१

परमेश्‍वर देहधारी बन्नुभएको छ र उहाँका वचनहरू व्यक्त गर्नुहुन्छ;

उहाँ आखिरी दिनहरूको न्याय कार्यान्वयन गर्दै

र राज्यको युग ल्याउँदै काम गर्न देखापर्नुभएको छ।

परमेश्‍वरका चुनिएका मानिसहरू परमेश्‍वरसामु हुर्काइन्छन्

र हामी लम्पसार परेर परमेश्‍वरको आराधना गर्छौँ।

सर्वशक्तिमान् परमेश्‍वर गौरवशाली सिंहासनमा हुनुहुन्छ—कति गौरवशाली, कति सुन्दर!

परमेश्‍वरका वाणीहरूले हामीलाई जीवनको पानी प्रदान गर्छन्।

परमेश्‍वरका वचनहरू खाँदै र पिउँदै हामी उहाँको आमनेसामने छौँ

र अन्त्यमा हामी भोजमा सामेल हुन्छौँ।

परमेश्‍वरले हामीलाई भ्रष्टिएको संसारबाट टाढा राख्नुहुन्छ र पवित्र तुल्याउनुहुन्छ।

हामी आफूलाई सांसारिक उल्झनहरूबाट मुक्त राख्छौँ

र राज्यको तालिममा प्रवेश गर्छौँ।

२

परमेश्‍वरको घरमा न्याय सुरु भएको छ,

त्यसले परमेश्‍वरको पवित्रता र धार्मिकता प्रकट गरेको छ।

उहाँका वचनहरूको न्याय र सजायले हामीलाई नयाँ मानिसहरूमा परिणत गर्छन्।

हे सर्वशक्तिमान् परमेश्‍वर! तपाईं व्यक्तिगत रूपमा काम गरेर हामीलाई मुक्ति दिनुहुन्छ,

ताकि हामीले आफ्नो स्वभावमा परिवर्तन हासिल गर्न र नयाँ मानिसहरू बन्न

साथै तपाईंको सिंहासनसामु तपाईंको सेवा गर्न सकौँ।

परमेश्‍वर उहाँको काममा बुद्धिमान् र सर्वशक्तिमान् हुनुहुन्छ,

उहाँ सेवाप्रदान गराउन ठूलो रातो अजिङ्गरलाई प्रयोग गर्नुहुन्छ।

प्रतिकूलतामा, परमेश्‍वरले हामीलाई आफ्नो गवाहीमा अडिग रहन

र शैतानमाथि विजयी हुन अगुवाइ गर्नुहुन्छ।

परमेश्‍वरका वचनहरूले उहाँको सर्वशक्तिमान्‌ता देखाउँछन्,

र तिनले विजय गरेर विजेताहरूको एक समूह बनाउँछन्।

परमेश्‍वरले शैतानलाई पूर्ण रूपमा पराजित गर्नुभएको छ र सारा महिमा प्राप्त गर्नुभएको छ।

सर्वशक्तिमान्, एउटै जो हुनुहुन्छ र हुनुहुन्थ्यो, उहाँले राजा भई पृथ्वीमा शासन गर्नुभएको छ।

परमेश्‍वरका वचनहरू अँध्यारो संसार चम्काउने साँचो ज्योति हुन्।

सारा राष्ट्र र सारा मानिसहरू ज्योतिमा आउँछन् र परमेश्‍वरसामु आत्मसमर्पण गर्छन्।

परमेश्‍वर गौरवशाली सिंहासनमा हुनुहुन्छ, आराम लिँदै हुनुहुन्छ।

—थुमालाई पछ्याउनुहोस् र नयाँ गीतहरू गाउनुहोस्