१

सर्वशक्तिमान् परमेश्‍वरले सत्यता व्यक्त गर्नुहुन्छ

र मानिसकहाँ अनन्त जीवनको मार्ग ल्याउनुहुन्छ।

हरदिन हामी परमेश्‍वरको वचन खान्छौँ र पिउँछौँ,

र स्वर्गको राज्यको भोजमा सहभागी हुन्छौँ।

हामी सत्यता बुझ्छौँ अनि हाम्रो हृदय उज्यालो हुन्छ,

अनि हामी यस संसारको अन्धकार र दुष्टता स्पष्ट रूपमा देख्छौँ।

अबदेखि हामी अझै खोजी गर्दैनौँ, किनकि परमेश्‍वरले जीवनको मार्ग स्पष्ट पारिदिनुभएको छ।

परमेश्‍वरको न्यायमार्फत, हामी आफ्नो भ्रष्टता फाल्छौँ

अनि परमेश्‍वरको शुद्धिकरण र मुक्ति प्राप्त गर्छौँ।

सत्यता अभ्यास गर्दा, हामी स्वतन्त्र र आजाद हुन्छौँ,

र हामी नयाँ मानिसहरूको स्वरूप जिउँछौँ।

ख्रीष्ट सत्य हुनुहुन्छ भनेर हामी निश्चित छौँ,

र हाम्रा हृदयले परमेश्‍वरप्रतिको हाम्रो प्रेम बिसाउने जग पाएका छन्।

परमेश्‍वरको मुक्ति प्राप्त गर्न पाउँदा हामी साँच्चै आशिषित छौँ,

र यसका कारण हामी परमेश्‍वरलाई आफ्नो आभार र प्रशंसा अर्पण गर्छौँ।

२

सतावट, सङ्कष्ट र परीक्षा अनुभव गर्दा,

परमेश्‍वरको वचन, हामीलाई मार्गनिर्देशन गर्दै, हाम्रो छेउमा रहन्छ।

बारम्बार, शैतानले हाम्रो परीक्षा लिन्छ र हामीलाई फकाउन खोज्छ,

तर परमेश्‍वरको वचनले हामीलाई अन्तर्दृष्टि दिन्छ ताकि हामी यी षड्यन्त्रहरू छर्लङ्ग देख्न सकौँ।

शैतान निकै दुष्ट र घृणास्पद छ भनेर म स्पष्ट रूपमा देख्छु,

र म त्यसको सामु झुक्न वा त्यससँग सम्झौता गर्न बिलकुलै सक्दिनँ।

म मृत्युसम्मै बफादार रहनेछु र अन्त्यसम्मै परमेश्‍वरलाई पछ्याउनेछु,

र परमेश्‍वरको हृदयलाई सान्त्वना दिन आफ्नो गवाहीमा दृढ रहनेछु।

परीक्षाहरूमार्फत मेरो आस्था झन् बलियो बन्छ,

र म परमेश्‍वरको प्रियता र प्रेमिलो स्वभाव झन् गहन रूपमा महसुस गर्छु।

म आफ्नो सम्पूर्ण सत्व परमेश्‍वरलाई अर्पण गर्छु,

र परमेश्‍वरका योजनाबद्ध कार्यहरू र प्रबन्धहरूमा समर्पित हुन्छु।

ख्रीष्टको गवाही दिँदा, हामी कुनै व्यवधानसँग डराउँदैनौँ;

धार्मिकताको ज्योति उदाएको छ।

हामी आफ्नो मिसन पूरा गर्न सक्दो गर्नेछौँ

र परमेश्‍वरलाई महिमित तुल्याउन विजयी गवाही दिनेछौँ।

—थुमालाई पछ्याउनुहोस् र नयाँ गीतहरू गाउनुहोस्