मानिसहरूले हामीमाथि ठूला-ठूला विपत्तिहरू आइरहेका छन् भन्‍ने महसुस गरेका छन् र प्रभु बादलको सवारीमा आउनुहुनेछ भनेर अपेक्षा गरिरहेकाहरूले उत्सुकताको साथ प्रतीक्षा गरिरहेका छन्। वर्षौंको प्रतीक्षापछि पनि, तिनीहरूले उहाँ आउनुभएको देख्‍नै बाँकी छ। बरु, तिनीहरूले पूर्वीय ज्योतिले सर्वशक्तिमान्‌ परमेश्‍वरको आखिरी दिनहरूको न्यायको कार्यको गवाही दिइरहेको छ भन्‍ने देख्छन्। यो तिनीहरूको लागि ठूलो खिन्‍नता हो। धेरै मानिसहरू साँचो मार्गको खोजी र अनुसन्धान गर्न अनिच्‍छुक हुँदै आफ्‍ना धारणाहरू र कल्‍पनाहरूमा टाँस्‍सिरहन्छन्, त्यही कारणले गर्दा तिनीहरूले प्रभुलाई अझै स्वागत गरेका छैनन्, र विपत्तिहरूमा परेका छन्। तर सत्यतालाई प्रेम गर्नेहरू धेरै छन् र जब तिनीहरूले सर्वशक्तिमान्‌ परमेश्‍वरका वचनहरू पढे, तिनीहरूले ती वचनहरूको शक्ति र अख्‍तियार देखे, ती सबै सत्यता हुन् भन्‍ने देखे। तिनीहरूले परमेश्‍वरको आवाज चिने र उप्रान्त आफ्‍नो धारणाहरूमा अड्किरहेनन्, बरु साँचो मार्गको खोजी र अनुसन्धान गरिरहे। तिनीहरूका प्रथम प्रश्‍नहरू के थिए भने, तिनीहरूका पापहरू क्षमा गरिएका र परमेश्‍वरले तिनीहरूलाई धर्मी ठान्‍नुभएको अवस्थामा पनि, परमेश्‍वरले किन अझै न्यायको काम गर्नु आवश्यक छ, र आखिरी दिनहरूमा परमेश्‍वरले कसरी मानवजातिलाई शुद्ध पार्नुहुन्छ र मुक्ति दिनुहुन्छ? यी दुई प्रश्‍नहरू साँचो मार्गको खोजी गरिरहेका प्रत्येकको लागि अत्यन्तै महत्त्वपूर्ण र र अन्योलमा पार्ने किसिमका प्रश्‍नहरू हुन्। साँचो विश्‍वासको खोजीको यो भागले तपाईंलाई सत्यता खोजी गर्न र उत्तर पत्ता लगाउन मार्गनिर्देशित गर्नेछ।