१

बाइबलमा वर्णन गरिएको दृश्य “आदमलाई परमेश्‍वरको आज्ञा”

हृदयस्पर्शी र हृदयलाई आनन्दित तुल्याउने तस्बीर हो।

यसभित्र परमेश्‍वर र मानिस मात्र भएता पनि,

उहाँहरू बीचको घनिष्ठताले तिमीहरूमा आह्रिस भर्दछ।

२

परमेश्‍वरको भरिपूर्ण प्रेम मानिसलाई सित्तैँमा दिइएको छ र यसले मानिसलाई घेर्छ;

मानिस निर्दोष र शुद्ध छ, भारमुक्त र निर्धक्क छ,

परमेश्‍वरको नजरमुनि आनन्दपूर्वक जिइरहेको छ;

परमेश्‍वरले मानिस परमेश्‍वरको सुरक्षा र आशिष्‌मा बस्दा मानिसप्रति चासो देखाउनुहुन्छ;

मानिसले गर्ने र भन्‍ने हरेक कुरा

परमेश्‍वरसँग छुटाउनै नमिल्‍ने गरी जोडिएका छन् र तिनलाई परमेश्‍वरबाट अलग गर्न सकिन्‍न।

३

परमेश्‍वरले मानिसलाई सृष्टि गर्नुभएको क्षणदेखि नै ऊप्रति आफ्नो जिम्मेवारी महसुस गर्नुभएको छ।

उहाँको जिम्मेवारी के हो?

उहाँले मानिसको सुरक्षा गर्नुपर्छ, मानिसको हेरचाह गर्नुपर्छ।

मानिसले उहाँका वचनहरूमा भरोसा गर्न र तिनको आज्ञा पालन गर्न सक्छ

भन्‍ने कुराको आशा उहाँ गर्नुहुन्छ।

यो परमेश्‍वरले मानिसबाट आशा गर्नुभएको पहिलो कुरा पनि हो।

४

यही आशामा परमेश्‍वर निम्न कुरा भन्‍नुहुन्छ:

“तैँले बगैँचाको हरेक रूखबाट स्वतन्त्र रूपमा खान सक्छस्:

तर असल र खराबको ज्ञानको रूखबाट तैँले खानु हुँदैन:

किनभने तैँले त्यसबाट खाएको दिन तँ निश्‍चय नै मर्नेछस्।”

यी सरल वचनहरूले परमेश्‍वरको अभिप्रायको प्रतिनिधित्व गर्छन्।

परमेश्‍वरले उहाँको हृदयमा मानिसप्रति चासो देखाउन

थाल्‍नुभएको कुरालाई पनि यिनीहरूले प्रकट गर्छन्।

५

यी केही सरल वचनहरूमा, हामीले परमेश्‍वरको हृदय देख्छौँ।

के परमेश्‍वरको हृदयमा प्रेम छ? के त्यहाँ चासो छ?

परमेश्‍वरको प्रेम र चासोलाई अनुभूति गर्न मात्र होइन,

घनिष्ठ रूपमा महसुस पनि गर्न सकिन्छ।

विवेक र मानवता भएको व्यक्तिका रूपमा,

तैँले न्यानोपन महसुस गर्ने थिइस्, तैँले वास्ता गरिएको र प्रेम गरिएको महसुस गर्ने थिइस्

र तैँले सुख महसुस गर्ने थिइस्।

६

जब तैँले यी कुराहरू महसुस गर्छस्, तैँले परमेश्‍वरप्रति कस्तो व्यवहार गर्ने छस्?

के तैँले परमेश्‍वरप्रति अनुराग महसुस गर्ने थिइस्?

के तैँले हृदयको गहिराइबाट परमेश्‍वरलाई प्रेम र सम्मान गर्ने छस्?

के तेरो हृदय परमेश्‍वरको नजिक जाने छ?

यसबाट तैँले मानिसको निम्ति परमेश्‍वरको प्रेम कति महत्त्वपूर्ण छ भ‍न्‍ने देख्‍न सक्छस्।

तर मानिसले परमेश्‍वरको प्रेमलाई अनुभूति गर्नु र बुझ्‍नु अझ महत्त्वपूर्ण छ।

—वचन, खण्ड २। परमेश्‍वरलाई चिन्‍ने विषयमा। परमेश्‍वरको काम, परमेश्‍वरको स्वभाव र परमेश्‍वर स्वयम् १