सर्वशक्तिमान्‌ परमेश्‍वर, आखिरी दिनहरूका ख्रीष्‍टले धेरै सत्यता व्यक्त गर्नुभएको छ र सारा संसारलाई हल्‍लाउनुभएको छ। साँचो मार्गको अनुसन्धान गर्ने क्रममा, धेरै मानिसहरूले सर्वशक्तिमान् परमेश्‍वरका वचनहरू अख्तियारयुक्त, शक्तिशाली छन्, र ती सत्यता हुन् भन्‍ने देख्छन्, र तिनीहरू निश्‍चित पनि हुन्छन्, तर जब तिनीहरूले आखिरी दिनहरूका ख्रीष्‍ट महिला हुनुहुन्छ भनेर सुन्छन्, तिनीहरूले उहाँलाई स्वीकार गर्न मान्दैनन्। तिनीहरूले प्रभु येशू पुरुष हुनुहुन्छ, र पवित्र आत्माले पनि प्रभु येशू “प्रिय पुत्र” हुनुहुन्छ भनी गवाही दिनुभएको छ भन्‍ने विश्‍वास गर्छन्। त्यसकारण, तिनीहरूलाई प्रभु फेरि आउनुहुँदा उहाँ अवश्य नै पुरुष हुनुहुनेछ, र उहाँ महिला हुनु पूर्ण रूपमा असम्‍भव कुरा हो भन्‍ने लाग्छ। के यो दृष्टिकोण बाइबलीय अगमवाणीहरू अनुरूप छन्? के परमेश्‍वरका वचनहरूमा यसको आधार छ? के प्रभु येशूले उहाँ फर्कनुहुँदा उहाँ पुरुष हुनुहुनेछ कि महिला हुनुहुनेछ भनेर भन्‍नुभयो? अवश्य नै भन्‍नुभएको छैन। त्यसकारण, किन आखिरी दिनहरूका देहधारी परमेश्‍वर पुरुष होइन, तर महिला हुनुहुन्छ? साँचो विश्‍वासको खोजीको यो भागले तपाईंलाई सत्यता बुझ्‍न र परमेश्‍वर देखा पर्नुभएको घटना र आखिरी दिनहरूको उहाँको कार्यको बुझाइमा अगुवाइ गर्नेछ।