विल्मा रुबिनो पहिले इटालीको एउटा इसाई सम्प्रदायकी सुसमाचारक थिइन्। वर्षौँसम्म, उनलाई आफूले आफ्नो प्रचारमार्फत प्रभुको सेवा गरेको भन्ने लाग्थ्यो, तर पछि उनले आफ्नो सम्प्रदायका केही धर्मसिद्धान्त बाइबलसँग मेल खाँदै खाँदैनन् भनी बिस्तारै महसुस गरिन्। त्यस कुराले उनलाई स्तब्ध बनायो र उनलाई पहिलेभन्दा धेरै अन्योलमा पार्‍यो। आफ्नो पुरानो सम्प्रदाय छोडेपछि, उनले साँच्चै पवित्र आत्माको काम र परमेश्‍वरको उपस्थिति भएको मण्डली—वास्तवमै मानिसहरूको जीवनको भरणपोषण गर्न सक्ने ठाउँ फेला पार्ने आशा गरिन्। आशाले भरिएर, उनले इटालीभरिका विभिन्न सम्प्रदायको भ्रमण गरिन्, तर हरेक पटक निराश मात्र भइन्। यति लामो समयसम्म त्यो सबै एक्लोपन, कमजोरी र अन्योलको सामना गरेपछि, उनले हार मान्ने विचार गरिन्। तर उनले कहिल्यै प्रभुलाई प्रार्थना गर्न छोडिनन्, र उहाँलाई अगाडिको मार्गमा मार्गदर्शन गर्न बिन्ती गरिन्। त्यसपछि, संयोगवश, एउटा चलचित्रले उनलाई गहिरोसँग प्रभावित गर्‍यो। यसले अन्ततः उनलाई यतिका वर्षदेखि आफूले खोजिरहेको परमेश्‍वरको उपस्थिति भएको मण्डलीमा डोर्‍यायो। तर उनलाई अन्ततः घर आइपुगेजस्तो लागेलगत्तै, उनी विभिन्न किसिमका नकारात्मक जानकारीहरूद्वारा बाधित भइन् र झन्डै तिनको बहकाउमा परिन्। त्यसको साथसाथै, उनलाई आफ्नो सम्प्रदायले त्याग्यो, जसले गर्दा उनले फेरि अर्को कठिन छनौट गर्नुपर्‍यो। यस अन्तर्वार्तामा स्वागत छ। हामीसँग जोडिनुहोस्, जहाँ विल्मा रुबिनोले ती सबै अन्योल, सङ्घर्ष र परीक्षा सामना गरेकोदेखि लिएर साँच्चै परमेश्‍वरको उपस्थिति भएको मण्डली फेला पारेको र परमेश्‍वरसामु फर्केको आफ्नो वास्तविक यात्राबारे बताउँछिन्।

04:55 क्याथोलिक धर्मदेखि यहोवाका साक्षीहरूसम्म

08:48 मैले यहोवाका साक्षीहरू किन छोडेँ

18:04 साँचो मण्डलीको खोजीमा चार वर्ष

25:13 परमेश्‍वरले मेरा प्रार्थनाहरूको जवाफ दिनुभयो

38:43 अनलाइनका आधारहीन अफवाहहरूले मलाई सङ्घर्ष गर्न बाध्य पारे

48:03 मैले साँचो मार्गलाई झूटा मार्गहरूबाट खुट्ट्याउन सिकेँ

01:07:25 साँचो मण्डली भनेको के हो?

01:13:47 रातारात, म मेरो सम्प्रदायद्वारा त्यागिएँ

01:24:39 सर्वशक्तिमान् परमेश्‍वरका वचनहरूले मलाई परिवर्तन गरे