैमा त्यसको अर्थ तैंले वास्तविकता धारण गरेको छस् भन्ने...

परमेश्‍वरको सबैभन्दा नयाँ कामलाई चिन र उहाँका पाइलाहरू पछ्याऊ

अब, तिमीहरूले परमेश्‍वरका मानिसहरू बन्‍ने प्रयास गर्नुपर्छ, र सम्पूर्ण प्रवेशलाई सहि बाटोमा सुरु गर्नुपर्छ। परमेश्‍वरका मानिसहरू बन्‍नु...

सेटिङ्ग

  • टेक्स्ट
  • थिमहरू

पृष्ठभूमिको रङ्ग

थिमहरू

फन्टहरू

फन्टको आकार

लाइन स्पेसिङ्ग

लाइन स्पेसिङ्ग

पृष्ठको चौडाइ

विषयवस्तु

खोजी

  • यो शब्दको खोजी गर्नुहोस्
  • यो पुस्तकमा खोजी गनुृहोस्

हामीलाई Messenger मा सम्पर्क गर्नुहोस्