262 इमानदार मानिसहरू ज्योतिमा जिउँछन्
१
सत्यता पछ्याउन, हामी इमानदार मानिस बन्नैपर्छ,
हामीले आफैलाई उदाङ्गो पार्ने र आफ्नो भ्रष्टता चिरफार गर्ने आँट गर्नुपर्छ।
अरूले हाम्रोबारे जे सोचे पनि, हामीसँग परमेश्वरसामु जिउने हृदय हुनुपर्छ।
हामी सबथोकमा सत्यता खोज्छौँ, र सत्यता बुझ्दा स्वतन्त्र महसुस गर्छौँ।
सत्यतालाई प्रेम गर्नेहरू र शुद्ध हृदय हुनेहरूले परमेश्वरका आशिष् पाउँछन्,
तर सधैँ आफ्नो भेष बदल्नेहरूले आफैलाई हानि मात्र पुऱ्याउँछन्।
म किन इमानदार व्यक्तिका रूपमा जिउन रोज्छु भनेर तिमी मलाई सोध्छौ।
इमानदार मानिसहरूलाई परमेश्वरले मन पराउनुहुन्छ,
र मुक्ति पाउन अनि ज्योतिमा जिउन सक्छन्।
२
आफ्नो कर्तव्य राम्ररी पूरा गर्न, हामी इमानदार मानिस हुनुपर्छ,
सबथोकमा परमेश्वरको हृदयलाई ख्याल गर्नुपर्छ, र सिद्धान्तका साथ कार्य गर्नुपर्छ।
आफूले बुझेको सत्यता अभ्यास गर्नुपर्छ,
सबथोकमा परमेश्वरको छानबिन स्विकार्नुपर्छ,
आफ्नो कर्तव्य लगनशीलता र विवेकशीलताका साथ निर्वाह गर्नुपर्छ,
र परमेश्वरप्रति कहिल्यै लापरवाह हुनुहुँदैन।
हामीले परमेश्वरलाई आराम दिन सत्यता पछ्याउनुपर्छ
र उचित कर्तव्यहरू निर्वाह गर्नुपर्छ,
र परमेश्वरको आज्ञालाई आफ्नो प्राथमिकताका रूपमा लिनुपर्छ।
परमेश्वरले हामीलाई अत्यन्तै धेरै सत्यता दिनुभएको छ,
त्यसैले हामीले कसरी उहाँलाई निराश पार्न सक्छौँ?
हामीले परमेश्वरको प्रेम चुक्ता गर्न आफ्नो कर्तव्य पूरा गर्नैपर्छ।
३
परमेश्वरलाई साँच्चै प्रेम गर्न, हामी इमानदार मानिस हुनैपर्छ,
उहाँबाट केही माग गर्नुहुँदैन, उहाँसँग लेनदेन गर्नुहुँदैन।
चाहे हामी आशिषित भए पनि वा हामीले दुर्भाग्य सामना गरे पनि,
हामी परमेश्वरका प्रबन्धहरूमा पूर्ण रूपमा समर्पित हुनैपर्छ।
यदि हामीले सत्यता स्विकार्छौँ र हामी परमेश्वरमा समर्पित हुन्छौँ भने,
हामी उहाँको गवाही दिन सक्षम हुनेछौँ।
न्याय भोगेर हामी शुद्ध पारिन्छौँ र हाम्रो स्वभाव रूपान्तरित हुन्छ।
हृदयमा परमेश्वरलाई प्रेम गर्दै, म आफ्नो जीवन उहाँका लागि जिउन इच्छुक छु;
म मेरो बाँकी रहेको सारा समय उहाँलाई अर्पण गर्नेछु।
इमानदार मानिसहरूले साँच्चै आफूलाई परमेश्वरप्रति समर्पित गर्न,
आफ्ना कर्तव्य राम्ररी पूरा गर्न र परमेश्वरको अनुमोदन पाउन सक्छन्।
