प्रभुले ढकढक्याउनुहुँदैछ नाटकले आखिरी दिनहरूमा प्रभुले कसरी उहाँका वचनहरूद्वारा हाम्रो हृदयको ढोका ढकढक्यानुहुन्छ र कसरी बुद्धिमती कन्याहरूले परमेश्‍वरको आवाज सुन्न र थुमासित भोज खान सक्छन् भनेर बताउँछ।

पाष्टर च्याङ शौदाओ सधैँ प्रभुको पुनरागमनको पर्खाइमा छन् तर ब्रदर झेनले उनलाई प्रभु फर्किसक्नुभएको छ भनेर गवाही दिँदा जिद्दी गर्दै आफ्नै धारणा र कल्पनाहरूमा अडिग रही प्रभु बादलमा फर्कनुहुनेछ भनेर विश्‍वास गर्छन् र साँचो मार्गका लागि आफ्नो हृदयको ढोका बन्द गरिराख्छन्। तथापि, यस पटक ब्रदर झेनले उनीसँग प्रभुको पुनरागमनबारे धर्मशास्त्रका खण्डहरू छलफल गर्छन्। यसबाट, उनले आखिरी दिनहरूमा प्रभु गोप्य रूपमा देहधारी भई नयाँ वचनहरू बोल्न र मानिसलाई शुद्ध पार्न आउनुहुन्छ अनि त्यसपछि मात्र असललाई इनाम दिन र दुष्टलाई दण्ड दिन सार्वजनकि रूपमा देखा पर्नुहुनेछ भन्ने अगमवाणीहरू बाइबलमा छन् भनेर थाहा पाउँछन्। त्यति नै बेला, उनले प्रभुले हाम्रा ढोका ढकढक्याउनुको साँचो अर्थ र प्रभुको पुनरागमनलाई स्वागत गर्ने तरिका भनेको परमेश्‍वरको आवाज सुन्न सक्षम हुनु हो भनेर बुझ्छन्। अन्ततः उनले सर्वशक्तिमान् परमेश्‍वरको वचनमा परमेश्‍वरको आवाज सुनेर आफ्नो हृदयको ढोका खोल्छन् र प्रभुको पुनरागमनलाई स्वागत गर्छन्।