प्रभु येशूले भन्‍नुभयो, “मैले तिमीहरूलाई भन्‍नुपर्ने कुराहरू धेरै छन्, तर अहिले तिमीहरूले ती सहन सक्‍दैनौ। तर, जब उहाँ, अर्थात् सत्यताका आत्मा आउनुहुन्छ, उहाँले तिमीहरूलाई सारा सत्यतामा अगुवाइ गर्नुहुनेछ” (यूहन्‍ना १६:१२-१३)। अनि १ पत्रुस ४:१७ मा यसो भनेर लेखिएको छ: “किनभने परमेश्‍वरको घरानाबाट न्याय सुरू हुने समय आएको छ।” धर्मशास्‍त्रका यी खण्डहरू सबै आखिरी दिनहरूमा प्रभु सत्यता व्यक्त गर्न र उहाँमा विश्‍वास गर्नेहरूको बीचमा न्यायको काम गर्न आउनुहुनेछ भन्‍ने अगमवाणी हुन्। तैपनि, हाम्रा धेरै जना विश्‍वासी दाजुभाइ-दिदीबहिनीहरूले के विश्‍वास गर्छन् भने, तिनीहरूले प्रभुमा विश्‍वास गर्ने हुनाले तिनीहरूको पाप क्षमा भएका छन्, तिनीहरूले परमेश्‍वरको न्यायलाई स्वीकार गर्नु पर्दैन, र प्रभु आउनुहुँदा तिनीहरूलाई सीधै स्वर्गको राज्यमा लगिनेछ। के यो धारणा परमेश्‍वरका वचनहरू अनुरूप छ? के प्रभुमा विश्‍वास गरेर अनि आफ्‍नो पापको निम्ति क्षमा पाएर, त्यसले व्यक्तिलाई स्वर्गको राज्यमा प्रवेश गर्न योग्य तुल्याउँछ? परमेश्‍वरको आखिरी दिनहरूको न्यायको काममा वास्तवमा के समावेश हुन्छ? मानिस स्वर्गको राज्यमा उठाइ लगिने कार्यसँग यसको के सम्‍बन्ध हुन्छ? आखिरी दिनहरूको न्याय भन्‍ने छलफलले तपाईंलाई यसका उत्तरहरू प्रकट गर्नेछ।