परमेश्‍वरका दैनिक वचनहरू: मानवजातिको भ्रष्टता उजागर गर्नु | अंश ३२९

17 अप्रील 2021

पहिला, परमेश्‍वर स्वर्गमा हुनुहुँदा, मानिसले परमेश्‍वरप्रति छलपूर्ण कार्य गरे। आज, परमेश्‍वर मानिसहरूमा माझमा आउनुभएको छ—कति वर्ष भइसकेको छ भन्‍ने कुरा कसैलाई पनि थाहा छैन—तैपनि मानिसले कामकुराहरू गर्दै चालहरू भएर गुज्रन्छ र उहाँलाई मूर्ख बनाउने प्रयत्‍न गर्दैछ। के मानिस आफ्नो सोच-विचारमा धेरै पिछडिएको छैन र? यहूदासँग पनि यस्तो भएको थियो: येशू आउनुभन्दा अगाडि यहूदाले आफ्ना दाजुभाइ र दिदीबहिनीहरूलाई छल गर्न झूटो बोलेको थियो, येशू आउनुभएपछि पनि ऊ अझै परिवर्तन भएको थिएन; उसले येशूलाई अलिकति पनि चिनेको थिएन, र अन्त्यमा उसले येशूलाई धोखा दियो। के उसले परमेश्‍वरलाई नचिनेको कारण यस्तो भएको थियो? यदि आज तिमीहरूले पनि परमेश्‍वरलाई अझै चिनेका छैनौ भने तिमीहरू पनि अर्को यहूदा बन्‍न सक्‍ने सम्भावना रहन्छ, यदि यसो हो भने अनुग्रहको युगमा पनि दुई हजार वर्ष अघि भएको येशूको दुःखद क्रूसीकरणमा फेरि मञ्‍चन हुनेछ। के तिमीहरू यो कुरा विश्‍वास गर्दैनौ? यो यथार्थ कुरा हो! वर्तमान समयमा, बहुसङ्ख्यक मानिसहरू यस्तै अवस्थामा छन्—मैले यो कुरा अलि चाँडै भनिरहेको हुन सक्छ—र यस्ता मानिसहरूले यहूदाको भूमिका निभाइरहेका छन्। मैले निरर्थक कुरा गरिरहेको छैन, तर तथ्यमा आधारित कुरा गर्दैछु—र तिमीहरू विश्‍वस्त नभइरहन सक्दैनौ। यद्यपि धेरै मानिसहरूले नम्रताको भान पार्छन्, तर तिनीहरूका हृदयमा गन्हाउने हाडखोर र दुर्गन्धित थोकहरूबाहेक अरू केही पनि छैन। अहिले पनि मण्डलीमा यस्ता किसिमका धेरै मानिसहरू छन्, र म यस विषयमा पूर्ण रूपमा अनभिज्ञ छु भन्ने तिमीहरूलाई लाग्छ। आज, मेरो आत्माले मेरो निम्ति निर्णय गर्छ, र मेरो निम्ति गवाही दिन्छ। के मलाई केही पनि थाहा छैन भन्ने तिमीहरूलाई लाग्छ? तिमीहरूको हृदयमा भएका कपटपूर्ण विचारहरू, तिमीहरूले आफ्नो हृदयभित्र राखेका कुराहरू मैले बुझेको छैन भन्ने तिमीहरूलाई लाग्छ? के परमेश्‍वरको उन्‍नति प्राप्‍त गर्न त्यति सजिलो छ र? के तँलाई जस्तो मन लाग्यो उहाँलाई त्यस्तै व्यवहार गर्न सकिन्छ भन्ने तँलाई लाग्छ? विगतमा, तँ कृत्रिम खालको व्यक्ति बन्छौ भनी मैले चिन्ता गरेको थिएँ, त्यसैले मैले तिमीहरूलाई स्‍वतन्‍त्रता दिइरहेँ, तर म तिनीहरूप्रति असल बनेको थिएँ भनी मानवजातिले बताउन सकेन, मैले तिनीहरूलाई औँला दिँदा तिनीहरूले हातै निले। तिमीहरूकै बीचमा सोध: मैले कसैसँग