१

आज म परमेश्‍वरको न्याय स्वीकार गर्छु

अनि भोलि उहाँका आशिष्‌हरू प्राप्त गर्ने छु।

परमेश्‍वरको महिमाको दिन हेर्नलाई म मेरो जवानी दिन

र मेरो जीवनकाल अर्पण गर्न इच्छुक छु।

उहाँले काम गर्नुहुन्छ र सत्यता व्यक्त गर्नुहुन्छ, र मानिसलाई जीवनको मार्ग प्रदान गर्नुहुन्छ।

परमेश्‍वरका वचनहरू र परमेश्‍वरको प्रेमले मेरो हृदयलाई मोहित गरेका छन्।

सत्यता प्राप्त गर्नको लागि म तितो कचौराबाट पिउन र कष्ट भोग्‍न इच्छुक छु।

म कुनै गुनासो नगरिकन अपमान सहनेछु।

म मेरो सारा जीवन परमेश्‍वरको अनुग्रहको ऋण चुकाउँदै बिताउन चाहन्छु।

२

परमेश्‍वरले सुम्पनुभएका कुराहरू मुटुमा हुँदा,

म शैतानसामु कहिल्यै घुँडा टेक्नेछैनँ।

हाम्रो शिर छिनिएला र हाम्रो रगत बग्‍ला,

तर परमेश्‍वरका मानिसहरूको मेरुदण्डलाई झुकाउन सकिँदैन।

म परमेश्‍वरका लागि जोरदार गवाही दिनेछु,

र दियाबलसहरू अनि शैतानलाई अपमानित गर्नेछु।

पीडा र कठिनाइहरू परमेश्‍वरले नै पूर्वनिर्धारित गर्नुभएको हो,

म मृत्युसम्‍मै उहाँप्रति बफादार र समर्पित हुने छु।

म परमेश्‍वरलाई फेरि कहिल्यै रुवाउने छैन

र म उहाँलाई फेरि कहिल्यै चिन्तित तुल्याउने छैन।

म मेरो प्रेम र बफादारी परमेश्‍वरलाई अर्पण गर्ने छु

र उहाँलाई महिमित तुल्याउन आफ्नो मिसन पूरा गर्ने छु।

३

परमेश्‍वरका वचनहरूले मलाई आस्था दिन्छन्,

र फलामे डण्डाका साथ, परमेश्‍वरलाई अन्त्यसम्मै पछ्याउनेछु।

म मेरो सास रहेसम्म, म अटल सङ्कलपसाथ सुसमाचार प्रचार गर्न

र परमेश्‍वरको गवाही दिन जारी राख्नेछु।

म मेरो सम्पूर्ण हृदय र मनले परमेश्‍वरको प्रशंसा गर्छु,

मेरो नयाँ गीत र नृत्य अर्पण गर्छु।

म मेरो हृदय खोल्छु, र आफ्ना भावनाहरू पोख्छु,

अनि मेरो निष्कपट हृदय परमेश्‍वरलाई चढाउँछु।

मेरो हृदय सदासर्वदा परमेश्‍वरमा नै जोडिएको हुने छ।

जब उहाँको महिमाको दिन आउँछ,

हामी सिंहासनको वरपर भेला हुनेछौँ र आनन्दसाथ नाच्‍नेछौँ;

र हामी सारा अनन्तकाल परमेश्‍वरको प्रशंसा गर्नेछौँ।

—थुमालाई पछ्याउनुहोस् र नयाँ गीतहरू गाउनुहोस्