44 परमेश्वरका कार्यहरूले ब्रह्माण्डको विशालता ओगटेको छ
पद १
परमेश्वरले माथिबाट सबै थोक हेर्नुहुन्छ,
र माथिबाटै प्रभुत्व जमाउनुहुन्छ।
यसका साथै, परमेश्वरले पृथ्वीमा आफ्नो मुक्ति पठाउनुभएको छ।
परमेश्वर आफ्नो गुप्तस्थानबाट सधै हेरिरहनुहुन्छ,
मानिसका सबै चाल, तिनीहरूले जे भन्छन् र गर्छन्।
परमेश्वरको लागि मानिसहरू खुला किताब हुन्।
गुप्तस्थान परमेश्वरको निवास हो,
आकाश-मण्डल उहाँको सुत्ने ओछ्यान हो।
शैतानको बल परमेश्वरसम्म पुग्न सक्दैन,
कारण उहाँ धार्मिकता र न्यायले पूर्ण हुनुहुन्छ।
पद २
परमेश्वरले सब थोक आफ्नो पाउले कुल्चनुभएको छ,
ब्रह्माण्डमा आफ्नो नज़र फैलाउनुभएको छ।
परमेश्वर मानिसहरूको बीचमा हिँड्नुभएको छ,
मिठास र तितोपनको साथै मानव संसारका सबै स्वादहरू चाख्नुभएको छ।
तापनि मानिसहरुले कहिल्यै परमेश्वरलाई साँचो रूपमा चिनेनन्,
न त तिनीहरूले परमेश्वरले यात्रा गर्दा ध्यान नै दिए।
किनकि परमेश्वर मौन हुनुहुन्थ्यो, र कुनै अलौकिक कार्य गर्नुभएन,
तसर्थ कसैले पनि उहाँलाई साँचो रूपमा देखेनन्।
विगत जस्तो छैन आज:
परमेश्वरले युगौंदेखि संसारले कहिल्यै नदेखेका कार्यहरू गर्नुहुनेछ,
परमेश्वरले युगौंदेखि संसारले कहिल्यै नसुनेका वचनहरू बोल्नुहुनेछ,
किनकि सम्पूर्ण मानवजातिले देहधारी परमेश्वरलाई चिनोस् भन्ने उहाँ चाहनुहुन्छ।
—वचन, खण्ड १। परमेश्वरको देखापराइ र काम। “सम्पूर्ण ब्रह्माण्डको लागि परमेश्वरका वचनहरू, अध्याय ५” बाट परिमार्जित
