फु जिनहुवा चीनको एउटा घर-मण्डलीकी एल्‍डर हुन्। उनले वर्षौँदेखि प्रभुमा विश्‍वास गर्दै आएकी हुन्छिन् र बाइबल परमेश्‍वरको प्रेरणाद्वारा लेखिएको हो, बाइबलका सबै वचनहरू परमेश्‍वरका वचनहरू हुन्, उनले प्रभुमा विश्‍वास गर्ने र बाइबलको पालना गर्ने मात्रै गर्नुपर्छ, अनि प्रभु बादलको सवारीमा आउनुभएपछि उनलाई स्वर्गको राज्यमा उठाइलगिनेछ भन्‍ने विश्‍वास गरेकी हुन्छिन्। तैपनि, उनका सहकर्मीहरूले उनमा शङ्काको बीउ हालिदिन्छन्। चार रक्तचन्‍द्रमा पहिले ने देखा परिसकेको छ, र प्रभुको आगमनसम्‍बन्धी अगमवाणीहरू पूरा भइसकेका छन्। प्रभु पहिले नै फर्केर आइसक्‍नुभएको छ भन्‍ने देखिन्छ, तर किन हामीले उहाँ बादलको सवारीमा आउनुभएको देखेका छैनौं र उहाँलाई स्वागत गरेका छैनौं? … केही यस्तो मनन गरेपछि, फु जिनहुवाले सर्वशक्तिमान् परमेश्‍वरको आखिरी दिनहरूको कामको खोजी र अनुसन्धान गर्ने निर्णय गर्छिन्। सर्वशक्तिमान्‌ परमेश्‍वरको मण्डलीका साक्षीहरूसँग सङ्गति र तर्कवितर्क गरिसकेपछि, फु जिनहुवाले बल्‍ल स्वर्गको राज्यमा प्रवेश गर्ने मार्ग स्पष्ट रूपमा देख्छिन् र वर्षौंसम्म उनलाई नियन्त्रणमा राख्ने "टुनामुनाबाट" मुक्त हुन्छिन्। उनले सर्वशक्तिमान् परमेश्‍वरको आखिरी दिनहरूको कामलाई स्वीकार गर्छिन्, अनि उनी परमेश्‍वरको सिंहासनको अघि आउँछिन् र थुमाको विवाह-भोजमा सहभागी हुन्छिन्।