Christian Dance | केवल परमेश्वर नै सर्वोत्तम हुनुहुन्छ | Praise Song
20 मे 2025
१
परमेश्वरका सबै वचन सत्यता हुन्,
उहाँले भन्नुहुने र गर्नुहुने सबै कुरा धर्मी छन्।
उहाँका वचनहरूको न्याय अनुभव गर्दा,
हामीले सत्यताको खोजी गर्नुपर्छ।
हामीले हामीमा भ्रष्ट स्वभाव छन् भनी स्वीकार गर्ने हुनाले,
हामी परमेश्वरको न्यायमा झनै समर्पित हुनुपर्छ।
जब हाम्रा भ्रष्ट स्वभावहरू शुद्ध पारिन्छन् तब मात्र हामीले उहाँका अभिप्राय पूरा गर्न सक्छौँ।
हाम्रा धारणाहरू र कल्पनाहरू त्याग्छौँ,
परमेश्वरतर्फ हेर्छौँ र सत्यता अभ्यास गर्छौँ।
पत्रुसको अनुकरण गर्न आफ्नो सङ्कल्प बलियो बनाउँदै, जोडदार गवाही दिन्छौँ।
हामी हार्दिकतासाथ गाऔँ: केवल परमेश्वर नै सर्वोत्तम हुनुहुन्छ!
हामी सदासर्वदा परमेश्वरको पवित्रता र धार्मिकताको प्रशंसा गर्नेछौँ!
२
परमेश्वरका वचनहरूको न्याय अनुभव गरेर,
मैले म शैतानद्वारा कति गहिरोसँग भ्रष्ट तुल्याइएको छु भनी देखेको छु।
म अहङ्कारी, अभिमानी, कुटिल र छली छु;
मसँग साँच्चै मानव रूप छैन।
न्याय स्वीकार गरेर र आफैलाई चिन्न पुगेर, मैले साँच्चै पश्चात्ताप गरेको छु।
परमेश्वरको स्वभावले उल्लङ्घन नसहने कुरा अनुभव गरेर,
म मेरो हृदयमा उहाँको डर मान्छु।
उहाँको न्याय र सजायपछाडि उहाँको अपार प्रेम लुकेको छ।
शरीर विरुद्ध विद्रोह गरेर र सत्यता अभ्यास गरेर,
म परमेश्वरसँग झनै नजिक महसुस गर्छु।
हामी हार्दिकतासाथ गाऔँ: केवल परमेश्वर नै सर्वोत्तम हुनुहुन्छ!
हामी सदासर्वदा परमेश्वरको पवित्रता र धार्मिकताको प्रशंसा गर्नेछौँ!
३
जब सतावट, सङ्कष्ट र परीक्षाहरू आइपर्छन्,
हामीले परमेश्वरलाई महिमित तुल्याउन आफ्नो गवाहीमा दृढ रहनुपर्छ।
सृजित प्राणीहरू जिऊन् वा मरून्,
तिनीहरू उहाँको सार्वभौमिकतामा समर्पित हुनुपर्छ।
ठूलो सङ्कष्ट र पीडा भोगेर,
हामी शैतानलाई पूर्ण रूपमा घृणा गर्न पुग्छौँ, र परमेश्वरको प्रेमिलो स्वभाव झनै बढी महसुस गर्छौँ।
हामी शैतानलाई लज्जित पार्न र विजयी गवाही दिन आफ्नो जीवन जोखिममा पार्न तयार छौँ।
हलुका र अल्पकालिक कष्ट सत्यता र जीवनसँग साटिन्छ।
परमेश्वरले भन्नुभएका र गर्नुभएका सबै कुरा प्रेम हुन्;
यसमा हाम्रो विश्वास दृढ छ र शङ्काबाट मुक्त छ।
हामी हार्दिकतासाथ गाऔँ: केवल परमेश्वर नै सर्वोत्तम हुनुहुन्छ!
हामी सदासर्वदा परमेश्वरको पवित्रता र धार्मिकताको प्रशंसा गर्नेछौँ!
—थुमालाई पछ्याउनुहोस् र नयाँ गीतहरू गाउनुहोस्
तपाई र तपाईको परिवारलाई अति आवश्यक छ भनेर आह्वान गर्दै: पीडा बिना सुन्दर जीवन बिताउने मौका प्राप्त गर्न प्रभुको आगमनलाई स्वागत गर्नु। यदि तपाईं आफ्नो परिवारसँग यो आशिष प्राप्त गर्न चाहनुहुन्छ भने, कृपया हामीलाई सम्पर्क गर्न बटन क्लिक गर्नुहोस्। हामी तपाईंलाई प्रभुको आगमनलाई स्वागत गर्ने बाटो फेला पार्न मद्दत गर्नेछौं।
अन्य प्रकारका भिडियोहरू
सेयर गर्नुहोस्
