१

मानिसको पुत्रले सत्यता व्यक्त गर्नुहुन्छ,

मानिसहरूलाई मुक्ति दिन बोल्नुहुन्छ र काम गर्नुहुन्छ।

एउटै साँचो परमेश्‍वर देखा पर्नुभएको छ,

र उहाँ सर्वशक्तिमान् परमेश्‍वर, आखिरी दिनहरूका ख्रीष्ट हुनुहुन्छ।

अनुग्रहको युग बितेको छ र आखिरी दिनहरूको न्याय सुरु भएको छ।

परमेश्‍वरका वचनहरूले मानिसहरूलाई न्याय गर्छन् र पखाल्छन्

र मानिसहरूको एउटा समूहलाई पूर्णतः विजय गरेका छन्।

परमेश्‍वरको वचन धारिलो तरबारझैँ छ, त्यसले हाम्रो हृदय र आत्मा छेड्छ।

हाम्रा शैतानी स्वभावहरू प्रकाश गरिएका छन्,

र लाजमा हामी परमेश्‍वरसामु लम्पसार पर्छौँ।

हामी परमेश्‍वरको वचन अभ्यास र अनुभव गर्छौँ,

र हाम्रो जीवन स्वभावहरू परिवर्तन भएका छन्।

परमेश्‍वरको काम निकै व्यावहारिक छ, र हामीलाई पखालिएको र मुक्ति दिइएको छ।

२

परमेश्‍वरको वचन सत्यता हो, र यसले हामीलाई जीवनमा मार्ग देखाउँछ।

यसले हामीलाई सत्यता अभ्यास गर्न मार्गहरू दिन्छ,

र आत्म-आचरण र कार्यका सिद्धान्तहरू दिन्छ।

परीक्षा, सङ्कष्ट, र शोधनहरूले हाम्रो आस्था सिद्ध पार्छन्।

परमेश्‍वरले विजेताहरूको समूह बनाउन शैतानलाई सेवामा प्रयोग गर्नुहुन्छ।

परमेश्‍वरको स्वभाव पवित्र र धर्मी छ। हामी उहाँको डर मान्छौँ र प्रशंसा गर्छौँ।

हामीलाई परमेश्‍वरद्वारा मुक्ति दिइएको छ,

र हामी आफ्नो सम्पूर्ण प्राण उहाँलाई खुसीसाथ अर्पण गर्छौँ।

परमेश्‍वरको काम निकै व्यावहारिक छ, र हामीले त्यो आज अनुभव गरेका छौँ।

हामी आराधनामा परमेश्‍वरसामु लम्पसार पर्छौँ,

र सर्वशक्तिमान् परमेश्‍वरले महिमा प्राप्त गर्नुभएको छ।

—थुमालाई पछ्याउनुहोस् र नयाँ गीतहरू गाउनुहोस्