१

परमेश्‍वर देह बन्नुभयो र उहाँले मानवजातिलाई छुटकारा दिनुभयो,

र अहिले आखिरी दिनहरूमा, उहाँ आफ्नो न्यायको काम गर्न फेरि आउनुभएको छ।

उहाँले मानिसहरूमाझ जिउन आफूलाई विनम्र तुल्याउनुभएको छ,

ठूलो अपमान र कष्ट सहनुभएको छ।

उहाँ मानवजातिलाई मुक्ति दिन सत्यताहरू व्यक्त गर्नुहुन्छ,

मानिसहरूलाई उहाँसामु जिउने तुल्याउनुहुन्छ।

सत्यताको ज्योति मानवजातिमाझ चम्कन्छ,

हर प्रकारका मानिसहरूको भ्रष्टता र कुरूपता प्रकाश गर्छ।

परमेश्‍वरमा विश्‍वास गर्ने तैपनि उहाँको प्रतिरोध गर्ने सबैलाई

उहाँको ज्योतिमा खुलासा गरिएको छ।

सत्यतालाई प्रेम गर्नेहरू मात्र

स्वर्गको राज्यका भोजमा सहभागी भएका छन्।

२

देहमा देखा पर्नुहुने वचन महान् ज्योतिझैँ चम्कनुहुन्छ,

अन्धकारमा छामछुम गर्नेहरूमाथि चम्कनुहुन्छ।

परमेश्‍वरका वचनहरूको मलजल र भरणपोषण प्राप्त गर्दा,

हामी सत्यता बुझ्छौँ र परमेश्‍वरसामु जिउँछौँ।

हामीले कठिनाइहरू अनुभव गर्दै गर्दा, हामीलाई मार्गदर्शन दिने परमेश्‍वरका वचनहरू छन्,

र हामी अब उप्रान्त नकारात्मक, अलमल्ल वा असहाय महसुस गर्दैनौँ।

परमेश्‍वरका वचनहरूको खुलासा र न्यायले

आफैलाई चिन्न र वास्तविक पश्चात्ताप प्राप्त गर्न हामीलाई अगुवाइ गर्छ।

परमेश्‍वरको धार्मिकता र पवित्रता देखेर,

हामी ठूलो रातो अजिङ्गरलाई झन् बढी घृणा गर्न पुगेका छौँ।

परमेश्‍वरको आज्ञा स्वीकार गरेर,

हामी परमेश्‍वरलाई बफादारी देखाउँछौँ र उहाँको इच्छा पछ्याउन लागिपर्छौँ।

३

हामीले मुक्ति पाउनु पूर्णतः परमेश्‍वरको अनुग्रह हो,

किनकि मानिस साँच्चै नगण्य छ र आफैबारे घमन्ड गर्न अयोग्य छ।

सबथोक परमेश्‍वरलाई सुम्पँदा,

हामी गुनासोबिना उहाँलाई सबथोक योजनाबद्ध र प्रबन्ध गर्न दिन्छौँ।

हामी आफ्ना कर्तव्य व्यावहारिक र वास्तविक शैलीमा गर्छौँ,

परमेश्‍वरको हृदयलाई सन्तुष्ट पार्न आफ्नो निष्कपटता अर्पण गर्छौँ।

हामी राज्यको सुसमाचार फैलाउँछौँ र परमेश्‍वरको गवाही दिन्छौँ,

उहाँको आज्ञा पूरा गर्न आफूले सके जति गर्छौँ।

हामी नयाँ गीतहरू गाउँछौँ र नयाँ नृत्यहरू नाच्छौँ,

र परमेश्‍वरले सम्पन्न गर्नुभएको महान् कामका लागि उहाँको प्रशंसा गर्छौँ।

हामी सदैव परमेश्‍वरलाई प्रेम गर्नेछौँ र उहाँको गवाही दिनेछौँ,

र आफ्नो बाँकी जीवनभर उहाँलाई पछ्याउनेछौँ र उहाँको सेवा गर्नेछौँ।

—थुमालाई पछ्याउनुहोस् र नयाँ गीतहरू गाउनुहोस्