१

बिजुली पूर्वबाट चम्किएको छ,

परमेश्‍वरका वचनहरूले निदाएका मानिसहरूलाई जगाउँछन्।

मानिसको पुत्रले सत्यता व्यक्त गर्नुहुन्छ, भ्रष्ट मानवजातिलाई ज्योति ल्याउनुहुन्छ।

अन्धकारमा ढाकिएर, सबै जातिले परमेश्‍वरको आवाज सुन्छन् र उहाँसामु फर्किन्छन्।

तिनीहरू हृदय सन्तुष्ट होउञ्जेल परमेश्‍वरका वचनहरूमा रमाउँछन्

र भव्य भोजमा सहभागी हुन्छन्।

हामीले परमेश्‍वरका वचनहरूमा सत्यता बुझ्दै गर्दा,

हामी आफ्ना कर्तव्य पूरा गर्छौँ र परमेश्‍वरसामु जिउँछौँ।

परमेश्‍वरको न्याय र सजाय अनुभव गर्दा, हाम्रो भ्रष्ट स्वभाव पखालिन्छ।

परमेश्‍वरको पवित्रता र धार्मिकता देख्दा,

हामी हृदयमा परमेश्‍वरलाई प्रेम गर्छौँ र उहाँको गवाही दिन्छौँ।

परमेश्‍वरका मानिसहरू परमेश्‍वरद्वारा सिद्ध पारिएका र प्राप्त गरिएका छन्,

तिनीहरू उहाँलाई धन्यवाद र प्रशंसा अर्पण गर्छन्।

२

परमेश्‍वरका वचनहरूले सबै मानिसहरूको खुलासा गर्छन्,

र परमेश्‍वरका भेडाले उहाँको आवाज सुन्छन्।

सबै राष्ट्र र सम्प्रदायका परमेश्‍वरका चुनिएका मानिसहरू

बिस्तारै परमेश्‍वरसामु फर्किन्छन्।

जीवनको जीवित पानीको पोषण पाउँदै,

हामी परमेश्‍वरका वचनहरूमा उहाँको आमने-सामने आउँछौँ।

परमेश्‍वरको प्रेम र आशिषहरू देख्दा,

हामी सबैजना सर्वशक्तिमान् परमेश्‍वरलाई पछ्याउँछौँ र उहाँको गवाही दिन्छौँ।

राज्यको सुसमाचार शैतानलाई पूर्णतः लज्जित र पराजित गर्दै संसारभर फैलिएको छ।

परमेश्‍वरका मानिसहरूले एउटै साँचो परमेश्‍वरको आराधना गर्छन्,

सर्वशक्तिमान् परमेश्‍वरले पूर्ण महिमा प्राप्त गर्नुभएको छ।

परमेश्‍वरको धार्मिकता र क्रोध बर्सिएका छन्,

र ठूलो रातो अजिङ्गर परमेश्‍वरद्वारा दण्डित र नष्ट हुन्छ।

छ-हजार-वर्षे व्यवस्थापनको भव्य काम समापन हुन्छ,

सृजित मानवजातिले परमेश्‍वरलाई अनन्त रूपमा प्रशंसा गर्छ।

—थुमालाई पछ्याउनुहोस् र नयाँ गीतहरू गाउनुहोस्