१

परमेश्‍वरलाई प्रेम गर्नेहरू कति आनन्दित हुन्छन्;

तिनीहरूले पवित्र आत्माको काम र मार्गदर्शनको आनन्द लिन्छन्।

परमेश्‍वरका वचन पढेर, तिनीहरूले अन्तर्दृष्टि र ज्योति प्राप्त गर्छन्;

तिनीहरूको हृदयमा ज्योति हुन्छ, र तिनीहरूसँग पछ्याउने मार्ग हुन्छ।

तिनीहरूले देह विरुद्ध विरोध गर्छन् र अधर्मी संसारलाई पछाडि छोड्छन्;

परमेश्‍वरसामु जिउनु कति खुसीको कुरा हो।

परमेश्‍वरको हृदयको ख्याल राख्दै, आफ्नो कर्तव्य राम्ररी निभाउँदै,

तिनीहरूको आत्मा सन्तुष्ट र शान्त हुन्छ।

परमेश्‍वरलाई प्रेम गर्नेहरू कति आनन्दित हुन्छन्;

तिनीहरूलाई प्रायः न्याय र सजाय गरिन्छ।

न्याय स्विकार्दै, तिनीहरू धोइन्छन्,

र तिनीहरूको स्वभावमा आउने परिवर्तनले परमेश्‍वरलाई महिमित तुल्याउँछ।

परमेश्‍वरलाई प्रेम गर्नेहरू कति आनन्दित हुन्छन्;

तिनीहरूले उहाँको इच्छा पछ्याउनुलाई आफ्नो स्वर्गीय पेशा मान्छन्।

सत्यता अभ्यास गर्दै र परमेश्‍वरमा समर्पित हुँदै,

तिनीहरू परमेश्‍वरको डर मान्छन् र ज्योतिमाझ जिउँछन्।

परमेश्‍वरलाई प्रेम गर्नेहरू कति आनन्दित हुन्छन्।

२

परमेश्‍वरलाई प्रेम गर्नेहरू कति आनन्दित हुन्छन्;

तिनीहरूले उहाँको जाँच र सिद्धता पाउँछन्।

पीडा र अप्ठ्यारोमा उहाँ तिनीहरूको साथमा हुनुहुँदा,

तिनीहरूले उहाँको प्रेम कति वास्तविक छ भनी चाख्छन्।

शैतानको प्रभावबाट उम्केर, तिनीहरू परमेश्‍वरसँग एउटै हृदय र मनका बन्छन्।

शोधनद्वारा, तिनीहरूको प्रेम अझ बढी शुद्ध बन्छ,

र तिनीहरूले सदा-सर्वदा परमेश्‍वरलाई उच्च पार्छन् र उहाँको गवाही दिन्छन्।

परमेश्‍वरलाई प्रेम गर्नेहरू कति आनन्दित हुन्छन्;

तिनीहरू सुख-दुःखमा उहाँका बन्दोबस्तमा आफूलाई समर्पण गर्छन्।

तिनीहरू मृत्युसम्मै निष्ठापूर्वक परमेश्‍वरलाई पछ्याउँछन्

र आफ्नो पूरै जीवन उहाँमा समर्पित गर्छन्।

परमेश्‍वरलाई प्रेम गर्नेहरू कति आनन्दित हुन्छन्;

तिनीहरू हृदय र इमानदारीताका साथ उहाँको आराधना गर्छन्।

तिनीहरू उहाँका प्रियजन बन्छन्,

तिनीहरूले उहाँका प्रतिज्ञा र आशिष् प्राप्त गर्छन्।

परमेश्‍वरलाई प्रेम गर्नेहरू कति आनन्दित हुन्छन्।

—थुमालाई पछ्याउनुहोस् र नयाँ गीतहरू गाउनुहोस्