१

हाम्रो पुस्ता साँच्चै आशिषित छ,

किनकि हामीले आखिरी दिनहरूको ख्रीष्टलाई स्वागत गरेका छौँ।

हर-दिन परमेश्‍वरका वचनहरू खाँदा र पिउँदा,

हामी सत्यता बुझ्न पुगेका छौँ र हामीले सुझबुझ प्राप्त गरेका छौँ।

हामी संसारका दुष्ट प्रचलनहरूबाट अलग बस्छौँ,

र अब उप्रान्त भ्रामक सपनाहरू पछि दौडँदैनौँ।

हामी अब उप्रान्त शैतानका दर्शनहरूले विषाक्त पारिएका छैनौँ,

र हाम्रो रित्तोपन अनि पीडाका भावनाहरू बिस्तारै बिलाएका छन्।

परमेश्‍वरका वचनहरूको हरेक पङ्क्ति सत्यता हो,

र हामी जति बढी ती पढ्छौँ, हाम्रो हृदय त्यति उज्यालो बन्छ।

परमेश्‍वरका घरमा हामी आफ्ना कर्तव्य पूरा गर्छौँ र जीवनमा साँचो दिशा भेट्टाउँछौँ।

हामीलाई आपूर्ति र मार्गदर्शन गर्न परमेश्‍वरका वचन हुँदा,

हामी परमेश्‍वरसामु जिउन अत्यन्तै खुसी छौँ!

हामी सबैभन्दा सुन्दर गीतहरू सर्वशक्तिमान् परमेश्‍वरलाई अर्पण गर्छौँ,

अनन्तकाल उहाँको प्रशंसा गर्छौँ।

२

ख्रीष्ट व्यक्तिगत रूपमा हाम्रो गोठालो हुनुहुँदा, हाम्रो जीवन बिस्तारै बढ्दै जान्छ।

परमेश्‍वरका वचनहरूको न्याय र सजायले हाम्रा भ्रष्ट स्वभावहरू पखाल्छ।

हामीले शोधनहरूमार्फत कष्ट भोगे पनि,

हाम्रो स्वभाव परिवर्तन भएको छ र हाम्रो हृदय मिठासले भरिएको छ।

हामी छलिपन, झुटोपन, र ढोँग फाल्छौँ,

र हामी उप्रान्त स्वार्थी, अहङ्कारी, वा स्वेच्छाचारी छैनौँ।

हामी आफ्नो हृदयमा परमेश्‍वरलाई प्रेम गर्न र उहाँमा समर्पित हुन सक्षम छौँ,

र अन्ततः हामी अलिकति मानव रूपमा जिउँछौँ।

हामी पखालिएका र परिवर्तित भएका छौँ,

र यो सबै परमेश्‍वरको अनुग्रह हो।

हामीलाई शैतानको प्रभावबाट मुक्ति दिनुहुने सर्वशक्तिमान् परमेश्‍वर नै हुनुहुन्छ।

हामी सबैभन्दा सुन्दर गीतहरू सर्वशक्तिमान् परमेश्‍वरलाई अर्पण गर्छौँ,

अनन्तकाल उहाँको प्रशंसा गर्छौँ।

३

हाम्रो हर कदममा परमेश्‍वरको वचनले हामीलाई मार्गदर्शन गर्छ,

हामीलाई हुर्किन सक्षम बनाउँछ।

हामी परमेश्‍वरका वचनहरू अभ्यास गर्छौँ, परमेश्‍वरमा समर्पित हुन्छौँ,

र परमेश्‍वरका प्रिय इमानदार मानिसहरू बन्छौँ।

मैले परमेश्‍वरको प्रेम धेरै नै चाखेको छु,

र मेरो हृदयमा, मैले उहाँप्रति अझै ठूलो प्रेम र लगाव महसुस गरेको छु।

म सत्यता पछ्याउन र प्राप्त गर्न,

आफ्नो कर्तव्य पूरा गर्न, र परमेश्‍वरको प्रेम तिर्न सङ्कल्परत छु।

आखिरी दिनहरूको ख्रीष्टलाई पछ्याउनु हाम्रो ठूलो सौभाग्य हो,

र जीवनको अगाडिको मार्ग झन्-झन् उज्यालो हुँदै जान्छ।

हामी एउटै हृदय र मनको भएर समन्वयमा सेवा गर्छौँ,

र आफ्नो सम्पूर्ण सत्व राज्यको सुसमाचारलाई अर्पण गर्छौँ।

अगाडिको बाटो कठिन र उबडखाबड भए पनि,

परमेश्‍वरका वचनहरू पढ्दा हामी आस्था पाउँछौँ।

खतराहरू वा सङ्कष्टहरू चाहे जति ठुला भए पनि,

हामीले परमेश्‍वरका आज्ञा पूरा गर्नेछौँ र अन्त्यसम्मै बफादार रहनेछौँ।

—थुमालाई पछ्याउनुहोस् र नयाँ गीतहरू गाउनुहोस्