१

हे परमेश्‍वर! आजको दिन म स्वर्गको राज्यको भोजमा सहभागी हुन्छु,

र राज्यका तालिममा म आफ्ना दिन र रातहरू बिताउँछु।

हरदिन म परमेश्‍वरको वचन खान्छु र पिउँछु,

सत्यता बुझ्छु, र आफ्नो कर्तव्य पूरा गर्छु।

म जीवनमा हरदिन बढ्छु, र यो परमेश्‍वरको प्रेम हो।

सर्वशक्तिमान् परमेश्‍वर, अरूले चाहे जे गरे पनि म तपाईँलाई प्रेम गर्नेछु।

मलाई थाहा छ कि म साँच्चै बदलिऊँ भन्ने तृष्णा गर्नुहुन्छ।

म उप्रान्त कमजोर, नकारात्मक वा अल्छे हुन सक्दिनँ।

म केवल आफ्नो कर्तव्य राम्ररी पूरा गर्न र तपाईँलाई सन्तुष्ट तुल्याउन चाहन्छु।

२

हे परमेश्‍वर! म आजको दिन राज्यतर्फको बाटोमा हिँड्दै छु।

मैले धेरै अवरोधहरू सामना गरेको छु, तर तपाईँले मलाई सधैँ मार्गदर्शन गर्नुभएको छ।

मेरा कष्ट र सङ्कष्टहरू तपाईँकै अनुमतिले भएका हुन्,

र तपाईँ मेरो छेउमा हुनुहुन्छ।

कैयौँ पटक मैले निराशा, कमजोरी, शोक र हृदयको चोट सामना गरेको छु,

र कैयौँ पटक म शैतानको पासोमा परेको छु,

तर तपाईँको वचनले मलाई सधैँ आस्था र प्रोत्साहन दिएको छ।

म कृतज्ञ नहुन र आँसु नझारी बस्न कसरी सक्छु?

म सानो र कमजोर भए पनि, तपाईँलाई प्रेम नगर्न कसरी सक्छु?

म तपाईँलाई साँचो, र शुद्ध प्रेम दिन चाहन्छु।

चाहे सङ्कष्ट र परीक्षाहरू भए पनि,

मसँग तपाईँको वचन भएसम्म म सन्तुष्ट हुनेछु।

खतरा र सङ्कष्ट चाहे जति ठुला भए पनि,

अघि बढ्न म तपाईँमा भर पर्नेछु।

समय र स्थान चाहे जे भए पनि, मेरो हृदयले तपाईँलाई सदैव प्रेम गर्नेछ।

—थुमालाई पछ्याउनुहोस् र नयाँ गीतहरू गाउनुहोस्