798 साँचो विश्वास केवल परमेश्वरलाई चिनेर आउँछ
१
कामको यो चरणमा, परमेश्वर मुख्य रूपमा बोल्नुहुन्छ। चिन्हहरू र अचम्मका कामहरू हेर्ने प्रतीक्षा नगर्; तैँले कुनै त्यस्तो काम देख्नेछैनस्! किनभने तँ अनुग्रहको युगमा जन्मेको थिइनस्। यदि तँ त्यो बेला जन्मेको थिइस् भने, तैँले चिन्हहरू र आश्चर्यकर्महरू देख्न सक्थिस्, तर तँ आखिरी दिनहरूको समयमा जन्मेको थिइस्, त्यसैले तैँले परमेश्वरको व्यावहारिकता र सामान्यता मात्र देख्न सक्छस्। आखिरी दिनहरूमा अलौकिक येशूलाई हेर्ने अपेक्षा नगर्। तैँले व्यावहारिक देहधारी परमेश्वरलाई मात्रै देख्नेछस्, जो कुनै सामान्य मानवजातिभन्दा फरक हुनुहुन्न। हरेक युगमा, विभिन्न कार्यहरूलाई परमेश्वरले प्रकाश गर्नुहुन्छ। हरेक युगमा, परमेश्वरले आफ्ना कार्यहरूका केही भागलाई प्रकाश गर्नुहुन्छ, र हरेक युगको कामले परमेश्वरको स्वभाव र परमेश्वरका कार्यहरूको एउटा-एउटा भागलाई प्रतिनिधित्व गर्छ। उहाँले प्रकाश गर्नुहुने कार्य उहाँ जुन युगमा काम गर्नुहुन्छ त्यो युगअनुसार फरक हुन्छ, तर ती सबैले नै मानिसलाई परमेश्वरको बारेमा अझ गहन ज्ञान दिन्छन्, परमेश्वरमाथिको अझ साँचो र अझ व्यावहारिक विश्वास दिन्छन्।
२
आज, परमेश्वरमाथिको मानिसको विश्वासको कारण उहाँका धेरै कार्यहरू र उहाँले गर्नुहुने कामको ठूलो मात्रा र उहाँले बोल्नुहुने धेरै तरिकाहरू नै हुन्। मानिसलाई विजय गर्न र उसलाई सिद्ध पार्न परमेश्वरले आफ्ना वाणीहरूको प्रयोग गर्नुहुन्छ। परमेश्वरका धेरै कार्यहरूको कारणले मानिसले परमेश्वरमा विश्वास गरेको हो, उहाँले चिन्हहरू र अचम्मका कामहरू देखाउन सक्नुहुन्छ भनेर होइन; उहाँका कार्यहरू देखेर मात्रै मानिसहरूले उहाँलाई बुझ्न सक्छन्। परमेश्वरका व्यावहारिक कार्यहरू, उहाँले कसरी काम गर्नुहुन्छ, उहाँले कस्ता बुद्धिमानी तरिकाहरू प्रयोग गर्नुहुन्छ, उहाँले कसरी बोल्नुहुन्छ, र उहाँले कसरी मानिसलाई सिद्ध पार्नुहुन्छ भन्ने कुरा जानेर मात्रै—यी पक्षहरू जानेर मात्रै—तैँले परमेश्वरको व्यावहारिकता बोध गर्न र उहाँको स्वभाव बुझ्न सक्छस्, र उहाँले के मन पराउनुहुन्छ, उहाँले के कुरालाई घृणा गर्नुहुन्छ, र मानिसमा उहाँले कसरी काम गर्नुहुन्छ भनी बुझ्न सक्छस्। परमेश्वरका मन पर्ने र नपर्ने कुराहरू बुझेर, तैँले कुन सकारात्मक र कुन नकारात्मक हो भनी छुट्ट्याउन सक्छस्, र परमेश्वरसम्बन्धी तेरो ज्ञानद्वारा तेरो जीवनमा प्रगति हुन्छ।
—वचन, खण्ड १। परमेश्वरको देखापराइ र काम। आज परमेश्वरको कामलाई बुझ्नु
