एन्डी ग्विनले मोटोरोला र नोकिया जस्ता दिग्गज विश्वव्यापी टेलिकम कम्पनीहरूमा २० वर्षभन्दा बढी समय बिताए। फ्याक्ट्रीको भुइँतहबाट सुरु गर्दै, उनले आफ्नो करियरको चरमोत्कर्षमा नपुगुन्जेल विश्वव्यापी परियोजनाहरू व्यवस्थापन गर्दै र व्यापार प्रक्रियाहरूलाई अनुकूलन गर्दै परियोजना प्रबन्धक र आपूर्तिकर्ता प्रबन्धकको पदसम्मको यात्रा तय गरे। पर्याप्त कडा मिहिनेत गरे आफ्नो नियति बदल्न र आफ्नै सफलता निर्माण गर्न सकिन्छ भन्ने कुरामा उनी दृढ विश्वास गर्थे। तर उनको करियरले उचाइ लिन थालेकै बेला, अप्रत्याशित घटनाहरूको एउटा शृङ्खलाले उनको जीवनलाई पूर्ण रूपमा तहसनहस बनाइदियो। उनी बहुराष्ट्रिय निगमको प्रबन्धकबाट वालमार्टमा सामान मिलाएर राख्ने कामदार बने, अनि त्यसपछि फ्याक्ट्रीको एसेम्बली लाइनमा काम गर्न पुगे, र कुनै बेला उनले गर्व गर्ने आफ्ना सामर्थ्य, अनुभव, र उत्कृष्ट बायोडाटा रातारात मूल्यहीन भएजस्तो देखियो। आफ्नो सर्वस्व लगाउँदा पनि एकपछि अर्को गर्दै अवसरहरू गुम्दै गएको देखेपछि, उनले आफैलाई सोध्न थाले: म जति धेरै कडा मिहिनेत गर्छु, कुराहरू त्यति नै मैले सोचेजस्तो नहुनुको कारण के हो? के व्यक्तिको नियति साँच्चै उसकै हातमा हुन्छ र? राज्यको सुसमाचार च्याट रुमको यस अङ्कमा, एन्डी ग्विन आफ्नो जीवनका नाटकीय उतारचढावहरू र जीवनको सबैभन्दा तल्लो बिन्दुमा पुगेपछि उनले कसरी साँचो दिशा फेला पारे भन्ने कुरा बाँड्छन्।

00:10 एक विश्वव्यापी कर्पोरेट प्रबन्धकका लागि एउटा मोड

02:14 कडा मिहिनेतमार्फत नियति परिवर्तन

05:22 आफूलाई प्रमाणित गर्न आफ्नो सर्वस्व लगाउनु

08:43 फ्याक्ट्रीको भुइँतहबाट मेरो करियरको शिखरसम्म

16:53 कर्पोरेट क्षेत्रमा सफलताको सिँढी चढ्नु र मान्यता कमाउनु

24:14 वरिष्ठ प्रबन्धकदेखि सामान मिलाएर राख्ने कामदारसम्म

28:30 फेरि आफूलाई प्रमाणित गर्ने प्रयास, तर फेरि असफलताकै सामना

34:39 पूर्ण निराशापछिको एउटा मोड

39:49 नियति आफ्नै हातमा हुँदैन रहेछ भनी महसुस गर्नु

50:33 “खराब भाग्य” पछाडि लुकेका परमेश्‍वरका असल अभिप्रायहरू

01:08:14 सफलताको पछि दौडनुदेखि सत्यता पछ्याउनुसम्म

01:12:27 साँचो शान्ति र स्वतन्त्रता फेला पार्नु