महाविपत्तिहरू नजिकिँदै गर्दा, धेरै विश्वासीहरू प्रभुलाई स्वागत गर्न उत्सुकतापूर्वक आशा गरिरहेका छन् ताकि तिनीहरू विपत्तिहरूबाट बच्न र स्वर्गको राज्यमा प्रवेश गर्न सकून्। तर प्रभुको पुनरागमनलाई स्वागत गर्न पर्खने सन्दर्भमा, मानिसहरूको मनोवृत्ति फरक-फरक छ। कोही प्रभुका शिक्षाहरू पालन गर्छन्। तिनीहरू जागा रहन्छन् र प्रार्थना गर्छन्, सक्रिय रूपमा खोजी र अनुसन्धान गर्छन्, र दुलहाको आवाज सुन्नमा ध्यान केन्द्रित गर्छन्। तर, अरूचाहिँ प्रभु बादलको सवारीमा ओर्लनुहुनेछ भनेर मात्र पर्खेर आफ्नै मण्डलीहरूमा बसिरहन्छन्। तिनीहरू प्रभु येशूले भनेको कुराका आधारमा यसो गर्छन्: “ती दिनका सङ्कष्ट (विपत्तिहरू) पछि तुरुन्तै सूर्य अँध्यारोमा परिणत हुनेछ र चन्द्रमाले आफ्नो ज्योति दिनेछैन अनि ताराहरू आकाशमण्डलबाट खस्‍नेछन् र आकाशमण्डलका शक्तिहरू हल्लाइनेछन्: अनि त्यसपछि स्वर्गमा मानिसको पुत्रको चिन्‍ह देखा पर्नेछ: अनि पृथ्वीका सबै कुलले शोक गर्नेछन्, अनि तिनीहरूले मानिसको पुत्रलाई शक्ति र महान् महिमाका साथमा स्वर्गको बादलमा आइरहनुभएको देख्‍नेछन्” (मत्ती २४:२९-३०)। तिनीहरू सोच्छन्, “यो अगमवाणी प्रभु आफैले बोल्नुभएको थियो। हामी प्रभु बादलको सवारीमा ओर्लनुहुनेछ भनी हेरेर उहाँलाई स्वागत गर्न पर्खिरहेका छौँ। त्यसमा के गलत छ र?”

बाइबलका अगमवाणीहरूका आधारमा प्रभुलाई स्वागत गर्नुमा केही गलत छैन, तर प्रभु बादलको सवारीमा ओर्लनुहुने प्रतीक्षा गर्नु साँच्चै परमेश्‍वरको अभिप्रायअनुरूप छ कि छैन भन्न गाह्रो छ, किनकि प्रभु येशूले मुख्य रूपमा उहाँको पुनरागमन मानिसको पुत्रका रूपमा, गुप्त रूपमा हुनेछ भनी अगमवाणी गर्नुभएको थियो। उदाहरणका लागि, प्रभु येशूले अगमवाणी गर्नुभयो: “किनकि जसरी बिजुली पूर्वबाट चम्किँदा, पश्‍चिमसम्मै चम्‍किन्‍छ; मानिसको पुत्रको आगमन पनि त्यस्तै हुनेछ” (मत्ती २४:२७)। “नोआका दिनहरू जस्ता थिए, मानिसको पुत्रको आगमन पनि त्यस्तै हुनेछ” (मत्ती २४:३७)। “किनभने जसरी बिजुली, आकाशमुनिको एउटा भागबाट चम्किँदा, आकाशमुनिको अर्को भागसम्म चम्किन्छ; मानिसको पुत्र पनि आफ्नो दिनमा त्यस्तै हुनेछ। तर सुरुमा उसले धेरै कुराहरूको कष्ट भोग्नैपर्छ, र यस पुस्ताद्वारा इन्कार गरिनैपर्छ” (लूका १७:२४-२५)। प्रभु येशूले यो पनि अगमवाणी गर्नुभयो: “यसकारण, तिमीहरू पनि तयार होऊ: किनभने मानिसको पुत्र तिमीहरूले नसोचेको समयमा आउँछ” (मत्ती २४:४४)। “अनि मध्यरातमा आवाज आयो, हेर, दुलहा आइपुगे; उहाँलाई भेट्न बाहिर निस्क” (मत्ती २५:६)। यी अगमवाणीहरूले “मानिसको पुत्र आउँछ” वा “मानिसको पुत्रको आगमन” भनी उल्लेख गर्छन्। “मानिसको पुत्र” भन्ने शब्दावलीले मानिसबाट जन्मेको व्यक्तिलाई जनाउँछ। अनि अर्को शब्दमा