पद १

बाइबलमा कोरिएको चित्र, “आदमलाई परमेश्‍वरको आज्ञा”

मन छुने दृश्य हो।

त्यो चित्रमा उहाँ र मानिसमात्र भएपनि,

यी दुई बीचको सम्बन्ध यति घनिष्ठ छ

कि हामी आश्चर्य र प्रशंसा महसुस गर्छौँ।

पद २

उहाँको प्रेम मानिसलाई सित्तैमा दिइएको छ र

उसको वरिपरि छ।

निर्दोष र शुद्ध मानिस बेफिक्री, उहाँको

नजरमुनि आनन्दमा जिउँछ।

उहाँ मानिसको हेरचाह र सुरक्षा गर्नुहुन्छ।

मानिसले भन्ने र गर्ने सबै, छुटाउन

नमिल्ने गरी, परमेश्‍वरसँग बाँधिएका छन्।

पद ३

उहाँले मानिसलाई सृष्टि गर्नुभएको क्षणदेखि नै,

तिनलाई आफ्नो जिम्मामा राख्नुभयो। कस्तो जिम्मा?

उहाँले मानिसको सुरक्षा, रेखदेख गर्नुहुन्छ।

मानिसले उहाँका वचन भरोसा र पालन गरून् भनी आशा गर्नुहुन्छ।

मानिसबाट उहाँले आशा गर्नुभएको पहिलो कुरा थियो यो।

ब्रिज

यो आशाको साथ उहाँले यी वचन बोल्नुभयो,

“बगैँचाका हरेक रूखबाट स्वतन्त्र भई खान सक्छौ:

तर असल र खराबको ज्ञान दिने रुखबाट

नखाऊ: किनकि त्यसबाट खाएको

दिन तिमी निश्चय मर्नेछौ।” यी सरल वचनले

उहाँको इच्छाको प्रतिनिधित्व गर्छन्,

उहाँलाई मानिसको चासो पहिल्यै थियो भनी देखाउँछन्।

पद ४

यी सरल वचनमा हामी उहाँको हृदय देख्छौँ।

के त्यहाँ प्रेम छ? के त्यहाँ हेरचाह, चासो छैन?

उहाँको प्रेम र चासो यस्तो

चीज हो जुन महसुस गर्न सकिन्छ।

तिमी विवेक र मानवत्व भएको व्यक्ति हौ भने,

तिमीले न्यानोपन, हेरचाह, प्रेम महसुस गर्नेछौ,

खुसीले आशिषित हुनेछौ।

पद ५

यी कुरा महसुस गर्दा, उहाँप्रति कस्तो व्यवहार गर्नेछौ?

के उहाँसँग जोडिनेछौ? के तिम्रो

हृदयमा आदरपूर्ण प्रेम बढ्नेछैन?

के तिम्रो हृदय उहाँ नजिक जाने छ?

यसबाट मानिसको लागि उहाँको प्रेमको महत्व देख्छौँ।

र यो भन्दा महत्वपूर्ण कुरा यो हो कि

मानिसले उहाँको प्रेमलाई महसुस गर्न, बुझ्न सक्छ।

—वचन, खण्ड २। परमेश्‍वरलाई चिन्‍ने विषयमा। “परमेश्‍वरको काम, परमेश्‍वरको स्वभाव र परमेश्‍वर स्वयम् १” बाट परिमार्जित