तपाईँ वसन्त र शरदमा मेरो छेउमै रहनुहुन्छ,

हिउँद र गृष्ममा मसँगै हिँड्नुहुन्छ।

तपाईँको एक्लो मुहार देख्दा, मेरो हृदय उदासीले भरिन्छ।

मैले तपाईँको एक्लोपनलाई कहिल्यै ख्याल गरेको छैनँ,

न त तपाईँको चोटलाई सान्त्वना नै दिएको छु।

हठी भई पश्चात्ताप नगर्दा, म तपाईँका हार्दिक अर्तीहरू

बारम्बार सामना गर्छु।

मलाई सधैँ तपाईँलाई चोट पुऱ्याउँछु र निराश तुल्याउँछु,

र तपाईँको ताडनापछि मात्र म अलिक सचेतना प्राप्त गर्छु।

म तपाईँको छेउमै बस्छु, तैपनि तपाईँको बोझ वहन गर्न सक्दिनँ;

बुझाइ नभएको व्यक्तिले कसरी तपाईँको कष्टबारे केही बुझ्न सक्छ?

मेरा आफ्नै चाहनाका लागि, देहका लागि, मैले सत्यता, नैतिकता र इन्साफ बिर्सेँ।

शोकले ओतप्रोत हुँदा, मैले तपाईँको हृदय तोडेको छु।

तपाईँ शोकाकुल हुनुहुन्छ, तैपनि कसैले त्यो बुझ्दैन।

भ्रष्टतामाझ पीडामा रोइलो गर्दै, म लोभी भई तपाईँबाट मागहरू गर्छु।

तपाईँका केही चिन्ताहरू बाँड्ने विवेक र समझ कोसँग छ?

तपाईँको बहुमूल्य प्रेम र सच्चा भावनाका साथ, तपाईँको हृदय सबैभन्दा दयालु छ।

तपाईँ भन्दा सुन्दर को हुन सक्छ, तपाईँभन्दा सम्मानयोग्य को हुन सक्छ?

म सधैँ तपाईँको सङ्गतमा हुनेछु, र कहिल्यै तपाईँको साथ छोड्नेछैनँ।

तपाईँको मुहारमा उल्लास देखा परोस्, र तपाईँ सधैँ मेरो हृदयमा रहनुहोस्।

—थुमालाई पछ्याउनुहोस् र नयाँ गीतहरू गाउनुहोस्