१

सात गर्जनहरू अघि आउँछन् र स्वर्गलाई हल्लाउँछन्,

र एउटै साँचो परमेश्‍वर देखा पर्नुभएको छ।

यो पवित्र आत्मा स्वयम्को वाणी हो,

र उहाँको वचनले अख्तियार र शक्ति बोक्छ।

हामी निश्चित छौँ कि परमेश्‍वर देहमा देखा पर्नुभएको छ,

र फर्केका मुक्तिदाता आइपुग्नुभएको छ।

हामी परमेश्‍वरको आवाज सुन्छौँ, उहाँसामु उठाइएका छौँ, र भोजमा सहभागी हुन्छौँ।

हामी हरदिन परमेश्‍वरको वचन खान्छौँ र पिउँछौँ,

र हामीले सत्यता बुझ्दै गर्दा, हाम्रो हृदय उज्यालो हुन्छ।

हामी परमेश्‍वरप्रति आफूलाई समर्पित गर्न सबथोक छोड्छौँ,

र हामी अबउप्रान्त सांसारिक जगत् र परिवारहरूद्वारा बाँधिएका छैनौँ।

२

परमेश्‍वरका चुनिएका मानिसहरू राज्यको युगमा प्रवेश गर्छन्,

र परमेश्‍वरको न्याय स्विकार्दै गर्दा तिनीहरू पखालिन्छन्।

परमेश्‍वरद्वारा मुक्ति दिइएका अनि शैतानबाट स्वतन्त्र गरिएका,

हामी परमेश्‍वरसामु जिउन पाउँदा साँच्चै आशिषित छौँ।

हामी आफ्ना कर्तव्य बफादारीसाथ पूरा गर्छौँ र परमेश्‍वरलाई पछ्याउँछौँ;

हामी पवित्र आत्माको काम प्राप्त गर्न पाउँदा साँच्चै खुसी छौँ।

हाम्रो निष्कपट हृदय परमेश्‍वरलाई पूर्णतः अर्पित गरिन्छ;

हामी आफ्ना परीक्षामार्फत परमेश्‍वरको गवाही दिन्छौँ।

राज्यको भविष्य असीम रूपमा उज्यालो छ,

र परमेश्‍वरलाई प्रेम गर्नेहरू ज्योतिमा जिउँछन्।

परमेश्‍वरले विजेताहरूको एउटा समूह बनाउनुभएको छ,

र ख्रीष्टको राज्य पृथ्वीमा देखा परेको छ।

—थुमालाई पछ्याउनुहोस् र नयाँ गीतहरू गाउनुहोस्