१

देहधारी परमेश्‍वर, मानिसको पुत्र, ओर्लनुभएको छ,

देहधारी सर्वशक्तिमान् परमेश्‍वरका रूपमा देखा पर्नुभएको छ।

उहाँको वचनले राज्यको युग प्रारम्भ गरेको छ,

र परमेश्‍वरको घरबाट न्याय सुरु भएको छ।

परमेश्‍वरका चुनिएका मानिसहरू उहाँसामु उठाइएका छन्;

तिनीहरू आखिरी दिनहरूका ख्रीष्टको आराधना गर्न आउँछन्।

सर्वशक्तिमान् परमेश्‍वरले हरदिन नयाँ वचनहरू बोल्नुहुन्छ,

मानिसकहाँ अनन्त जीवनको मार्ग ल्याउनुहुन्छ।

स्वर्गबाट नयाँ यरूशलेम ओर्लन्छ, र सम्पूर्ण ब्रह्माण्ड रमाउँछ।

परमेश्‍वरले राज्य प्राप्त गर्नुभएको छ र पृथ्वीमा ओर्लनुभएको छ,

अनि सहस्राब्दीय राज्य आइपुगेको छ।

२

धार्मिक संसारमाथि अनिकाल आइपरेको छ,

र मानिसहरू साँचो मार्ग खोज्न बाध्य छन्।

तिनीहरूले निकै लामो समयदेखि मानिसको पुत्रको देखा पराइको तृष्णा गरेका छन्,

अनि तिनीहरू परमेश्‍वरको आवाजको ध्वनिद्वारा विजय गरिएका छन्।

तिनीहरूले परमेश्‍वरको न्याय र शुद्धिकरण स्विकारेका छन्,

र तिनीहरूले सत्यता र जीवन प्राप्त गरेका छन्।

हरप्रकारका परीक्षा र सङ्कष्ट भोगेर,

तिनीहरूले परमेश्‍वरको सर्वशक्तिमान्‌ता र बुद्धि देखेका छन्।

तिनीहरू परमेश्‍वरको वचनमा भर पर्छन् र आफ्नो गवाहीमा दृढ रहन्छन्,

सर्वशक्तिमान् परमेश्‍वरलाई महिमित तुल्याउँछन्।

परमेश्‍वरले विजेताहरूको एउटा समूह बनाउनुभएको छ,

र उहाँको महान् काम त्यसको समापनमा पुगेको छ।

३

उहाँको क्रोध ओर्लिएको छ,

र ठूला विपत्तिहरू एक पछि अर्को गर्दै आउँछन्।

दुष्ट मानवजाति परमेश्‍वरद्वारा नष्ट गरिएको छ,

जसद्वारा उहाँको धार्मिकता पूर्णतः प्रकट हुन्छ।

परमेश्‍वरका मानिसहरूले शैतानलाई हराएका छन्,

र तिनीहरू परमेश्‍वरको उपस्थितिको ज्योतिमा जिउँछन्।

तिनीहरू परमेश्‍वरद्वारा सहस्राब्दीय राज्यभित्र ल्याइएका छन्,

जहाँ तिनीहरू परमेश्‍वरका अनन्त आशिष्‌मा रमाउँछन्।

परमेश्‍वरको वचनले सब हासिल गरेको छ,

परमेश्‍वरको बुद्धि र सर्वशक्तिमान्‌ता प्रकट गरेको छ।

परमेश्‍वरको वचनले पृथ्वीमा शासन गर्छ, र सहस्राब्दीय राज्य आइपुगेको छ।

—थुमालाई पछ्याउनुहोस् र नयाँ गीतहरू गाउनुहोस्