पनि कहिल्यै निराकरण गरिनँ, र मैले कहिल्यै पनि कसैलाई हल्का रूपमा हप्काइनँ—तैपनि म मानिसको उत्प्रेरणा र धारणाहरूका बारेमा स्पष्‍ट छु। परमेश्‍वर स्वयम्‌ले जसको साक्षी दिनुहुन्छ, के तिमीहरू उहाँ मूर्ख हुनुहुन्छ भन्‍ने लाग्छ? यदि त्यसो हो भने, तिमीहरू अत्यन्त अन्धा छौ भनी म भन्छु! म तिमीहरूको खुलासा गर्नेछैन, तर तिमीहरू कति धेरै भ्रष्‍ट बन्‍न सक्छौ भनी हामी हेरौं। तिमीहरूको चतुर सानो युक्तिले तिमीहरूलाई मुक्ति दिन सक्छ कि सक्दैन, वा परमेश्‍वरलाई प्रेम गर्ने तिमीहरूको उत्कृष्ट प्रयत्‍नले मुक्ति दिन सक्छ कि सक्दैन भनी हामी हेरौं। आज, म तिमीहरूलाई दोष लगाउनेछैन; उहाँले तिमीहरूसँग बदला लिनु नभएसम्म हामी परमेश्‍वरको समयलाई पर्खौं। मसँग अहिले तिमीहरूसँग कुराकानी गर्ने समय छैन, र म तिमीहरूको कारण मेरो महान् कार्य ढीला गर्न अनिच्छुक छु। एउटा कीरा जस्तो तिमीहरूसँग निराकरण गर्न परमेश्‍वरको समय पाउन तिमीहरू योग्य छैनौ—त्यसैले कसरी तिमीहरूले स्वच्छन्द हुन सक्छौ भनी हेरौं। यस्ता मानिसहरूले परमेश्‍वरको ज्ञान अलिकति पनि खोज्दैनन्, न त तिनीहरूसँग उहाँको निम्ति अलिकति प्रेम नै हुन्छ, र अझै पनि परमेश्‍वरले तिनीहरूलाई धर्मी भन्‍नुभएको होस् भन्‍ने चाहना गर्छन्—के यो एउटा मजाक होइन र? मानिसहरूको एउटा साना सङ्ख्या साँच्चै ईमानदार भएको हुनाले, म मानिसलाई निरन्तर जीवन दिन मात्र केन्द्रित हुनेछु। आज मैले सम्पन्‍न गर्नुपर्छ सो मात्र म पूरा गर्नेछु, तर तिमीहरूले गरेको कामअनुसार म भविष्यमा प्रत्येक व्यक्तिसँग बदला लिनेछु। मैले भन्‍नुपर्ने सबै कुरा भनेको छु, किनकि निश्‍चित रूपमा मैले गर्ने काम यही नै हो। मैले गर्नुपर्ने काम मात्र म गर्छु, र मैले गर्नु नपर्ने काम म गर्दिनँ। जे भए तापनि, तिमीहरूले चिन्तनमा समय बिताउनेछौ भनी म आशा गर्छु: खास परमेश्‍वरको बारेमा तिमीहरूको ज्ञान कति सत्य छ? के तिमीहरू परमेश्‍वरलाई फेरि कीला ठोकेर क्रूसमा झुण्ड्याउनेहरू मध्येका कोही हौ? यी मेरा अन्तिम वचनहरू हुन्: परमेश्‍वरलाई क्रूसमा झुण्ड्याउने व्यक्तिहरूलाई धिक्‍कार होस्।

— “वचन शरीरमा देखा पर्नुहुन्छ” बाट

थप हेर्नुहोस्

तपाईं र तपाईंको परिवार बाँच्ने बारेमा एउटा ठूलो कुरा: के तपाईं ठूला विपत्तिहरूमा कसरी सुरक्षा प्राप्त गर्ने र बच्ने भनेर सोच्नुहुन्छ? तलको बटनमा क्लिक गर्नुहोस् र तपाईंले बाटो पाउनुहुनेछ।

सेयर गर्नुहोस्

रद्द गर्नुहोस्

हामीलाई Messenger मा सम्पर्क गर्नुहोस्