१

हामी परमेश्‍वरको आवाज सुन्छौँ र उहाँतर्फ फर्किन्छौँ,

थुमाका पाइलाहरू पछ्याउँछौँ।

हामी ख्रीष्टको भोजमा सहभागी हुन्छौँ, परमेश्‍वरका वचनहरू हरदिन खान्छौँ र पिउँछौँ।

हामी परमेश्‍वरका वचनहरूको मलजल र भरणपोषणको आनन्द उठाउँछौँ

र हाम्रो आत्माले नयाँ जीवन पाउँछ।

पवित्र आत्माले हामीलाई अन्तर्दृष्टि दिनुहुन्छ ताकि हामीले सत्यता बोध गरौँ

र व्यावहारिक परमेश्‍वरलाई चिनौँ।

राज्यको जीवन असीमित रूपमा समृद्ध छ,

परमेश्‍वर आफैले हामीलाई मार्गदर्शन गर्नुहुन्छ र हाम्रो गोठालो हुनुहुन्छ।

हामीले सत्यता अभ्यास गर्छौँ अनि आफ्ना कर्तव्य पूरा गर्छौँ;

हाम्रो हृदय शान्त र सहज छ।

शैतानबाट अलग हुनु निकै स्वतन्त्रतापूर्ण छ, हामी अब परमेश्‍वरसामु जिउन सक्छौँ।

यो सब परमेश्‍वरको उठाइ र अनुग्रह हो।

हामीभन्दा बढी आशिषित को हुन सक्छ र?

२

न्याय, परीक्षा र शोधन भोगेर,

हाम्रा शैतानी स्वभावहरू पखालिएका छन्।

परमेश्‍वरको धर्मी स्वभाव चिनेर,

हामी आफ्नो हृदयमा परमेश्‍वरको डर मान्छौँ र दुष्टताबाट अलग बस्छौँ।

सतावट र कठिनाइहरू भोग्दा परमेश्‍वरका वचनहरूले जहिल्यै मार्गमा अगुवाइ गर्छन्।

हाम्रो आस्था सिद्ध पारिएको छ,

हामी आफ्नो गवाहीमा दृढ रहन्छौँ र परमेश्‍वरको प्रेम देख्छौँ।

हामीले परमेश्‍वरको महान् मुक्ति प्राप्त गरेका छौँ, हामी परमेश्‍वरको प्रशंसाका गीतहरू गाउँछौँ।

उहाँको धर्मी, पवित्र स्वभावको प्रशंसा होस्,

परमेश्‍वर मानिसको अनन्त प्रेमको निकै योग्य हुनुहुन्छ।

परमेश्‍वरको कामको बुद्धि र सर्वशक्तिमान्‌ताको प्रशंसा होस्,

उहाँले मानिसहरूको एउटा समूहलाई विजय र प्राप्त गर्नुभएको छ।

परमेश्‍वरका मानिसहरूले हृदयबाट नै उहाँलाई प्रेम गर्छन् र उहाँमा समर्पित हुन्छन्,

हामी अनन्तभर उहाँको आराधना गर्नेछौँ।

—थुमालाई पछ्याउनुहोस् र नयाँ गीतहरू गाउनुहोस्