भन्नुपर्दा, परमेश्‍वरले देहको भेष धारण गर्नुहुनेछ र एक साधारण, सामान्य व्यक्ति बन्नुहुनेछ, उहाँ बोल्न र काम गर्न गुप्त रूपमा मानिसहरूमाझ ओर्लनुहुनेछ। यो बादलको सवारीमा खुला रूपमा देखा पर्नुभन्दा पूर्णतया फरक छ। मानिसको पुत्रको रूपमा फर्केर आउनुहुने प्रभुको बारेमा धेरै भविष्यवाणीहरू भए पनि, धार्मिक संसारले किन उहाँ बादलको सवारीमा ओर्लनुहुने बारेका अगमवाणीहरूमा मात्र ध्यान केन्द्रित गर्न रोज्छन? किन तिनीहरू मानिसको पुत्रको आगमन, मानिसको पुत्रको बारेमा गरिएका अगमवाणीहरूमा कुनै ध्यान दिँदैनन्? यसमा आँखाले देख्नेभन्दा धेरै गहिरा कुरा छन्।

सबैभन्दा पहिले, हामीले प्रभुका “मानिसको पुत्र आउँछ” र “दुलहा आइपुगे” भन्ने अगमवाणीहरू र उहाँ बादलको सवारीमा ओर्लनुहुने बारेका अगमवाणीबीच सबैभन्दा ठूलो भिन्नता बुझ्नैपर्छ। हामीले यी दुई प्रकारका अगमवाणीहरूको समय र सन्दर्भ पूर्ण रूपमा फरक छन् भनी स्पष्ट रूपमा बुझ्नैपर्छ। मानिसको पुत्रको आगमनको सन्दर्भ के हो? प्रभु येशूले अगमवाणी गर्नुभयो: “नोआका दिनहरू जस्ता थिए, मानिसको पुत्रको आगमन पनि त्यस्तै हुनेछ” (मत्ती २४:३७)। नोआका दिनहरूमा, मानिसहरू खाँदै थिए, पिउँदै थिए, बिहे गर्दै थिए र बिहे गरिदिँदै थिए। मानिसको पुत्रको आगमनको सन्दर्भ स्पष्ट रूपमा महाविपत्तिहरूको अवधिमा होइन, बरु ती आउनुअघि जीवन सामान्य चलिरहेको अवधिमा हो। तर, बादलको सवारीमा हुने आगमन चाहिँ महाविपत्तिहरूपछि हुनेछ। त्यसैले, प्रभु येशूले बारम्बार भन्नुभयो, “तिमीहरू जागा रहनुपर्छ र प्रभुलाई स्वागत गर्न आफ्नो तेल तयार गर्नुपर्छ।” यसको अर्थ महाविपत्तिहरूअघि मानिसको देहधारी पुत्रलाई स्वागत गर्नु हो। उहाँले बुद्धिमती र मूर्ख कन्याहरूका लागि फरक-फरक परिणामहरू पनि अगमवाणी गर्नुभयो। महाविपत्तिहरूअघि मानिसको देहधारी पुत्रलाई स्वागत गर्नेहरू बुद्धिमती कन्या हुन्। यी बुद्धिमति कन्याहरू स्वर्गको राज्यको भोजमा उपस्थित हुन्छन् र शुद्ध हुनको लागि ख्रीष्टको सिंहासनको अगाडि न्यायको अनुभव गर्न सक्छन्। तिनीहरूलाई विजेता बनाइन्छ र तिनीहरू परमेश्‍वरको राज्यमा प्रवेश गर्छन्। तर प्रभुलाई स्वागत गर्न उहाँ बादलको सवारीमा ओर्लनुहुनेछ भनी प्रतीक्षा गर्न जिद्दी गर्ने धार्मिक मानिसहरू मूर्ख कन्या हुन्। प्रभु बादलको सवारीमा ओर्लनुहुनेछ भनी हेर्न प्रतीक्षा गर्नेहरूका लागि कस्ता परिणामहरू हुनेछन्? यो त्यस्तो परिणाम हो जसमा “उहाँका कारण पृथ्वीका सब कुलहरूले विलाप गर्नेछन्।” यसको स्पष्ट अर्थ के हो भने तिनीहरूले मानिसको देहधारी पुत्रलाई स्वागत गर्ने मौका गुमाए र तिनीहरूलाई न्याय गरिन्छ, दोषी ठहराइन्छ, र तिनीहरू दण्डित हुन्छन्। यो ठ्याक्कै थोमाजस्तै हो, जसले प्रभु येशूको आत्मिक शरीर देखा परेको देख्दा