१

परमेश्‍वरको आवाज सुनेर, हामी उहाँसामु उठाइएका छौँ।

हामी परमेश्‍वरका वचनहरू सत्यता हुन् भन्ने देख्छौँ, र हाम्रो हृदय विजय गरिएको छ।

न्याय र सजायद्वारा, हाम्रो भ्रष्टता पखालिन्छ।

हामी परमेश्‍वर सत्य हुनुहुन्छ भनेर दृढतापूर्वक विश्‍वास गर्छौँ,

अनि हामी उहाँका पाइला नजिकबाट पछ्याउँछौँ।

हामी हर प्रकारका सतावट र कठिनाइ भोग्छौँ,

तर परमेश्‍वरका वचनले हामीलाई मार्गदर्शन गर्छन्।

हामी परमेश्‍वरको अत्यन्तै धेरै प्रेम अनुभव गर्छौँ,

अनि परमेश्‍वरलाई दृढ-इच्छाका साथ पछ्याउँछौँ।

हामी परीक्षा, सङ्कष्ट र शोधन भोग्छौँ,

र परमेश्‍वरलाई महिमित गर्न विजयी गवाहीहरू दिन्छौँ।

हामी धार्मिकताको सुर्य देखा परेको छ भन्ने देख्छौँ;

हामी सबै परमेश्‍वरका गवाही हौँ।

२

परमेश्‍वर मानिसलाई मुक्ति दिन देहधारी हुनुभएको छ,

अनि उहाँले हर प्रकारका अपमान भोग्नुहुन्छ।

उहाँले इन्कार भोग्नुहुन्छ र गलतफहमी सहनुहुन्छ,

त्यो सबै बिना गुनासो वा पछुतो गर्नुहुन्छ।

हामी धुलोजस्ता छौँ, तर हामी परमेश्‍वरद्वारा उठाइएका छौँ,

अनि हामी सत्यता र जीवन प्राप्त गर्छौँ;

यो साँच्चै परमेश्‍वरको महान् प्रेम हो।

हामी इमानदार मानिस बन्ने अभ्यास गर्छौँ र मानव रूपमा जिउँछौँ।

हामी परमेश्‍वरको प्रेम चुक्ता गर्न आफ्ना कर्तव्य राम्ररी निर्वाह गर्छौँ।

राज्यको सुसमाचार फैलाउन र त्यसको गवाही दिन,

परमेश्‍वरलाई सन्तुष्ट बनाउन हामी आफ्नो बफादारी अर्पण गर्छौँ।

कठिनाइ जेसुकै भए पनि, हामी गुनासो गर्नेछैनौँ;

हामी केवल परमेश्‍वरलाई आफ्नो सारा हृदय र मनले प्रेम गर्न खोज्छौँ।

हामी परीक्षा, सङ्कष्ट र शोधन भोग्छौँ,

र परमेश्‍वरलाई महिमित गर्न विजयी गवाहीहरू दिन्छौँ।

हामी धार्मिकताको सुर्य देखा परेको छ भन्ने देख्छौँ;

हामी सबै परमेश्‍वरका गवाही हौँ।

—थुमालाई पछ्याउनुहोस् र नयाँ गीतहरू गाउनुहोस्