१

हे परमेश्‍वर! तपाईँ मानिसमाझ आउन देह बन्नुभएको छ,

हाम्रा लागि अनन्त जीवनको मार्ग ल्याउनुभएको छ।

तपाईँका सबै वचनहरू सत्यता हुन्,

तिनले हाम्रो भ्रष्ट स्वभावलाई न्याय र शुद्धिकरण गर्छन्।

तपाईँका वचनहरूमा अख्तियार छ र तिनले हामीलाई शैतानको प्रभावबाट मुक्ति दिन्छन्।

तपाईँको प्रेमले हाम्रो हृदयमा गहिरो जरा गाडेको छ,

र तपाईँका सबै मानिसहरूले तपाईँको प्रशंसामा नयाँ गीतहरू रच्छन्।

सर्वशक्तिमान् परमेश्‍वर, हामी तपाईँको प्रशंसा गर्छौँ!

सर्वशक्तिमान् परमेश्‍वर, हामी तपाईँको प्रशंसा गर्छौँ!

तपाईँका मानिसहरूमध्ये हरेक व्यक्तिको वृद्धि

तपाईँका वचनहरूको मलजल र पालनपोषणबाट अविभाज्य छ।

तपाईँका मानिसहरूमध्ये हरेकको हृदय

तपाईँका लागि प्रेम र अनुरागले भरिपूर्ण छ।

तपाईँले हाम्रो सम्पूर्ण प्राण पूर्ण रूपमा प्राप्त गर्नुभएको छ,

हामी तपाईँका लागि कसरी नगाउन सक्छौँ?

२

हे परमेश्‍वर! तपाईँको धार्मिकता स्वर्गभन्दा माथि छ,

दुष्टताको युग तपाईँको क्रोधद्वारा भस्म हुन्छ।

तपाईँका वचनहरूले तपाईँको सर्वशक्तिमान्‌ता प्रकाश गर्छन्,

स्वर्ग र पृथ्वी अनि यावत् थोकलाई नयाँ र जीवन्त बनाउँछन्।

तपाईँले पूर्ण महिमा प्राप्त गर्नुभएको छ,

शैतानलाई जित्नुभएको छ र सबै शत्रुहरूलाई पराजित गर्नुभएको छ।

तपाईँका सबै मानिस तपाईँको सिंहासनसामु फर्किन्छन्,

तपाईँको प्रचुरताको आनन्द उठाउँछन्, र तपाईँका अद्भुत कार्यको प्रशंसा गर्छन्।

सर्वशक्तिमान् परमेश्‍वर, हामी तपाईँको प्रशंसा गर्छौँ!

सर्वशक्तिमान् परमेश्‍वर, हामी तपाईँको प्रशंसा गर्छौँ!

जीवन र मृत्युको हरेक क्षणमा,

तपाईँका वचनहरूले हामीलाई शैतानको यातनालाई जित्न अगुवाइ गर्छन्।

हरेक जोरदार गवाहीले तपाईँको असीमित सर्वशक्तिमान्‌ता र बुद्धिको प्रशंसा गर्छ।

तपाईँका वचनहरू सत्यता हुन् र तिनले सबथोक पूरा गर्छन्,

मानिसहरूको एउटा समूहलाई पखाल्दै र सिद्ध पार्दै तिनलाई विजेता बनाउँछन्।

सारा ब्रह्माण्ड तपाईँको प्रशंसामा हर्षोल्लास गर्छ,

र प्रशंसाका यी आवाजहरू कहिल्यै चुप हुनेछैनन्!

—थुमालाई पछ्याउनुहोस् र नयाँ गीतहरू गाउनुहोस्