व्यवस्थाको युगमा, मानिसहरूलाई पृथ्वीमा उचित रूपमा जिउन सहयोग गर्नका लागि यहोवा परमेश्‍वरले व्यवस्था जारी गर्ने आफ्‍नो काम गर्नुभयो। त्यसकारण इस्राएलीहरूले के विश्‍वास गरे भने, परमेश्‍वरको व्यवस्थाको युगको काम समाप्त भएपछि तिनीहरूले व्यवस्था पालन मात्रै गर्नुपर्छ अनि तिनीहरूले मुक्ति पाउनेछन्, र मसीह आउनुभएपछि तिनीहरू सीधै राज्यमा लगिनेछन्। तैपनि, जब प्रभु येशू सत्यता व्यक्त गर्न र छुटकाराको काम गर्न आउनुभयो, तब यहूदी जनताले रोमी सरकारसँग मिलेर काम गरे, अनि उहाँलाई क्रूसमा टाँगे। अनुग्रहको युगमा, मानिसहरूले प्रभु येशूको छुटकाराको कामद्वारा सधैँका लागि तिनीहरूको पापक्षमा भएको छ र तिनीहरूले मुक्ति पाएका छन्, त्यसकारण प्रभु आउनुहुँदा तिनीहरू सीधै स्वर्गमा लगिनुपर्छ भन्‍ने सोचे। आखिरी दिनहरूमा, प्रभु येशू सर्वशक्तिमान्‌ परमेश्‍वरको रूपमा फर्केर आइसक्‍नुभएको छ, मानवजातिलाई पूर्ण रूपमा धुन र मुक्ति दिन सत्यता व्यक्त गर्दैहुनुहुन्छ। धार्मिक संसारले शैतानको राज्यसँग मिलेर उहाँलाई फेरि क्रूसमा टाँगिरहेको छ। किन परमेश्‍वरको हरेक चरणको कामलाई मानवजातिले इन्कार र निन्दा गर्छ? र उहाँको मुक्तिको कामलाई तीन वटा चरणमा अघि बढाउनु किन आवश्यक छ? साँचो विश्‍वासको खोजीको यो भागले तपाईंलाई सत्यताको खोजी गर्न र उत्तर पत्ता लगाउन अगुवाइ गर्नेछ।