१

हामीले परमेश्‍वरको आवाज सुनेका छौँ अनि भोजमा उपस्थित हुन उहाँको सामु उठाइएका छौँ।

हामी परमेश्‍वरका वचनहरू खान्छौँ अनि पिउँछौँ अनि उहाँलाई प्रार्थना गर्छौँ,

उहाँ सामु जिउनु निकै हर्षको कुरा हो।

धर्मभित्रका प्रभुमा विश्‍वास गर्दा,

हाम्रो हृदय अँध्यारो थियो र हामीसँग मार्ग थिएन।

अहिले हामी परमेश्‍वरका वचन खान्छौँ अनि पिउँछौँ, सत्यताबारे सङ्गति गर्छौँ।

पवित्र आत्माको कामको आनन्द लिनु कति खुसीको कुरा हो।

दाजुभाइ र दिदीबहिनीहरू, उठेर नाच!

परमेश्‍वरको प्रशंसामा नयाँ नृत्यहरू अर्पण गर!

हामी धार्मिक संस्कारका बन्धनबाट उम्केका छौँ,

हामीले सत्यता बुझेका छौँ र हाम्रा आत्मा स्वतन्त्र भएका छन्।

परमेश्‍वरका सबै वचन सत्यता हुन्, तिनले हामीलाई जीवनको मार्ग औँल्याउँछन्।

हामी आफ्नो भविष्य र नियतिबारे विचार गर्नेछैनौँ,

हामी परमेश्‍वरको सार्वभौमिकता र प्रबन्धहरूमा समर्पित हुन इच्छुक छौँ।

२

हामीले परमेश्‍वरका वचनहरूका न्याय अनुभव गरेका छौँ,

हाम्रो भ्रष्टतालाई पखालिएको छ र रूपान्तरित गरिएको छ।

हामी निर्दोष बालबालिकाहरू झैँ जिउँछौँ,

अनि हामी हृदय र इमानदारीसाथ परमेश्‍वरको आराधना गर्छौँ।

हामीलाई परमेश्‍वरका वचनहरूले मार्गदर्शन गर्दा,

हामी सबै दमन र प्रकोपलाई आफ्नो खुट्टामुनि पिस्छौँ।

शैतानका बाधा बावजुद,

हामी ख्रीष्टलाई पछ्याउनेछौँ र अन्तसम्मै वफादार रहनेछौँ।

दाजुभाइ र दिदीबहिनीहरू, उठेर नाच!

परमेश्‍वरको प्रशंसामा नयाँ नृत्यहरू अर्पण गर!

परमेश्‍वरका वचन अभ्यास गर्दा हाम्रो हृदय प्रसन्न हुन्छ,

मार्ग झन्-झन् उज्यालो हुन्छ।

परमेश्‍वरको धार्मिकता र पवित्रता देख्दा,

हाम्रो हृदयले सधैँ उहाँको प्रशंसा गर्नेछ।

इमानदारीसाथ परमेश्‍वरको प्रशंसा गर्नु हर्षको कुरा हो, उहाँ हामीसँग हुनु साँचो खुसी हो।

परमेश्‍वरको गवाही दिनु साँचो महिमा हो;

हाम्रा आत्मा मुक्त भएका छन् र हामी निकै स्वतन्त्र महसुस गर्छौँ।

शैतानलाई परास्त गरेको र सबै महिमा प्राप्त गरेकोमा परमेश्‍वरको प्रशंसा गर।

—थुमालाई पछ्याउनुहोस् र नयाँ गीतहरू गाउनुहोस्