१

आखिरी दिनहरूको मानिसको पुत्र देखा पर्नुभएको छ;

उहाँ देहधारी सर्वशक्तिमान् परमेश्‍वर हुनुहुन्छ।

उहाँले सत्यता व्यक्त गर्नुहुन्छ अनि मानिसलाई न्याय र शुद्धिकरण गर्नुहुन्छ,

राज्यको युग प्रारम्भ गर्नुहुन्छ।

परमेश्‍वरको घरबाट न्याय सुरु भएको छ,

र त्यसले परमेश्‍वरको धर्मी स्वभाव प्रकाश गरेको छ।

क्रोध र प्रतापले भरिपूर्ण, परमेश्‍वर यस संसारको पूर्वमा देखा पर्नुभएको छ।

परमेश्‍वर देहधारी हुनु एउटा असाधारण दुर्लभ घटना हो;

उहाँ व्यक्तिगत रूपमा काम गर्नुहुन्छ र मानिसलाई मुक्ति दिनुहुन्छ।

हामी परमेश्‍वरको आवाज सुन्छौँ र उहाँसामु उठाइँदा निकै भाग्यमानी भएका छौँ।

हामी हरदिन परमेश्‍वरको वचनको आनन्द उठाउँछौँ,

र हामीले सत्यता बुझ्दै गर्दा, हाम्रो हृदय झन् उज्यालो हुन्छ।

हामी न्याय स्विकार्छौँ र पखालिएका छौँ।

सर्वशक्तिमान् परमेश्‍वरलाई पछ्याउँदा हामी साँच्चै आशिषित छौँ।

२

सर्वशक्तिमान् परमेश्‍वरका सबै वचन सत्यता हुन्, तिनले हामीलाई पखाल्छन् र मुक्ति दिन्छन्।

आखिरी दिनहरूमा परमेश्‍वरको मुक्ति पाउनु

साँच्चै परमेश्‍वरको उठाइ र अनुग्रह हो।

हामीभन्दा भाग्यमानी को हुन सक्छ,

हामी, जो परमेश्‍वरद्वारा गोबरको थुप्रोबाट उठाइएका छौँ?

हामीभन्दा आशिषित को हुन सक्छ,

हामी, जो आफ्ना कर्तव्य पूरा गर्न र परमेश्‍वरलाई पछ्याउन सक्छौँ?

परमेश्‍वरको वचन अख्तियार र शक्तिले भरिपूर्ण छ,

र त्यसले मानिसहरूको एउटा समूहलाई विजय गरेको र सिद्ध पारेको छ।

संसारका सबै देशहरूमा, हामी परमेश्‍वरको गवाही दिन्छौँ,

र परमेश्‍वरको राज्यको सुसमाचार फैलाउँछौँ।

हाम्रो काँधमा पवित्र जिम्मेवारी छ, र यो परमेश्‍वरको अनुग्रह र आशिष् हो।

हामी परमेश्‍वरको आज्ञा पूरा गर्न मृत्युसम्मै बफादार रहनेछौँ,

र परमेश्‍वरलाई महिमित तुल्याउन असल गवाही दिनेछौँ।

—थुमालाई पछ्याउनुहोस् र नयाँ गीतहरू गाउनुहोस्