मात्र उहाँलाई प्रभु र ख्रीष्टका रूपमा स्वीकार गरे। यसका लागि, उसलाई प्रभुले दोषी ठहराउनुभयो। प्रभु येशूले भन्नुभएझैँ: “तिमीले मलाई देखेको कारण विश्‍वास गरेका छौ: तिनीहरू धन्य होऊन् जसले देखेका छैनन्, र पनि विश्‍वास गरेका छन्” (यूहन्‍ना २०:२९)। यसबाट, हामी महाविपत्तिहरूअघि प्रभुलाई स्वागत गर्नेहरू र पछि स्वागत गर्नेहरूको परिणाम पूर्ण रूपमा फरक छ भनी देख्न सक्छौँ। प्रभुको अभिप्राय मानिसहरूले उहाँलाई महाविपत्तिहरूअघि स्वागत गरून् भन्ने हो, र महाविपत्तिहरूपछि त बिलकुलै होइन।

अब हामी महाविपत्तिहरूअघि प्रभुलाई स्वागत गर्नुको महत्त्वबारे कुरा गरौँ। प्रभु येशूले भन्‍नुभयो: “अझै पनि मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तर, जब उहाँ, सत्यताका आत्मा, आउनुहुन्छ, उहाँले तिमीहरूलाई सारा सत्यतामा मार्गदर्शन गर्नुहुनेछ” (यूहन्‍ना १६:१२-१३)। प्रकाशको पुस्तकले पनि अगमवाणी गर्छ: “हेर, म ढोकामा खडा हुन्छु र ढकढक्याउँछु: यदि कसैले मेरो स्वर सुन्‍छ र ढोका खोल्‍छ भने, म उसकहाँ भित्र आउनेछु र म उसँग खानपान गर्नेछु र उसले मसँग खानपान गर्नेछ” (प्रकाश ३:२०)। “जित्नेलाई म मेरो सिंहासनमा बस्न दिनेछु, जसरी म आफैले पनि जितेँ, र म आफ्नो पितासँग उहाँको सिंहासनमा बसेको छु” (प्रकाश ३:२१)। यी अगमवाणीहरूबाट, हामी के देख्न सक्छौँ भने महाविपत्तिहरूअघि, प्रभुले कामको एउटा चरण अघि बढाउनुहुनेछ: परमेश्‍वरको घरबाट सुरु हुने न्यायको काम। यसको अर्थ महाविपत्तिहरूअघि, प्रभुले मानिसहरूको एउटा समूहलाई शुद्ध पार्न र मुक्ति दिन अनि तिनीहरूलाई विजेता बनाउन सत्यता व्यक्त गर्नुहुनेछ र न्यायको काम गर्नुहुनेछ। प्रकाशको पुस्तकमा अगमवाणी गरिएका विजेताहरू, निस्सन्देह, महाविपत्तिहरूअघि वा त्यस दौरान सिद्ध पारिएकाहरू हुन्। हामी सबैले विगतमा के सुनेका छौँ भने जब महाविपत्तिहरू सुरु हुन्छन्, तब मुक्तिको ढोका बन्द हुनेछ। अर्थात्, परमेश्‍वरको मुक्तिको काम पूर्ण रूपमा समाप्त हुनेछ। त्यसोभए, यदि हामी प्रभु बादलको सवारीमा ओर्लनुहुनेछ भनी प्रतीक्षा गर्छौँ भने, जुन महाविपत्तिहरूको अन्त्यमा हुनेछ, के परमेश्‍वरले अझै मुक्तिको काम गरिरहनुभएको हुन सक्छ? त्यो असम्भव हुनेछ। जसरी सर्वशक्तिमान्‌ परमेश्‍वरका वचनहरू भन्छन्: “धेरै मानिसहरूले मैले भन्ने कुरालाई वास्ता नगर्न सक्छन्, तर येशूलाई पछ्याउने हरेक तथाकथित सन्तलाई म अझै भन्न चाहन्छु कि, जब तिमीहरूले येशू स्वर्गबाट सेतो बादलमा ओर्लनुभएको आफ्नै आँखाले देख्छौ, त्यो सार्वजनिक रूपमा धार्मिकताको सूर्य देखा पर्ने समय हुनेछ। सायद त्यो क्षण तेरा निम्ति ठूलो उत्साहको समय हुनेछ। तैपनि तैँले येशू स्वर्गबाट ओर्लनुभएको देख्‍ने समय तँ दण्ड भोग्‍न नरक जाने समय, परमेश्‍वरको