१

सर्वशक्तिमान् परमेश्‍वर, आखिरी दिनहरूका ख्रीष्ट,

सत्यता व्यक्त गर्नुहुन्छ र पूर्वमा पूर्ण महिमासाथ देखा पर्नुहुन्छ।

हामी परमेश्‍वरको आवाज सुन्छौँ, उहाँसामु फर्किन्छौँ।

परमेश्‍वरका वचनको आनन्द उठाउँछौ, थुमाको विवाह भोजमा सहभागी हुन्छौँ।

दाजुभाइ हो! गाओ! मानिसमाझ आउनुभएकोमा परमेश्‍वरको प्रशंसा गर!

दिदीबहिनी हो! अघि आएर नाच! राज्यमा जीवन साँच्चै अद्भुत छ!

ओह! परमेश्‍वरको उपस्थितिमा जिउनु निकै ठुलो आशिष् हो!

२

आखिरी दिनहरूमा न्यायको काम परमेश्‍वरको घरबाट सुरु हुन्छ,

उहाँको वचनको खुलासा र न्यायले हामीलाई लाजले लुक्ने ठाउँ छोड्दैन।

धेरै शोधन र पीडाको कष्ट भोगे पछि, हाम्रो भ्रष्ट स्वभाव पखालिन्छ;

हामी सत्यता र जीवन हासिल गर्छौँ, र साँच्चै आशिषित छौँ।

दाजुभाइ हो! आओ हेर! राज्यको भोजको प्रचुरता निकै ठुलो छ!

दिदीबहिनी हो! आओ सुन! परमेश्‍वरको वचनको अख्तियार निकै ठुलो छ,

र त्यसले करोडौँको हृदय विजय गरिसकेको छ!

३

परमेश्‍वरको न्याय अनुभव गर्दा, उहाँको धार्मिकता देख्छौँ;

परमेश्‍वरको डर मान्छौँ र उहाँका सबै प्रबन्धमा समर्पित हुन्छौँ।

आफ्ना सांसारिक बन्धन फाल्छौँ

र पूर्ण हृदयसाथ परमेश्‍वरप्रति आफूलाई समर्पित गर्छौँ;

परमेश्‍वरका वचनभित्र शोक वा पीडाबिना जिउँछौँ।

दाजुभाइ हो! अघि आओ! सबैले परमेश्‍वरको गवाही दिऊँ!

दिदीबहिनी हो! नरोकिओ! परमेश्‍वरलाई सन्तुष्ट पार्न साँचो हृदय अर्पण गरौँ!

हामी सम्पूर्ण हृदय र मनले आफ्ना कर्तव्य पूरा गरौँ।

४

परमेश्‍वरले विजेताहरूको समूह बनाउनुभएको छ,

उहाँका मानिस सबले उहाँको काम फैलाउँदै छन्, त्यसको गवाही दिँदै छन्,

राज्यको सुसमाचार संसारभर सबै देशहरूमा फैलिँदैछ;

परमेश्‍वरको सर्वशक्तिमान्ता र बुद्धिका लागि उहाँको जयजयकार र प्रशंसा गर्छौँ।

दाजुभाइ हो! नयाँ गीत गाओ!

परमेश्‍वरले हासिल गर्नुभएको महिमाका लागि उहाँको प्रशंसा गर!

दिदीबहिनी हो! अघि आएर नाच!

परमेश्‍वरले सक्काउनुभएको महान् कामका लागि उहाँको प्रशंसा गर!

सर्वशक्तिमान् परमेश्‍वरको प्रशंसा गर्न कहिल्यै रोक्नेछैनौँ!

—थुमालाई पछ्याउनुहोस् र नयाँ गीतहरू गाउनुहोस्