१

सियोन! रमाऊ! सियोन! गीत गाऊ!

म जितको साथ फर्केको छु, म विजयी बनेर फर्केको छु!

सबै मानिसहरू! लामबद्ध हुन हतार गर!

सृष्टिका सबै थोकहरू! अब रोकिऊ,

किनकि मेरो व्यक्तित्वले सम्पूर्ण ब्रह्माण्डको सामना गर्दै छ र संसारको पूर्वमा देखा पर्दै छ!

आराधनामा घुँडा नटेक्‍ने आँट कसले गर्छ?

मलाई साँचो परमेश्‍वर भनी नपुकार्ने आँट कसले गर्छ?

कसले डर मान्ने हृदयसाथ माथि नहेर्ने आँट गर्छ?

कसले प्रशंसा नगर्ने हिम्मत गर्छ? कसले नरमाउने आँट गर्छ?

मेरा मानिसहरूले मेरो आवाज सुन्‍नेछन्।

२

पहाडपर्वत, नदीनाला र सबै थोकहरू

अनन्त रूपमा जयजयकार गर्नेछन् अनि नरोकिईकन उफ्रिरहनेछन्।

यस बेला, कसैले पनि पछाडि फर्कने हिम्मत गर्नेछैन,

र कसैले पनि प्रतिरोध गर्नका निम्ति खडा हुने आँट गर्नेछैन।

यो मेरो अचम्मको काम हो, र त्योभन्दा पनि बढी, यो मेरो महान् शक्ति हो!

म सबै थोकलाई मेरो डर मान्ने हृदय भएको बनाउनेछु,

र त्योभन्दा पनि बढी, म सबै कुरालाई मेरो प्रशंसा गर्ने बनाउनेछु!

यो छ हजार वर्षे मेरो व्यवस्थापन योजनाको अन्तिम लक्ष्य हो,

र मैले निर्धारित गरेको कुरा यही हो।

न त कुनै व्यक्तिले न त कुनै वस्तु वा कुनै घटनाले

नै मेरो प्रतिरोध वा विरोध गर्न खडा हुने आँट गर्छ।

३

मेरा सबै मानिसहरू मेरो पर्वततर्फ आउनेछन् र मेरो सामु झुक्‍नेछन्,

किनकि मसँग प्रताप र न्याय छ, र मसँग अख्तियार छ।

मेरो निम्ति कुनै पनि कुरा गाह्रो हुनेछैन।

मेरो मुखको वचनहरूका कारण सबै नष्ट हुनेछन्,

र मेरा वचनहरूका कारण सब थोक अस्तित्वमा आउनेछन् र पूर्ण पारिनेछन्।

मेरो महान् शक्ति यही हो र यही नै मेरो अख्तियार हो।

म शक्तिले भरिएको र अख्तियारले भरिपूर्ण भएकोले

कुनै व्यक्तिले मलाई बाधा दिने हिम्मत गर्न सक्दैन।

मैले पहिले नै सबै कुरामाथि विजय प्राप्त गरेको छु,

र मैले विद्रोहका सबै छोराहरूलाई पहिले नै जितिसकेको छु।

—वचन, खण्ड १। परमेश्‍वरको देखापराइ र काम। प्रारम्‍भमा ख्रीष्‍टका वाणीहरू, अध्याय १२०