मुख्य पात्र बाइबलमा पोख्त एक भक्त इसाई हुन्छन्, र उनले सधैँ परमेश्‍वरका सबै वचनहरू बाइबलमा नै छन्, र बाइबलभन्दा बाहिर परमेश्‍वरको कुनै वचन हुँदैन भनेर पाष्टरले भनेको सुनेका हुन्छन्। जब उनले प्रभु फर्किसक्‍नुभएको छ र उहाँले नयाँ वचनहरू बोल्‍नुभएको छ भन्‍ने सुन्छन्, उनी आफ्‍नै धारणाहरूमा लागिरहन्छन् र यसलाई खोजी वा अनुसन्धान गर्दैनन्। तर केही समयपछि नै, उनका इष्टमित्र र परिवारका सदस्यहरूले सर्वशक्तिमान् परमेश्‍वरको आखिरी दिनहरूको कामको अनुसन्धान गरेर, अनि सर्वशक्तिमान् परमेश्‍वरका वचनहरू पढेर धेरै सत्यताहरू बुझेका छन् भन्‍ने उनले थाहा पाउँछन्। यो कुराप्रति ईर्ष्या जागेर, उनले यसको बारेमा आफै अनुसन्धान गर्ने निर्णय गर्छन्। सर्वशक्तिमान् परमेश्‍वरका वचनहरू धेरै पटक पढेपछि, ती वचनहरू वास्तवमा प्रकाशको पुस्तकमा अगमवाणी गरिएको चर्मपत्रको मुट्ठो हो, ती पवित्र आत्‍माले मण्डलीहरूलाई दिनुभएका वचनहरू हुन् भन्‍ने कुरामा उनी निश्‍चित हुन्छन्। उनले बाइबलमा परमेश्‍वरका थोरै वचनहरू मात्रै छन् र मानिसहरूले परमेश्‍वरका काम र वचनहरूलाई बाइबलमा भएको कुरामा सीमित गर्नु हुँदैन भन्‍ने पनि थाहा पाउँछन्। त्यसपछि सर्वशक्तिमान्‌ परमेश्‍वर नै फर्कनुभएका प्रभु येशू हुनुहुन्छ भन्‍ने कुरामा उनलाई कुनै शङ्का हुँदैन र त्यसपछि उनले सर्वशक्तिमान्‌ परमेश्‍वरका आखिरी दिनहरूको कामलाई स्वीकार गर्छन्।