१

मानिसको पुत्रले सत्यता व्यक्त गर्नुहुन्छ,

आखिरी दिनहरूको ख्रीष्ट देखा पर्नुभएको छ।

हामी परमेश्‍वरको आवाज सुन्छौँ र स्वर्गको राज्यका भोजमा सहभागी हुन्छौँ।

यो साँच्चै नै ठूलो आशिष् हो।

हरदिन हामी परमेश्‍वरको वचन खान्छौँ र पिउँछौँ

अनि असङ्ख्य सत्यताहरू बुझ्न पुग्छौँ।

हामीले अस्पष्ट आस्था फालेका छौँ र सत्यता वास्तविकतामा प्रवेश गरेका छौँ।

परमेश्‍वरको वचनको मलजल र आपूर्तिले,

हाम्रो जीवन निरन्तर रूपमा बढेको छ।

हामीले शैतानको प्रभाव फालेका छौँ र परमेश्‍वरसामु जिउँछौँ।

हामी ठूलो स्वरले गीत गाउँछौँ र सर्वशक्तिमान् परमेश्‍वरको मुक्तिको प्रशंसा गर्छौँ।

सर्वशक्तिमान् परमेश्‍वरले हामीलाई सत्यता र जीवन प्रदान गर्नुभएको छ।

हामी जीवनका रहस्यहरू बुझ्न पुगेका छौँ,

र हामीले परमेश्‍वरलाई पछ्याउँदै गर्दा मार्ग झन् उज्यालो हुँदै जान्छ।

२

परमेश्‍वरको न्याय भोगेर, हाम्रो भ्रष्टता पखालिएको छ।

हामीले परमेश्‍वरको धार्मिकता जान्दै गर्दा परमेश्‍वरको डर मान्न पुगेका छौँ।

हामी अलिकति पनि गुनासो नगरी परमेश्‍वरका योजनाबद्ध कार्यमा समर्पित हुन्छौँ।

हे, प्रिय सर्वशक्तिमान् परमेश्‍वर, सत्यता व्यक्त गर्नुभएकोमा धन्यवाद;

तपाईँले हामीलाई मुक्ति दिन ठूलो अपमान र पीडा सहनुभएको छ।

परीक्षा र सङ्कष्टहरूमा, तपाईँको वचन हाम्रो छेउमै हुन्छ।

हामी मार्गको यो अन्तिम खण्ड राम्ररी हिँड्छौँ

र तपाईँको जोरदार गवाही दिन्छौँ।

सर्वशक्तिमान् परमेश्‍वरलाई पछ्याउँदा हामी धेरै प्राप्ति गर्छौँ।

यो सर्वशक्तिमान् परमेश्‍वरको अनुग्रह र आशिष् हो।

परमेश्‍वरको गहन प्रेमका लागि हामी निष्कपट रूपमा कृतज्ञ छौँ,

र हामी सारा अनन्तकालका लागि उहाँलाई प्रेम गर्नेछौँ र उहाँको गवाही दिनेछौँ।

—थुमालाई पछ्याउनुहोस् र नयाँ गीतहरू गाउनुहोस्