व्यवस्थापन योजनाको अन्त्यको घोषणा भएको समय, र परमेश्‍वरले असललाई इनाम र दुष्टलाई दण्ड दिनुहुने समय पनि हुनेछ भनी जान्‍नुपर्छ। किनकि सत्यताको अभिव्यक्ति मात्र हुँदा, मानिसले चिन्हहरू देख्‍नुअघि नै परमेश्‍वरको न्याय अन्त्य भइसकेको हुनेछ। सत्यता स्विकार्ने र चिन्हहरू नखोज्ने अनि यसरी शुद्ध गरिएकाहरू परमेश्‍वरको सिंहासनसामु ल्याइएका र सृष्टिकर्ताको अङ्गालोमा प्रवेश गरेका हुनेछन्। ‘सेतो बादलमा सवार नहुने येशू झुटो ख्रीष्ट हो’ भन्‍ने विश्‍वासमा अड्डी कस्‍नेहरूले मात्र अनन्त दण्ड भोग्नेछन्, किनभने तिनीहरू चिन्ह प्रदर्शन गर्नुहुने येशूमा मात्र विश्‍वास गर्छन्, तर कठोर न्याय व्यक्त गर्नुहुने अनि जीवन र साँचो मार्ग जारी गर्नुहुने येशूलाई मान्दैनन्। अनि यसकारण, के मात्र हुन सक्छ भने, सेतो बादलमा येशू खुल्लमखुल्ला फर्कनुहुँदा उहाँले तिनीहरूलाई ठेगान लगाउनुहुनेछ” (वचन, खण्ड १। परमेश्‍वरको देखापराइ र काम। तैँले येशूको आत्मिक शरीरलाई देख्दासम्ममा, परमेश्‍वरले स्वर्ग र पृथ्वीलाई नवीकरण गरिसक्‍नुभएको हुनेछ)। सर्वशक्तिमान् परमेश्‍वरका वचनहरू अत्यन्तै स्पष्ट छन्। हामी निश्चित रूपमा के भन्न सक्छौँ भने महाविपत्तिहरूपछि प्रभु बादलको सवारीमा ओर्लनुहुँदा मात्र उहाँलाई स्वागत गर्न जिद्दी गर्ने सबैले विपत्ति सामना गर्नेछन्, किनकि तिनीहरूले न्याय स्वीकार गर्ने, शुद्ध पारिने, र मुक्ति पाउने अवसर गुमाइसकेका हुनेछन्। तिनीहरूले सत्यताका आत्माद्वारा व्यक्त गरिएका सत्यताहरू र सत्यको आत्माद्वारा गरिएको न्यायको काम स्वीकार गर्ने अवसर गुमाइसकेका हुनेछन्। तिनीहरूले परमेश्‍वरको मुहार देख्ने मौका कहिल्यै पाउनेछैनन्।

महाविपत्तिहरू सुरु भइसकेका छन्। मानिसलाई मुक्ति दिने परमेश्‍वरको काम छिट्टै सकिनेछ, र त्यसपछि हामी महाविपत्तिहरूको अन्तिम साढे तीन वर्षमा प्रवेश गर्नेछौँ। ती मानवजातिलाई पूर्ण रूपमा नष्ट गर्ने महाविपत्तिहरू हुनेछन्। अहिलेसम्म प्रभुलाई स्वागत नगर्नु अत्यन्तै खतरनाक हो; तपाईँले कुनै पनि क्षण आफ्नो ज्यान गुमाउन सक्नुहुन्छ। साँचो मार्ग नखोज्नु र अनुसन्धान नगर्नु अनि “मानिसको पुत्र” द्वारा व्यक्त गरिएका सबै सत्यता स्वीकार नगर्नु अत्यन्तै मूर्खता हो। यी मानिसहरू निश्चित रूपमा मूर्ख कन्या हुन् अनि प्रभुद्वारा त्यागिन र हटाइन मात्र सक्छन्। हामी भन्न सक्छौँ, अहिले प्रभुलाई स्वागत गर्नु अत्यन्तै जरुरी मामिला हो। तपाईँ मानवजातिलाई नष्ट गर्ने महाविपत्तिहरूअघि प्रभुलाई स्वागत गर्न सक्नुहुन्छ कि सक्नुहुन्न र शुद्ध पारिन परमेश्‍वरको आखिरी दिनहरूको न्याय स्विकार्नुहुन्छ कि स्विकार्नुहुन्न भन्ने कुराले महाविपत्तिहरूमा तपाईँको परिणामलाई प्रत्यक्ष रूपमा निर्धारण गर्नेछ: जीवन वा मृत्यु!