मुक्ति भनेको के हो? प्रभु येशूमा विश्‍वास गर्ने मानिसहरूले के सोच्छन् भने, तिनीहरूले इमानदारिताको साथ प्रार्थना गरे, पाप स्वीकार गरे, र पश्‍चात्ताप गरे भने, तिनीहरूको पाप क्षमा हुनेछ, र तिनीहरूलाई मुक्ति दिइनेछ, र जब प्रभु आउनुहुन्छ, तब तिनीहरूलाई सीधै स्वर्गको राज्यमा उठाइनेछ। तर के मुक्ति साँच्‍चै त्यति सरल छ?

चलचित्रका नायक सु झिकियान ले परमेश्‍वरमा विश्‍वास गरेको धेरै वर्ष भएको हुन्छ, तिनले परमेश्‍वरको लागि उत्साहको साथ मेहनत गर्छन्, र आफ्‍नो कर्तव्य पूरा गर्न सबै कुरा त्यागेका हुन्छन्। यसले गर्दा, तिनलाई चिनियाँ कम्युनिस्ट पार्टीले पक्राउ गरेर यातना दिन्छ। तिनी जेलबाट छुटेपछि, तिनले आफ्‍नो कर्तव्य पूरा गर्ने कार्यलाई जारी राख्छन्, केही व्यावहारिक अनुभव प्राप्त गर्छन्, अनि तिनका प्रवचन र कामले तिनका विश्‍वासी दाजुभाइ-दिदीबहिनीहरूका केही व्यावहारिक समस्याहरू समाधान गर्छन्। पछि, तिनकी श्रीमती पनि पक्राउ पर्छिन्, तर तिनले गुनासो गर्दैनन्, नकारात्मक हुँदैनन्, वा तिनको विश्‍वास तोडिँदैन…। यो सब कुराले गर्दा तिनले तिनका विश्‍वासी दाजुभाइ-दिदीबहिनीहरूबाट तारिफ र प्रशंसा प्राप्त गर्छन्। सु झिकियानले के विश्‍वास गर्छन् भने, तिनीसँग सत्यताको वास्तविकता छ, र स्वर्गको राज्यमा प्रवेश गर्न तिनलाई कुनै समस्या छैन। तर चाँडै नै, अनपेक्षित परीक्षा तिनको जीवनमा आउँछ—चिनियाँ कम्युनिस्ट पार्टीको पुलिसको यातनामा परेर तिनकी श्रीमतीको मृत्यु हुन्छ। सु झिकियान व्याकुल हुन्छन्, तिनमा धारणा, गलफहमी पैदा हुन्छ, र तिनले परमेश्‍वरको बारेमा गुनासो गर्छन्, साथै तिनमा परमेश्‍वरको विरुद्धमा विद्रोह र धोकाका विचारहरू आउँछन्…। पछि, जब तिनले आफूले परमेश्‍वरलाई धोका दिइरहेको छु भन्‍ने महसुस गर्छन्, तब तिनले मनन गर्न सुरु गर्छन्, र तिनी जस्ता परीक्षाहरूबाट गुज्रेर जाने त्यसपछि गुनासो गर्ने, परमेश्‍वरलाई गलत रूपमा बुझ्‍ने र परमेश्‍वरलाई धोका दिने मानिसहरूले साँच्‍चै मुक्ति पाउँछन् कि पाउँदैन भनेर प्रश्‍न गर्छन्। के तिनीहरू साँच्‍चै परमेश्‍वरको राज्यमा प्रवेश गर्न योग्य हुन्छन्?