१

सर्वशक्तिमान् परमेश्‍वर, प्रेमिलो परमेश्‍वर, हामी सदा तपाईंको प्रशंसा गाउँछौँ!

तपाईँ एउटै साँचो परमेश्‍वर हुनुहुन्छ जो देखा पर्नुभएको छ,

जो महिमासाथ आउनुभएका मुक्तिदाता हुनुहुन्छ।

मानवतालाई पूर्णतः शुद्ध पार्न र मुक्ति दिन,

तपाईं दुईपटक देहधारी बन्नुभएको छ।

तपाईँ बोलिरहनु र काम गरिरहनुभएको छ, मानवतालाई आजसम्म मार्गदर्शन गरिरहनुभएको छ।

तपाईँले अति धेरै सतावट र पीडा भोग्नुभएको छ।

अपमान सहनुभएको छ, र यस युगद्वारा इन्कारिनुभएको छ।

आफ्नो हृदयको सारा रगत-पसिनाको मूल्य तिर्नुभएको छ,

र त्यसले तपाईँको प्रेम पूर्णतः प्रकाश गरेको छ।

तपाईँका वचनबाट हामी तपाईँका कार्य देख्छौँ र तपाईँको प्रेमिलो स्वभाव चिन्छौँ।

तपाईँको धार्मिकता, तपाईँको पवित्रता,

र तपाईँका अभिप्राय सबै हामीलाई प्रकट गरिएका छन्।

तपाईँका वचनले हामीलाई विजय गर्छन् र मुक्ति दिन्छन्,

तपाईँ मानिसको अनन्त प्रेमको योग्य हुनुहुन्छ।

हे, सर्वशक्तिमान् परमेश्‍वर, हामी सदैव तपाईँलाई प्रेम गर्नेछौँ,

तपाईँमा समर्पित हुनेछौँ, र तपाईँको गवाही दिनेछौँ!

२

सर्वशक्तिमान् परमेश्‍वर, प्रेमिलो परमेश्‍वर, हामी सदा तपाईंको प्रशंसा गाउँछौँ!

तपाईँ सत्यता व्यक्त गर्नुहुन्छ र हामीलाई मुक्ति दिनुहुन्छ,

यसरी हामीलाई तपाईँको अस्तित्वमा जिउने तुल्याउनुहुन्छ।

तपाईँ आफ्ना वचनले हामीलाई पानी हाल्नुहुन्छ र आपूर्ति गर्नुहुन्छ,

र हामीलाई सिद्ध पार्न परीक्षाहरू प्रयोग गर्नुहुन्छ।

तपाईँका वचन अनुभव गरेपछि र सत्यता बुझेपछि,

हाम्रा जीवन स्थिर रूपमा बढ्छन्।

तपाईँ हामीलाई न्याय गर्नुहुन्छ र शुद्ध पार्नुहुन्छ,

र हामी आफ्नो भ्रष्टता फाल्छौँ र नयाँ मानिस बन्छौँ।

तपाईँ सत्य, मार्ग र जीवन हुनुहुन्छ।

तपाईँ हाम्रो मिलनसार र आदरणीय प्रिय हुनुहुन्छ।

हामी तपाईँको प्रशंसामा गाउँछौँ,

र तपाईँको धर्मी स्वभावको प्रशंसा गर्छौँ।

हामी तपाईँलाई आफ्नो प्रेम र आदर व्यक्त गर्न नाच्छौँ।

तपाईँले शैतानलाई हराउनुभएको छ र हामीलाई पूर्णतः मुक्ति दिनुभएको छ,

र तपाईँले पूर्ण महिमा प्राप्त गर्नुभएको छ।

हे, सर्वशक्तिमान् परमेश्‍वर, हामी सदैव तपाईँलाई प्रेम गर्नेछौँ,

तपाईँमा समर्पित हुनेछौँ, र तपाईँको गवाही दिनेछौँ!

—थुमालाई पछ्याउनुहोस् र नयाँ गीतहरू गाउनुहोस्