१

परमेश्‍वरका मानिसहरू उहाँको सिंहासनसामु फर्कन्छन्

र एक साथ परमेश्‍वरलाई प्रार्थना चढाउँछन्।

परमेश्‍वरले सत्यतालाई प्रेम गर्नेहरूलाई अगुवाइ गर्नुहोस्,

ताकि तिनीहरूले चाँडै उहाँको आवाज सुन्न सकून्।

फर्कनुभएका उद्धारकर्तालाई चिन्न हेर्दै र प्रतीक्षा गर्दै

बसिरहेकाहरूलाई परमेश्‍वरले अन्तर्दृष्टि दिनुहोस्।

मानिसहरूले आफ्ना धारणाका बन्धनहरू तोडून्,

ताकि तिनीहरूले साँचो मार्गको खोजी र छानबिन गरून्।

परमेश्‍वरले पूर्वनिर्धारित र चयन गर्नुभएका सबैले

थुमाका पदचापहरू पछ्याइरहून्।

मानिसहरूले परमेश्‍वरका वचनहरूको आपूर्ति प्राप्त गरून्

ताकि तिनीहरूका आत्माले अब उप्रान्त तृष्णा नगरून्।

मानिसहरूले खुट्ट्याउन सिकून्

र तिनीहरू अब उप्रान्त शैतानका झुटहरूद्वारा भ्रमित नहोऊन्।

परमेश्‍वरले हामीलाई सुसमाचार प्रचार गर्न

र उहाँको गवाही दिन अगुवाइ र मार्गदर्शन गर्नुहोस्।

परमेश्‍वर सधैँ उहाँका चुनिएका मानिसहरूसित हुनुहोस्,

ताकि सबैले बफादारीका साथ आफ्नो कर्तव्य पूरा गरून्।

२

परमेश्‍वरले हामीलाई अन्तर्दृष्टि दिनुहोस्,

ताकि हामीले उहाँको वचन जानौँ र उहाँका अभिप्रायहरू बुझौँ।

सबै मानिसहरूले परमेश्‍वरको वचनलाई कदर गरून् र तिनीहरू त्यसअनुसार जिऊन्।

परमेश्‍वरले हामीलाई बारम्बार ताडना दिनुहोस्,

ताकि हामी मानव रूपमा जिउन सकौँ।

परमेश्‍वरले हामीलाई परीक्षाहरू दिनुहोस्,

ताकि हाम्रा स्वभावहरू परिवर्तन हुन सकून्।

सबै मानिसहरूले असल र दुष्ट खुट्ट्याऊन्,

सत्यता अभ्यास गरून् र तिनीहरू परमेश्‍वरप्रति समर्पित होऊन्।

परमेश्‍वरले दुष्कर्मीहरूलाई दण्डित गर्नुहोस्,

ताकि मण्डली जीवनमा बाधा नपरोस्।

परमेश्‍वरले अझ धेरै मानिसहरूलाई उहाँसँग एउटै हृदय र मन भएको हुन सिद्ध पार्नुहोस्।

सबै मानिसहरूले प्रेमिलो परमेश्‍वरलाई साँचो प्रेम चढाऊन्।

परमेश्‍वरले उहाँका चुनिएका मानिसहरू सबैलाई ज्योतिमा जिउन आशिषित् गर्नुहोस्।

—थुमालाई पछ्याउनुहोस् र नयाँ गीतहरू गाउनुहोस्