१

परमेश्‍वरको आवाज सुनेर, म उहाँलाई स्वागत गर्छु र मेरो हृदयले साँच्चै आनन्दित महसुस गर्छ।

यो परमेश्‍वरको इमानदार प्रेम र उहाँका वचनहरू नै हुन्

जसले मेरो हृदयलाई पूर्ण रूपमा विजय गरेका छन्।

परमेश्‍वरका वचनहरू निकै बहुमूल्य छन् र ती मध्ये हरेक वचन सत्यता हो,

जसले मेरो हृदयलाई बलियो गरी समातेको छ।

परमेश्‍वरको प्रेमिलो स्वभाव देखेर, म प्रायः उहाँको प्रेमबारे सोच्छु।

२

परमेश्‍वरका वचनहरूको आनन्द लिँदै, म उहाँ सत्य हुनुहुन्छ भन्ने देख्छु;

उहाँको सुन्दर मुहारले प्रेम जगाउँछ।

परमेश्‍वरका वचनहरूले हामीलाई खुलासा, न्याय र काटछाँट गर्छन्;

उहाँका दयालु वचनहरूले हाम्रो हृदयलाई झक्झकाउँछन्।

मैले परमेश्‍वरको प्रेम चाखेको छु, र मेरो जीवन स्वभाव परिवर्तन भएको छ।

परमेश्‍वरको प्रेमले मेरो हृदय ओगट्छ; म उहाँ बिना रहनै सक्दिनँ।

३

सङ्कष्ट र परीक्षाहरूद्वारा म परमेश्‍वर प्रेमिलो हुनुहुन्छ

र उहाँको स्वभाव पवित्र र धर्मी छ भन्ने देख्छु।

परमेश्‍वरका वचनहरूद्वारा न्याय र परीक्षा गरिएपछि, म सत्यता र जीवन प्राप्त गर्छु।

मेरो भ्रष्ट स्वभाव पखालिन्छ,

र म परमेश्‍वरको दयालुपन र प्रेमिलो स्वभाव अझ बढी महसुस गर्छु।

म परमेश्‍वरलाई मेरो सारा हृदय र मनले प्रेम गर्नेछु,

र आफूलाई कुनै गुनासो बिना उहाँको योजनाबद्ध कार्यहरूको कृपामा राख्नेछु।

४

परमेश्‍वरको न्याय र सजायले मानवजातिलाई मुक्ति दिएका छन्;

परमेश्‍वरको प्रेम निकै महान्, निकै वास्तविक छ।

परीक्षा र शोधन धेरै भए पनि,

मसँग परमेश्‍वरका वचनहरूको मार्गदर्शन छ।

ठूला-ठूला सङ्कष्टहरूले पनि मलाई तर्साउँदैनन्।

मलाई परमेश्‍वरमा पूरा आस्था छ, र म मृत्युसम्मै उहाँलाई वफादारीपूर्वक पछ्याउनेछु।

परीक्षाहरू चाहे जति धेरै भए पनि, म ती सबै सहनेछु;

परमेश्‍वरका लागि मेरो हृदयमा भएको प्रेम कहिल्यै पनि परिवर्तन हुनेछैन।

—थुमालाई पछ्याउनुहोस् र नयाँ गीतहरू गाउनुहोस्