१

परमेश्‍वर मानिसको पुत्र बन्नुभएको छ र संसारमा आउनुभएको छ;

उहाँ सर्वशक्तिमान् परमेश्‍वर, आखिरी दिनहरूको ख्रीष्ट हुनुहुन्छ।

उहाँले अत्यन्तै धेरै सत्यताहरू व्यक्त गर्नुभएको छ र मानवजातिलाई ज्योति ल्याउनुभएको छ।

हामी परमेश्‍वरको आवाज सुन्छौँ र उहाँसामु फर्किन्छौँ।

हरदिन हामी परमेश्‍वरको वचन खान्छौँ, पिउँछौँ र त्यसको आनन्द उठाउँछौँ।

सिंहासनको जीवित पानीले हामीलाई मलजल र आपूर्ति गर्छ।

हामी स्वर्गको राज्यको भोजमा सहभागी हुन्छौँ,

हाम्रा हृदय अतुलनीय मिठासमा रमाउँछन्।

हामी परमेश्‍वरको आमने-सामने आउन सक्छौँ भनेर हामीले सपनामा पनि साचेका थिएनौँ।

परमेश्‍वरको आवाज सुन्नु र उहाँकहाँ फर्कनु परमेश्‍वरको अनुग्रह र आशिष् हो।

परमेश्‍वरको वचन खाने र पिउने क्रममा, हामीले धेरै सत्यता बुझ्छौँ,

र यस संसारको अन्धकार अनि मानिसको गहन भ्रष्टता स्पष्ट रूपमा देख्छौँ।

परमेश्‍वरलाई पछ्याउन पाउँदा हामी निकै भाग्यमानी छौँ, र यो सबैभन्दा ठूलो आशिष् हो।

हामी परमेश्‍वरलाई सन्तुष्ट तुल्याउन र उहाँको प्रेम चुक्ता गर्न आफ्ना कर्तव्य राम्ररी पूरा गर्छौँ।

२

परमेश्‍वरका वचनहरूको न्याय र सजायमार्फत,

हामीले परमेश्‍वरको धर्मी स्वभावलाई जान्न थालेका छौँ।

हामीले साँचो पश्चात्ताप गरेका छौँ, अनि हाम्रो भ्रष्टता पखालिएको छ।

हामी आफ्ना कर्तव्यहरू बफादारीसाथ पूरा गर्छौँ र जोरदार गवाही दिन्छौँ।

परमेश्‍वरलाई प्रेम गर्न सक्षम भएकोमा हामी साँच्चै आशिषित छौँ।

हामीले सत्यता र जीवन प्राप्त गर्छौँ।

हामीले परमेश्‍वरप्रतिको साँचो समर्पण हासिल गर्छौँ, अनि उहाँको अनुमोदन र आशिषहरू पाउँछौँ।

हामी व्यावहारिक रूपमा आफ्ना कर्तव्य पुरा गर्छौँ,

र उहाँलाई सन्तुष्ट पार्न उहाँको आज्ञा पूरा गर्छौँ।

हामीले आखिरी दिनहरूमा परमेश्‍वरको मुक्ति प्राप्त गर्छौँ;

उहाँको प्रतिज्ञा प्राप्त गर्न हामी निकै भाग्यमानी छौँ।

हे सर्वशक्तिमान् परमेश्‍वर, हामी तपाईँलाई धन्यवाद दिन्छौँ र तपाईँको प्रशंसा गर्छौँ;

तपाईँको वचनले हामीलाई पखालेको र मुक्ति दिएको छ।

तपाईँका वचनमार्फत हामीले अत्यन्तै धेरै प्राप्त गरेका छौँ,

र हामी सारा अनन्तभरि तपाईँलाई प्रेम गर्नेछौँ र तपाईँको गवाही दिनेछौँ।

—थुमालाई पछ्याउनुहोस् र नयाँ गीतहरू गाउनुहोस्