157 देहधारी मानिसको पुत्र स्वयम् परमेश्वर हुनुहुन्छ
१
जब परमेश्वरको ईश्वरत्व मानिसहरूले देख्न र छुन सकिने प्रकारले सामान्य देहमा साकार भयो, तब उहाँ मानिसको अनुभूतिमा साक्षात् र ओझेल भइरहनुहुन्छ वा तिनीहरू उहाँ नजिक जान सक्दैनन् भनी तिनीहरूले महसुस गर्न छोडे। यस विपरीत, तिनीहरूले मानिसको पुत्रको हरेक चाल, वचन र कामद्वारा परमेश्वरका अभिप्रायलाई बोध गर्ने वा उहाँको ईश्वरत्वलाई बुझ्ने प्रयास गर्न सके। देहधारी मानिसको पुत्रले परमेश्वरको ईश्वरत्वलाई आफ्नो मानवताद्वारा व्यक्त गर्नुभयो र मानवजातिकहाँ परमेश्वरका अभिप्राय पुऱ्याउनुभयो। अनि परमेश्वरका अभिप्रायहरू तथा स्वभावलाई व्यक्त गरेर, उहाँले आत्मिक क्षेत्रमा बास गर्नुहुने परमेश्वरलाई मानिसहरूकहाँ प्रकट पनि गरिदिनुभयो, जसलाई देख्न वा छुन सकिँदैन। मानिसहरूले जे देखे, त्यो भौतिक स्वरूपमा देह र रगतले बनेको परमेश्वर स्वयम् हुनुहुन्थ्यो। त्यसैले, देहधारी मानिसको पुत्रले परमेश्वर स्वयम्को पहिचान, परमेश्वरको हैसियत, स्वरूप, स्वभाव अनि उहाँसँग जे छ र उहाँ जे हुनुहुन्छ त्यसलाई ठोस र मानवीय बनाउनुभयो। मानिसको पुत्रले उहाँको मानवता र उहाँको ईश्वरत्व दुवैमा परमेश्वर स्वयम्को पहिचान तथा हैसियतलाई प्रतिनिधित्व गर्नुभएको कुरालाई हामी इन्कार्न सक्दैनौँ।
२
तथापि, यस समयावधिमा परमेश्वरले देहद्वारा काम गर्नुभयो, देहको दृष्टिकोणबाट बोल्नुभयो, अनि मानिसको पुत्रको पहिचान र हैसियतमा मानवजातिको सामु उभिनुभयो र यसले मानिसहरूलाई परमेश्वरले मानवजातिमाझ दिनुभएका व्यावहारिक वचनहरू तथा कामको सम्पर्कमा आउने र तिनलाई अनुभव गर्ने अवसर दियो। यसले मानिसहरूलाई नम्रताको बीचमा उहाँको ईश्वरत्व तथा उहाँको महानताको अन्तर्ज्ञान पाउने साथै परमेश्वरको प्रामाणिकता तथा व्यावहारिकताबारे प्रारम्भिक बुझाइ तथा परिभाषा प्राप्त गर्ने पनि तुल्यायो। परमेश्वर जुनसुकै रूपमा देखा पर्नुभए पनि, उहाँले जुनसुकै दृष्टिकोणबाट बोल्नुभए पनि, वा उहाँले जुनसुकै स्वरूपमा मानवजातिको सामना गर्नुभए पनि, परमेश्वरले अरू केहीलाई होइन, तर आफैलाई प्रतिनिधित्व गर्नुहुन्छ। उहाँले अरू कुनै मानवलाई प्रतिनिधित्व गर्नु, वा भ्रष्ट मानवजातिमध्ये कसैलाई प्रतिनिधित्व गर्नु असम्भव छ। परमेश्वर, परमेश्वर स्वयम् नै हुनुहुन्छ र यसलाई इन्कार गर्न सकिँदैन।
—वचन, खण्ड २। परमेश्वरलाई चिन्ने विषयमा। परमेश्वरको काम, परमेश्वरको स्वभाव र परमेश्वर स्वयम् ३
