आखिरी दिनहरूमा मुक्तिदाता सर्वशक्तिमान्‌ परमेश्‍वर देखा पर्नुभएको छ र उहाँले काम गरिरहनुभएको छ, अनि उहाँले करोडौँ वचनहरू व्यक्त गर्नुभएको छ। उहाँका वचनहरूको सङ्कलन, वचन देहमा देखा पर्नुहुन्छ अनलाइन उपलब्‍ध छ। यसले धार्मिक संसारलाई मात्रै होइन, सारा संसारलाई नै हल्‍लाएको छ। सत्यताको निम्ति तृष्णा गर्ने धेरै मानिसहरूले सर्वशक्तिमान्‌ परमेश्‍वरका वचनहरू सत्यता हुन् र ती परमेश्‍वरको आवाज हुन् भन्‍ने देखेका छन्, उहाँ फर्कनुभएका प्रभु येशू हुनुहुन्छ भन्‍ने पहिचान गरेका छन् र तिनीहरू परमेश्‍वरको सिंहासनको अघि आएका छन्। तर धार्मिक संसारका धेरै मानिसहरूले सर्वशक्तिमान्‌ परमेश्‍वरका वचनहरू सत्यता हुन्, ती शक्तिशाली र अख्तियारपूर्ण छन् भन्‍ने कुरालाई स्वीकार गरेका भए पनि, तिनीहरूले अझै पनि परमेश्‍वरका सबै काम र वचनहरू बाइबलमा नै छन्, र उहाँको कुनै वचन बाइबलभन्दा बाहिर पाउन सकिँदैन भनेर जिद्दी गरिरहेका छन्। तिनीहरूले सर्वशक्तिमान् परमेश्‍वरका काम र वचनहरू बाइबलभन्दा बाहिर जान्छन् भन्‍ने विचार गर्ने हुँदा, तिनीहरूले यसलाई इन्कार गर्छन् र दोष दिन्छन्, अनि यसको परिणाम स्वरूप तिनीहरूले विपत्तिहरूभन्दा पहिले प्रभुलाई स्वागत गर्ने मौका गुमाउँछन् र विपत्तिहरूमा पर्छन्। त्यसकारण, “परमेश्‍वरका सबै काम र वचनहरू बाइबलमा नै छन्, र उहाँको कुनै वचन बाइबलभन्दा बाहिर पाउन सकिँदैन” भन्‍ने विचारमा के गल्ती छ? साँचो विश्‍वासको खोजीको यो भागले तपाईंलाई सत्यताको खोजी गर्न, बाइबलको भित्री कथा जान्‍न र उत्तर पत्ता लगाउन अगुवाइ गर्नेछ।